Jeremiya 50
50
Etelu kʼAkambu Wahatayi lu Dikambu Dia Babilona
1Diui diakati Latuyalaka lʼunyo wʼumvutshi Jeremiya lu dikambu dia Babilona,#50:1 Is. 13:1—14:23; 47:1-15. lu dikambu dia kete yʼasi Kaladiya.
2Nyuteli wedja tshe lukumu,
nyudianganya diui.
Nyuhane ekuhu ka koi, nyuti lukumu
lako.
Tanyusheki nduku diui; nyuti nyati:
Babilona kambosama!
Bele kambutshama sonyi!
Merodaka ambowediawediama!
Difanelu diawo diambutshama sonyi,
Dikishi diawo diambowediawediama!
3Wudja omotshi lundjayi uma la ngelʼa kushi dia ndjolosha. Vo wayete kete yawo elanyelu, nduku untu ayudjase leko. Ndu antu ndu nyama wayulawo, wayudiangana.
4Lu nshi sho, lu etena kako, asi Isariyele wayuya vo la asi Juda kame. Vo wayutshokaka lu mbuka wataleli, wayutuyanga Latuyalaka, Unyashungu awo. 5Vo wayumbula mbuka kʼutsha la Siona, wayedia dundji diawo utsha leko, wata vati: Nyuyi, nyuyumamemi Latuyalaka lu sheki ya pundju, yahuhameki pundju.
6Wudja ami wakayala uku limba lʼekoko lakashisho. Alami awo wakawanganyia, wakawaekekuya lu ekungu. Vo wakatatshokaka uma lʼekungu utsha lʼakuna. Vo wakuhela ukutu awo. 7Waku tshe wakahumana la wo, wakamani. Atunyi awo wakataka vati: Shu kema la unungu, ne dia vo wakatshela Latuyalaka, edjaselu ka sambu kʼololo, kolo, Latuyalaka, elungamelu ka washewo.
8Nyulawo uma la Babilona,#50:8 Eny. 18:4. nyutumbi uma lu kete yʼasi Kaladiya, nyuyali lolombo uku waumi wa mbudi watolombolaka limba la dungalunga! 9Nyendi, dimi lutsha ntundjiya la mbela Babilona ului wa wedja a waki, uma lu kete ya ngelʼa kushi dia ndjolo la wo. Vo wayu-yalonga dia mbolosha, wayuwunya uma leko. Pitu yawo yeli uku yʼalimbi wa lononga, yahatetaka apadu. 10Ku Kaladiya ayumbama dimbu Wane tshe wayuwumba, wayuluta, mbata Latuyalaka.
11Kuyanga nyu nyatongenangenaka,
Nyatongenangenaka utamanya, nyu
ananyishi wʼukito ami!
Kuyanga nyu nyambulimbolimbo uku
ngombe ka wadi lu adiyu,
La mbawana uku falasa kʼumi keta
wadi,
12Nyengenyu ayutshama sonyi.
One lakanyuti ayate asulu.
Nyuki, ndi ayuyala wela wa wedja
tshe,
Oso eli usui wa shenga, kete yambuma,
ndu yʼufumbu.
13Dikambu dia kele ka Latuyalaka
mbahudjase antu ntu leko.
Babilona ayuyala paka elanyelu ketu.
One tshe layeta laawo, ayukashimo,
Ayotshodia ne dia asui awo tshe.
14Nyuyalonge lu ta lʼutshimba tshe wa
Babilona dia mbolosha.
Nyu ambuki wʼeta tshe, nyuwuki pitu,
tanyuwukaki kandji,
Ne dia vo wakatshela Latuyalaka kolo.
15Nyuwudjeli waelu wa ta lʼutshimba
tshe.
Vo wambolemba;
Ngeli yawo yambulanyema, peli diawo
diambunyuko,
Ne dia onʼeli somboya ka Latuyalaka.
Nyosomboya, nyutsheli uku
akandatshaka.
16Nyushili one latukaka wehu,
Ndu one latukimelaka lukuwa
Lu nshi ya dinela ushiki la Babilona.
Uma lu woma wa yombo yʼunanyishi,
Vo tshe untu lʼuntu ayukadimo utsha
le wudja awo,
Wayulawo untu lʼuntu lu kete yawo.
17Isariyele eli okoko wakanganela, wakatshanya tambwe. Khumʼekanga kʼAsuriya akuli ntundu. Kakiane Nebukadineza, khumʼekanga ka Babilona, ambotetshatetshaka weka. 18Diako mbata Latuyalaka Kanga lulimbilimbi, Unyashungu wa Isariyele, ati: Nyendi, dimi lutsha nsuya khumʼekanga ka Babilona la wudja andi, uku akamasuya khumʼekanga kʼAsuriya. 19Dimi layukaluya Isariyele lʼukutu andi. Ndi ayolekaka adiyu la Karamele ndu la Bashana. Dikundju diandi diayulutaka lu ekungu wa Efarayima ndu lu Ngiliyade. 20Lu nshi sho, lu etena kako, wayuyanga uhedia wa Isariyele, keli hawutani; la kolo ya Juda, keli hawuyishula, ne dia dimi layudimanyia atshikadi wayumutshika, mbata Latuyalaka.
21Nyutshu utsha lu kete ya Meratayima,
nyutuyilosha,
Ndu utsh le asi Pekode, nyutadiaki,
nyutashili ushiki.
Nyututshi tshe uku aui tshe wakamanyutela,
Mbata Latuyalaka.
22Waelu wa ta wambukema lu kete,
elanyelu ka wuki.
23Uhumo wa kete tshe wambuhimbo,
wambowele.
