Jeremiya 8
8
1Lu etena keso, vo wayutundja weka wa khumi ya dikanga ya Juda, weka wa ewandji awo, weka wa elombedi, weka wa amvutshi ndu weka wʼasi Jerusalema uma lu waumbu awo. 2Vo wayuwekitsha kalakala la ntundu ka unya, ka ngondo, ndu ka ului tshe wa lʼulungu, wakawukaka ngandji, wakawekamaka, wakawayelaka, wakawayangaka, ndu wa-kawatemolaka. Vo hawusanganyema kuyanga nkhundema. Vo wayuyala uku tumi ladiku dia kete. 3Wane wayutshikala uma lu diuhu ne dia kolo lu ahuli tshe wakamawatshanya, wayukumbula nyoi uleki lumu, mbata Latuyalaka Kanga lulimbilimbi.
4Kuwateli ntu wati: Latuyalaka kata
ati:
Lamʼamboko antu, vo haweto ntu?
Naka untu ambetola, ndi hakalula
uka?
5Ku dikambu kuna diatokolamelaka
wudja one nkalula ekongokongo?
Vo watushikikalaka lu lukesu,
hawetawo nkalula.
6Dimi lakahukama, lakalungi,
Keli vo kumvuta aui wʼusimbwi.
Nduku untu akayatshumuya ne dia
kolo kandi,
Ata ati: Ukundi akamatshi okone?
Vo tshe untu lʼuntu atukadimoka
utsha lu mbuka kandi,
Uku atukhungusoka falasa utsha lu ta.
7Yemema ya lʼulungu mbeyaka tena
diayo;
Yembi, djedi, la omboko mbeyaka
tena diawo dia ndja.
Keli wudja ami haweyi elembe ami,
dimi Latuyalaka.
8Ukundi eyanyu mvuta nyati: Shu
teko la tumba,
La elembe wa Latuyalaka weko la su?
Keli, nyendi, afundji wakafundi
ufundafunda, dia mbete elembe ami kashi.
9Asi yimba wambutshama sonyi,
wambukanana, wambundama.
Nyulungi, vo wambutuna diui dia
Latuyalaka,
Na wuhu wa yimba yeli la wo?
10Diako mbayumukimo wadiewo
le akina,
La dikambo diawo le waku wayalunga,
Ne dia vo tshe, one luleki tshitshe
ndu luleki wuki,
Wambuyala akanga a lukaki.
Ndu umvutshi ndu olombedi, vo tshe
watutshaka akambu wa lukesu.
11Vo watombaka puta ya wudja ami
yema tshitshe.
Ku vo mvuta vati: Ambushila, ambushila,
ku to katashili!#8:11 Ezek. 13:10.
12Vo wakuki sonyi lamʼakawatshi
akambu wa wononyi?
Kema, vo konombo, kumbuka sonyi
nduku yema.
Diako mbajuwoko lʼatei a waku
watokokaka.
Vo wayolemba lamʼayumasuya, mbata
Latuyalaka.#8:12 Jer. 6:12-15.
13Dimi layashila ushiki, mbata
Latuyalaka.
Ekodi wa vinyo hawoto elua ntu,
kuyanga etamba wa fingu nto fingu.
Akatshi wayolengela, la diango
diakamawasha diayumo uma le wo.
14Okoko wana wadjasesu udjasedjase?
Nyusangani tutshu utsha lʼesumba
wudingami kumbu,
Tutuvu leko; ne dia Latuyalali,
Unyashungu asu, kambutukimo dia
shu mvo.
Ndi akatonosha ashi wa lolengo,
Ne dia shu takutshela kolo.
15Shu takalungamela ki, keli nduku
dikambu diʼololo diakayi.
Shu takalungamela okonwelo, keli
woma a mamba wakayi.
16Awanelu wa falasa yawo wambukema
uma la Dane,
Kete tshe yambudidima la lundju
lʼawanelu ka waumi wa falasa.
Andoshi wa ta wambuya, wambolembia
kete la diango tshe dieli loko,
Usumba la waku wudjashi loko.
17Nyulungi, dimi luyanga ntuma elui la
kanga lʼatei anyu yaheyi akanga wʼaloho
nembohaya.
Yo yayunyulumata, mbata Latuyalaka.
Delu lu Dikambu Dia Juda la Jerusalema
18Dimi lambukumbula okei ami nshila.
Utema ami ambokomo.
19Nyuki delu dia ona umuntu a wudja
ami,
Uma lu kuma ya kete ati: Undi,
Latuyalaka, kema lu Siona?
Khumʼekanga kawo kema lʼatei awo?
Okoko wana wakawambutsha kele
La ditemolatemola diawo dia losela,
la dia dikishi diʼasi wedja?
20Diye diambeta, dinela diambushila,
Keli shu tatashimbamela.
21Lambusuwa ne dia puta kʼona
umuntu a wudja ami.
Dimi leko la lunyangu, woma a
mamba wambumunda.
22Undi, diombo kema la Ngiliyade,
wetshi kema leko uka?
Ku ya ukundi aki konkono ona
umuntu a wudja ami?
Currently Selected:
Jeremiya 8: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
