Jeremiya 51
51
Elumbwelu ka Eatuyalaka lu Babilona
1Latuyalaka kata ati:
Nyuki, dimi layunyia odienge
wʼelanyelu
Dia ndo la Babilona la asi Kaladiya.
2Dimi layutuma afufudi
Utsha la Babilona dia vo ntufufula.
Vo wayete kete yawo hwe,
Wayudinga lu beke tshe lushi lawo
lʼelanyelu.
3Nyoleme eta dia ndo la waku
watolemaka eta,
Ndu la waku watolotaka eloto wa ta!
Tanyuhandjaki elongo awo wʼapami!
Nyushili alimbi awo tshe ushiki.
4Vo wayoko edu lu kete ya Kaladiya,
Wutundotundomi la dihumo lu esese
wa Babilona.
5Ne dia Isariyele la Juda konsekama le
Unyashungu awo,
Latuyalaka Kanga lulimbilimbi,
Kuyanga kete yʼasi Kaladiya yambulula
too
La enungu le lʼEkila lʼlsariyele.
6Nyulawo uma la Babilona.
Nyu tshe untu lʼuntu ashimbeli lumu
landi,
Nyutukudiakema lu elanyelu kawo,
Ne dia etena kʼosombweyo ka
Latuyalaka kambukuka.
Ndi utsha mbafuta uku etsha awo.
7Babilona aki uku dikoho oia paunyi
Lu lunya la Latuyalaka,
Diakandjuya kete tshe.
Wedja wakano wanu awo,#51:7 Eny. 17:2-4; 18:3.
Diako mbakawayala la yimba ntshimba.
8Babilona amboko shashimuya,
ambuhandjo vwa.
Nyusekhumi lʼalelu lu dikambu
diandi.
Nyotolele lodia dikambu dia puta
kandi,
Undu ndi ayokono.
9Shu takalangi nkonoya Babilona,
keli vo konkono.
Nyeso, tutshiki, tutshu shu tshe untu
lʼuntu utsha lakawo,
Ne dia elumbwelu kawo kambukuma
pulu lʼulungu,#51:9 Eny. 18:5.
Kambediama utsha lu wangi.
10Latuyalaka ambutenya sambu kʼololo
lu dikambu diasu.
Nyuyeti tutusanya ulimu wa
Latuyalaka, Unyashungu asu, lu Siona.
11Nyoketemole akhuwa!
Nyukimeli dingawu. Latuyalaka ambutshutshiya, ndu ambuhashahasha tukanyi ta khumi ya dikanga yʼasi Mediya, ne dia ndi ambusanguya nanya Babilona. Oso eli esombweyo ka Latuyalaka, ee, esombweyo ka etemwelo kandi!
12Nyuhane ekuhu ka koi lu eheli ka
Babilona.
Nyukikitsha wimbe wa ta,
Nyukitsha alami, nyukitsha ndjalu.
Latuyalaka akasanguya,
Ndu ambutsha kene kakandataka lu
dikambu diʼasi Babilona.
13We ludjashi lasuki lʼashi a waki,#51:13 Eny. 17:1.
Ndu kanga waumbelu efula, ekumelu
kaye kambuya.
Ushinga wa lumu laye wambuhimbo.
14Latuyalaka Kanga lulimbilimbi
ambuyatshiba ati:
Elu, dimi layukuludia too lʼantu uku
endjo, ku vo wayukudjela waelu
wʼelembielo.
15Unyashungu akatungi kete la wulu
andi;
Akashikike andja la yimba yandi;
Akakokola ulungu la ewu kandi.
16Lamʼatundutaka diui, ashi wa
lʼulungu watudikitaka.
Ndi atukutulaka wangi uma la kuma
ya kete.
Ndi atungadimuyaka ndjadi dikambu
dia mvula.
Ndi atelaka lopepe uma lu waumbelu
andi.
17Untu tshe atuyalaka enginya lu yimba
yandi.
Utshudi a paunyi tshe atutshamaka
sonyi uma lu dikishi diandi
Ne dia dikishi diandi dia lolelola dieli
kashi,
Dio kema la lumu.