Babilona ambulanyema lʼatei a wedja.
24Dimi lakakambi djunga, we Babilona,
Ku we akandama shashimuya.
We akatanema, akandama,
Ne dia we akasemanela la Latuyalaka.
25Latuyalaka akadihula luudu landi la
diango dia ta.
Ndi akatundja dihumo dia kele kandi,
Ne dia Khumadiondjo, Latuyalaka
Kanga lulimbilimbi eko la
Ulimu wa ntsha lu kete yʼasi Kaladiya.
26Nyoto lu beke tshe lu Babilona dia
mbolosha.
Nyufuli apenge awo;
Nyomotsha atuta wʼelanyelu uku elui
wa dikanda diʼepunga;
Nyulanya tshe, tanyutshikaki nduku
yema.
27Nyudiaki esongo awo wa ngombe,
nyehimbuli ete.
Mananu le wo, ne dia lushi lawo
lambusukana,
Etena kʼelumbwelu kawo.
28Nyuki tukuku tʼandawi! Vo wambulawo uma lu kete ya Babilona dia ntuta lukumu lʼesombweyo ka Latuyalaka, Unyashungu asu, lu Siona, ee, esombweyo dia etemwelo kandi!
29Nyu ambuki wʼeta tshe, nyeteli Babilona ambuki wʼeta, nyu wane tshe watukimelaka eta. Nyuhangi lʼutshimba awo, untu tahandaki. Nyosomboya ne dia ulimu andi. Nyutsheli tshe uku akandatshaka,#50:29 Eny. 18:6. ne dia ndi akunela lʼutaku dia nsemanela la Latuyalaka, la lʼEkila lʼlsariyele. 30Diako mbayoko elongo awo wʼapami lu esese awo, la alimbi awo tshe wayudiakema lushi lako, mbata Latuyalaka.
31Enda, dimi layendana la ye we kanga
utaku,
Ne dia lushi laye lambukuka,
Etena ka we numbuyama,
Mbata Khumadiondjo, Latuyalaka
Kanga lulimbilimbi.
32Kanga utaku ayutakana, ayoko,
Nduku untu layuwunyiya.
Dimi layongonya dja lu esumba andi,
ku yo yayutshumba wa lʼutshimba
awo tshe.
33Latuyalaka Kanga lulimbilimbi kata ati: Asi Isariyele la asi Juda wambusuyama kame. Waku tshe wakatole lu fumbi, wambakimela wulu, hawetawo mbatshungula. 34Keli utshungudi awo eli la wulu, lukumbu landi leli Latuyalaka Kanga lulimbilimbi. Ndi ayusambula dikambu diawo dia mbisha kete ki. Ndi ayohenyahenya asi Babilona.
35Yombo yambukuma dia ndosha asi
Kaladiya.
La asi Babilona, le ewandji awo,
Ndu le akanga a yimba awo, mbata
Latuyalaka.
36Yombo yambukuma dia ndosha asaki
awo wʼawulu,
Dia vo ndjala akanga a dinginya.
Yombo yambukuma le andoshi awo
wa ta dia vo ndjakema.
37Yombo yambukuma dia ndosha
falasa yawo la pusupusu yawo,
La andoshi wa ta wʼasi wedja weli
lʼatei awo,
Dia vo ndjala uku amantu.
Yombo yambuya dia ndosha
waumbelu awo,
Diango diawo diayumbama.
38Owo ambukuma lu ekedi awo,
vo wutsha muma.
Yo yeli kete yuludi too la difanelu,
La antu wambuyakimo le dikishi.
39Diako mbayudjase nyama ya ngala, wambulu leko.#50:39 Eny. 18:2. Ateki wayudjase leko. Nduku untu layudjase leko ntu pundju. Vo hawuyala wudja lu nonga la nonga pundju. 40Vo wayulanyema uku akamalanya Sodoma la Ngomora la esumba waki suki, dimi Unyashungu.#50:40 Etat. 19:24-25. Nduku untu layudjase leko ntu, nduku untu layulala leko, mbata Latuyalaka.
41Nyendi, wudja wayayi uma la ngelʼa
kushi, wudja a wuki,
Ndu khumi ya dikanga yambunela
uma lu kuma ya la kete.
42Vo wambukimela eta la akonga.
Vo weli akanga wʼusihi, waha la ketshi.
Aui awo wambudikita uku ashi a waki.
Vo wambahema lu falasa yawo,
Wambuyalongosola uku untu otoi dia
ndo ta,
Dia nkolosha, we ona umuntu a
Babilona!
43Khumʼekanga ka Babilona ambuka
lukumu lawo,
Ku anya andi wambokomo.
Sasi diambuwunda,
Kandji uku lono la umuntu lutsha
mbuta.
44Nyendi, atunyi awo wambutumba uma lʼukunda wa la Jorodana, uku tamowe katatshu utsha lʼukutu a wulu wʼekoko. Ku dimi layuwatshanya shashimuya uma leko. Dimi layukitsha one layumosonola umbuledi awo. Akona edimi la mi? Akona ayonsonwela etena? Ulami wʼekoko akona wayemala la ntundu kami? 45Uma lu dikambu so, nyu-ungi tukanyi ta Latuyalaka, takanandi lu dikambu dia Babilona, ndu sangweyu diasanguyandi lu dikambu dia kete yʼasi Kaladiya, ati: Vo wayakutula ushidi uku ana wʼekoko, wayulanya edjaselu kawo. 46Kete yambudidima la lundju lʼeoselo ka Babilona; tukuku tawo tambukema lʼatei a wedja tshe.
Currently Selected:
Jeremiya 50: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
