Delu dia Jeremiya 2
2
Nyangu ya Siona Yambuya Uma le Latuyalaka
1Yee, Khumadiondjo ambukumba ona
umuntu a Siona dingi lu kele kandi!
Ndi ambokosha lutumbu la Isariyele
uma lʼulungu uya la kete.
Lu lushi la kele kandi, ndi huho
kihuna kandi ka nkitshaka ekulu.
2Khumadiondjo akahandjula adjaselu
tshe wa Jakoba, kumbuka ketshi,
Ndi akahandjula esumba a wulu wa
ona umuntu a Juda lu kele kandi.
Ndi akakitshakitsha pulu lʼesi,
Akanya nemo uma lu diulelu diawo
la ewandji awo.
3Ndi akahimbula wulu wa Isariyele lu
kele kandi ka wulu,
Akanya lunya la pami lakandashimbaka
utunyi.
Ndi akahete uku lumbi la dja lu
Jakoba, akatshumbi beke diawo tshe.
4Ndi akaleme uta uku utunyi,
Akakutula lunya la pami uku umpe
tshanyi.
Ndi akadiaki tshe wakaleki dimena
lʼatei asu.
Ndi akafufiya kele kandi uku lumbi
la dja,
Lu luudu la dipema la ona umuntu a
Siona.
5Khumadiondio ambukadimo utunyi,
ambomena Isariyele usudia.
Ndi ambulanya mvudu yawo tshe ya
khumʼekanga.
Ndi akahandjula esumba awo a wulu;
Ambufudia delu la tukuku ta ona
umuntu a Juda.
6Ndi ambuhandjula luudu landi
lʼotemwelo la ngala,
Uku atuhandjulaka untu yindju
lʼekambo.
Latuyalaka ambuhiya asi Siona nshi
yʼalambu la nshi ya mumuya.
La ududu wa kele kandi, mbakandonyola
khumʼekanga la olombedi.
7Khumadiondjo ambulanya ediakelu
kandi,
Ambuka etemwelo kandi wononyi.
Ndi akakimo mvudu yawo ya
khumʼekanga lu anya wʼutunyi.
Vo wakadji lundju lu luudu la
Latuyalaka,
Uku akawatshaka lu lushi la dambu
diʼekila.
8Latuyalaka ambusanguya dia nanya
eheli ka ona umuntu Siona,
Ndi ambukiedika lʼushinga, atanya
lunya landi uma lu nkilanya.
Ndi ambukhumia lungeli lʼeheli
akhumu, yo yambukhuma akhumu
kame.
9Kuki yawo yakakhundema lu kete.
Ndi akokola ndu akalanya tukingiti
tawo.
Khumʼekanga kawo la ewandji awo
waya lʼatei a wedja;
Elembe kema ntu; ndu amvutshi awo
hawuyena
Nduku enelo uma le Latuyalaka.
10Dihangamendi dia ona umuntu Siona.
Diambudjase la kete, diambolembohala ki.
Vo wambutela ditshu lʼete, wambolota
akutu.
Esekaseka wʼamantu wa Jerusalema.
Wambokole ete awo pulu ndu lu kete.
11Ashu ami wambule lʼasoi, utema ami
ambukanana.
Dimi lambuvo la okei, ne dia ona
umuntu a wudja ami,
Ne dia akenda la ana wʼashashi.
Wamboko huhakai lu sese wʼusumba.
12Lamʼatuwokokaka lu esese wa
lʼusumba uku antu wambuhumo,
Ndu lamʼatuwokokaka huhakai lu
tulu yʼanyengewo,
Vo watuwambulaka vati:
Lendʼeli mbu ya nde la wanu?
13We ona umuntu Jerusalema,
Eyami mvuta lu dikambu diaye,
la na ayumukedika?
We ona umuntu lʼemuna Siona,
La na ayumukedika dia dimi nkusamba?
Puta kaye keki wuki uku ashi a waki,
ayeya nkokonoya na?
14Amvutshi aye wakakenyi waenelo wa
kashi ndu wʼanyanya,
Vo hawushula kolo kaye dia nkukaluya
uma lu fumbi,
Vo wakakendjiyaka awulu wa kashi
dia nkunganyiya.
15Waku tshe wateta lasuki laye,
watuhumaka saka dikambu diaye.
Vo watohongolaka soi,
watunyinginyaka ete
Lu dikambu dia ona umuntu
Jerusalema, wambwana vati:
Aha usumba one mbaketaka antu vati:
Engo ka dimena diahangone,
ongenongeno wa kete kʼutundu?
16Atunyi aye tshe wambukase enyo
awo,
Wakohongwela soi, wakeketanya
anyu;
Watanela vati: Shu tambulanya tshe.
Lushi lakatalungamela lone, shu
tambulutana, tambulena.
17Latuyalaka ambutsha kene
kakandasanguya.
Ndi ambushidiya diui diakandati lu
nshi yʼedjedja.
Ndi ambuhandjula aha la ketshi.
Ndi ambongenyangenya utunyi lu
dikambu diaye;
Ambedia waulu waku watukuhetshaka.
18We ona umuntu Siona, uleleli
Khumadiondjo wulu!
Okedia asoi uku okedi wʼelula la
yanyi ndu lʼutshu!
Tuhekoki, tushaki ashu aye mumuya!
19Uneli, utundo la delu, uleli utshu tshe!
Utshululi utema aye uku ashi la
ntundu ka Khumadiondjo.
Edia anya aye utsha le ndi
Lu dikambu dia anʼaye wambuvo la
ndjala lʼatei wʼosese tshe.
20Latuyalaka li, endi wane wambuyuntshela
okone!
Undi, ololo amantu nde anʼawo
wakawembaka lu anya awo?
Ololo olombedi la umvutshi ndjakema
Lu etemwelo ka Khumadiondjo uka?
21Olongo a pami la usumbi wambetama
lu kete lu esese;
Esekaseka ami wʼamantu la elongo
ami wʼapami wambudiakema la yombo.
We akadiaki lu lushu laye la kele,
akadiaki aha la ketshi.
22We aketi atunyi ami wa lʼutshimba
tshe.
Uku lu lushi la lusanganya lʼekila.
Nduku lakahandi, nduku lakatshikala
la lumu.
Lu lushi la kele ka Latuyalaka.
Utunyi akadiaki wane tshe wakamembaka,
ndu wakamudiaki.
Currently Selected:
Delu dia Jeremiya 2: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