18Dio dieko anyanya, ulimu wa lukesu
Lamʼayuya elumbwelu,
Dio diayulanyema.
19One leli ukito wa Jakoba kema uku
dio,
Ne dia ndi kakatungi tshe.
Isariyele eli wudja andi wʼukito.
Latuyalaka Kanga lulimbilimbi keli
lukumbu landi.
20We eli uhumo ami, ehumo kami ka ta.
La ye, mbayumotetshatetsha wedja.
La ye, mbayumulanya waulelu.
21La ye, mbayumotetshatetsha falasa la
umbahemi ato.
La ye, mbayumotetshatetsha pusupusu
la one latukiahemaka.
22La ye, mbayumotetshatetsha pami la
umuntu.
La ye, mbayumotetshatetsha usumbi
la dikenda.
La ye, mbayumotetshatetsha olongo
a pami la usekaseka a umuntu.
23La ye, mbayumotetshatetsha ulami
wʼekoko la ekoko andi.
La ye, mbayumotetshatetsha ukambi
wʼekambo la ngombe yandi.
La ye, mbayumotetshatetsha ambuledi
la elombodi awo wʼalimbi.
24Dimi layutshela Babilona lʼasi Kaladiya tshe kolo tshe kakawatshi la Siona lu ashu anyu, mbata Latuyalaka.
25Enda, dimi layendana la ye we
ukungu wʼelanyelu,
We latulanyaka kete tshe.
Dimi layusimbula lunya lami utsha
le ye.
Layukungitula ladiku diʼave,
Layukete ukungu wʼulungudi.
26Hawosa ave wʼatshuku
Kuyanga ave wa mpika etshina uma
le ye,
Ne dia we ayuyala elanyelu pundju,
Mbata Latuyalaka.
27Nyuhane ekuhu ka koi lu kete,
Nyudi amama lʼatei a wedja.
Nyolongosole wedja dia ndosha
Babilona.
Nyeti waulelu wa Ararata, wa Mini,
ndu wa Ashikenaze.
Nyosonwele olombodi dia mbolosha.
Nyutshutshiya falasa le wo uku endjo
wʼanganga.
28Nyolongosole wedja,
Khumi ya dikanga yʼasi Mediya,
elohe awo, tupita tawo tshe,
La beke tshe dia diulelu diawo dia
ntolosha.
29Kete yambusukasuka, yambudidima
la kandji,
Ne dia sangweyu dia Latuyalaka
Lu dikambu dia Babilona diambushidiyama.
Ndi utsha mbete kete ya Babilona
tongo, aha la untu.
30Ahuka wa Babilona wambukimo
ndo ta,
Vo wambutshikala lʼesumba wudingami
kumbu.
Wulu awo wambushila, vo wambuyala
uku amantu.
Mvudu ya Babilona yambulungula,
Tukingiti tawo tambokoko.
31Undawi ambutuhumana lʼundawi
ukina,
Ndu dikendji diambutuhumana la
dikendji dikina,
Dia ntutela khumʼekanga ka Babilona
lukumu vati:
Usumba andi ambolembiama lu beke
tshe.
32Wambohotola atehu, wambutshumba
nyanda.
Alimbi wambate asulu. 33Latuyalaka
Kanga lulimbilimbi,
Unyashungu wa Isariyele kata ati:
Ona umuntu a Babilona eko uku
dihuli diʼesuswelu
Lu etena katuwususulaka.
Yema tshitshe mbambutshikala,
Ku etena ka dinela nkuka le ndi.
34Nebukadineza, khumʼekanga ka
Babilona,
Akampatula, akananya.
Ndi akambete mbaka ka hwe.
Ndi akamene usudia uku atomenaka
shimiamba.
Ndi akaludia dikhundju diandi
La diango diaki la mi diʼololo;
akambitshanya.
35Usi Siona ati ati:
Akambu wa ngala wakayala le mi
ndu le asi khumbu kami,
Kawuyali ndu le Babilona.
Jerusalema ati ati:
Dikila diami diayali lʼete wʼasi
Kaladiya.
36Diako mbata Latuyalaka ati:
Enda, dimi lutsha nsambula dikambu
diaye,
Ndu lutsha nyosombweya.
