Jeremiya 7
7
Nyolongosole Akambu Anyu la Etsha Anyu
1Diui diakayi uma le Latuyalaka le Jeremiya ati: 2Utemali la suku dia luudu la Latuyalaka. Ututi diui ne leko wati: Nyuki diui dia Latuyalaka, nyu asi Juda tshe watotoka lu asuku andi dia mbotemola. 3Latuyalaka Kanga lulimbilimbi, Unyashungu wa Isariyele, kata ati: Nyolongosole akambu anyu la etsha anyu, ku dimi layetawo nyu mbidjase lu dihuli ne. 4Tanyekamaki aui ane wa lukesu nyati: Etemwelo ka Latuyalaka kene, etemwelo ka Latuyalaka kene, etemwelo ka Latuyalaka kene!
5Naka nyu nyayolongosola akambu anyu la etsha anyu tshe, naka nyu nyayusambula untu la unyandi ololo, 6naka nyu hanyengiya ongendangenda, ona etshiki, wadi aki udu; naka nyu hanyutshulula dikila diʼuntu laha la unungu lu dihuli ne, ndu naka nyu hanyuyeli dite-molatemola dia ndjatungela elanyelu, 7ku dimi layetawo nyu mbidjase lu dihuli ne, lu kete yakamasha washenyu edjedja pundju pundju.
8Nyulungi, nyu nyatekamaka aui wa lukesu waheyi nyukimanyia. 9Undi, nyu nyayuvaka, nyayudiakaka antu, nyayunanaka luseka, nyayutshibaka utshibatshiba, nyayutshumbelaka Bala malashi, nyayuyelaka ditemolatemola diahanyeye? 10Ku nyu ndjemalaka la ntundu kami, lu luudu lone, latuwetaka lukumbu lami la mvuta nyati: Shu tambutshungo! Dia nyu ntetemalaka ntsha akambu ane tshe wa wononyi? 11Undi, luudu lone latuwetaka lu lukumbu lami, lambuyala edjaselu ka evi#7:11 Mat. 21:13; Mak. 11:17; Luk. 19:46. lu ashu anyu? Enda, dimi dime latenaka, mbata Latuyalaka. 12Nyutshu kakiane utsha la Shilo, lu dihuli diakamashikike lukumbu lami ntundu. Nyutendi uku akamaditshela, ne dia kolo ka wudja ami Isariyele. 13Nyulungi, lamʼakanyatshi akambu ane tshe, dimi lakakolamelaka nteketa la nyu, keli nyu kumbukelami. Dimi lakanyetaka, keli nyu kumbetawo, mbata Latuyalaka. 14Diako mbayumutshela luudu latuwetaka lukumbu lami, latunyekamaka, ndu dihuli diakamanyusha nyu la washenyu, wuhu wakamatshela Shilo.#7:14 Jas. 18:1; Esam. 78:60; Jer. 26:6. 15Dimi layunyutshanya uma la ntundu kami, uku akamatshanya anengenyu tshe, tukanula tshe ta Efarayima.
16Okone tolombelaki wudja one, tediaki diui dia mbalelela, kana mbasengesengela, kuyanga mbateketela la ntundu kami, ne dia dimi halukukela. 17Undi, we henyi akambu watuwutshaka lu esumba wa Juda ndu lʼesese wa Jerusalema? 18Ana watunaka kunyi, washewo wato-ngonyaka dja, amantu watosohanyaka shima dia nkatela khumʼekanga ka umuntu ka lʼulungu ekati, ndu dia ntshulwela ditemolatemola elambu awo wa lutela, dia mbutshami kele. 19Undi, dimi kutshawo kele, aha vame lu ufutanu awo, mbata Latuyalaka? 20Diako mbata Khumadiondjo Latuyalaka okone ati: Nyulungi, kele kami la ududu ami wayutshulo lu dihuli ne, ladiku diʼantu, ladiku dia nyama, ladiku diʼetamba wa lu dikambo, ndu ladiku diʼelua wa la kete. To kayoheta, haweyi nkidima.
Asui ne Dia Uhendudi wa Juda
21Latuyalaka Kanga lulimbilimbi kata ati: Nyahe elambu anyu wa lutshumba la diku diʼelambu anyu, nyuli emunyi awo. 22Ne dia lu lushi lakamatundja washenyu uma lu kete yʼEdjibitu, dimi konteketi la wo, kuyanga mbadjela olembe lu dikambu diʼelambu, kana elambu wa lutshumba. 23Keli dikambu ne mbakamawadjangela nti: Nyulungaki aui ami, ku dimi layuyala Unyashungu anyu, la nyu nyayuyaia wudja ami. Nyokendakendaki lu mbuka tshe yamumunyenya, ku nyu nyayuhumo lukulu lʼolo. 24Vo kununga, kumpuke atui. Vo wakakendakenda lu tukanyi tawo ndu lu saki yʼetema awo wa kolo, wakakalula ekongokongo, kuntsho utsha la ntundu. 25Umaka lushi lakatumbi washenyu uma lu kete ya Edjibitu edja ndu elo, dimi lakakolamelaka mbatumela ekambi ami tshe, amvutshi. 26Keli vo kunungakumpuke atui, wakayala la ete wulu. Vo wakaleki washewo ntsha kolo.
27Kuyanga we ayuwatela aui ane tshe, hawukukela; kuyanga we ayuwaeta, vo hawuketawo. 28Kuwateli wati: Onʼeli wudja wahalungi aui wa Latuyalaka, Unyashungu awo, wahalangi mbuka wetshelu; mete kambushisho, to kambumo uma lʼenyo awo.
29Nyunya avu anyu, kanyuwakadja.
Nyutudi tukuku lu ahuli wa ladiku,
Ne dia Latuyalaka akaseke, akatuni
lolonga lambuwutsha kele.
30Asi Juda wakatshaka kene kaki kolo lu ashu ami, mbata Latuyalaka. Vo wakakitsha diango diawo dia wononyi lu luudu latuwetaka lukumbu lami, La dio lulanya. 31Vo wakatshi alunga la Tofeta, lʼukidi wa onʼa Hinome,#7:31 2 Khum. 23:10; Jer. 32:35. dia ntshumba anʼawo wapami la anʼawo wʼamantu lu dja:#7:31 Lew. 18:21. dikambu diakimi kumbadjangela ndu diaki kundjala lu tukanyi tami. 32Okone nyulungi, nshi yayuyala, yahaweta ahuli a, ntu vati: Tofeta la ukidi w onʼa Hinome. Keli wayuwaeta vati: Ukidi wʼediakelu, ne dia wayukhunde edu la Tofeta edja ndu nduku hyuli ntu. 33Edu wʼantu ane wayuyala ma dia fudu ya lʼulungu la nyama ya la kete, ku nduku untu layuyitshanya. 34Ku dimi layukumiya ongenongeno, ongenongeno a wuki, kimbu yʼutshuki la kimbu yʼutshukami#7:34 Jer. 16:9; 25:10; Eny. 18:23. lu esumba wa Juda ndu lʼesese wa la Jerusalema, ne dia kete yayuyala elanyelu ketu.
Currently Selected:
Jeremiya 7: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