Dimi layumia ashi a waki wa
Babilona,
Layumia ndu teko diawo.
37Babilona ayuyala tuta diʼelanyelu,
Edjaselu ka wambulu, engo ka
nkashimo,
Ndu engo ka mpongwela soi.
Nduku untu ayuyala leko.
38Vo wayudikita kame uku tambwe,
Wayukhungula uku ana wa tambwe.
39Lamʼayuwohetshahetshama, dimi
layatshela dambu;
Dimi layuwadjuya dia vo ngenangena
La ndala djo ya pundju aha memo,
mbata Latuyalaka.
40Dimi layalombola uku ana wʼekoko
utsha lʼediakelu,
Uku ekoko a waumi, la mbudi ya
waumi.
41Hai, Babilona ambosama!
Engo kuleki nemo lu kete tshe
ambolembiama!
Ndi wuhu ambulana Babilona lʼatei
a wedja li!
42Ashi a waki wambumbela la diku dia
Babilona,
Asukhu a wulu wambukhukume.
43Esumba awo wambulanyema.
Kete yambuyala wumu ndu shenga,
kete yahadjashi untu.
Nduki untu ayeta leko.
44Dimi layusuya Bele lu Babilona,
Layukituhuya kene kakatamene.
Wedja hawutshokaka utsha le to ntu.
Eheli ka Babilona kambunyuko.
45Nyu wudja ami, nyutumbi uma lʼatei
awo,
Nyu tshe untu lʼuntu ashimbeli lumu
landi
Dia mpanda kele ka wulu ka Latuyalaka.
46Tanyukaki woma, tanyateki asulu,
Ne dia kumu yayunyuka lu kete,
Ne dia lu eleku kemotshi kumu motshi
yayuya,
Ku lʼeleku kekina kumu kina.
Akambu wa ndjawudi wayuyala lu
kete,
Ku umbuledi omotshi ayolo la umbuledi
ukina.
47Uma lu dikambu ne, nshi yayuyala,
Yayumulanya dikishi dia Babilona.
Wudja awo tshe wayukumbama la
sonyi.
Antu awo wayukalema edu lʼatei awo.
48Ku ulungu la kete, la tshe weli loko
Wayimba esambu wʼongenongeno
dikambu dia Babilona,#51:48 Eny. 18:20.
Ne dia ananyishi wayuya le wo
Uma lu leke la ngelʼa kushi,
Mbata Latuyalaka.
49Andjakemi wa Isariyele li,
Babilona ayudiakema
Uku akawadiaki antu wa lu kete tshe!#51:49 Eny. 18:24.
50Nyu waku wakahandi yombo,
nyutshu,
Tanyutshimbatshimbaki!
Nyuho Latuyalaka uma lu kete yʼetali,
Nyudji tukanyi lu dikambu dia
Jerusalema.
51Shu tambolombo la sonyi,
Ne dia tambuka lukumu la dionyo.
Dundji diasu diambukumbama la
sonyi,
Ne dia asi wedja wamboto lu ahuli
wʼekila
Wa lu luudu la Latuyalaka.
52Nyuki, nshi yayuyala,
Yayumulanya dikishi diawo dia
lolelola,
La ahumwami wayukhuma akhumu
lu kete yawo tshe,
Mbata Latuyalaka.
53Kuyanga Babilona ayumbela pulu
ndu lʼulungu,
Ayuyalongoswela ngeli ya wulu,
Kana ayuyahikela kumbu yʼetali,
Dimi layutumela ananyishi,
Mbata Latuyalaka.
54Nyuki lundju lʼalelu loso uma la
Babilona,
Lundju lʼelanyelu ka wuki uma le asi
Kaladiya.
55Latuyalaka ambulanya Babilona,
Ambolembohaya tukuku tadawo.
Asukhu wʼananyishi wambudikita uku
ashi a waki,
Wukama lundju lawo.
56Unanyishi ambukuma le ndi, le
Babilona!
Ahuka awo wambundama, eta awo
wambowele,
Ne dia Latuyalaka keli Unyashungu.
Ndi katufutaka antu uku elimu awo.
Mete ndi ayasomboya.
57Dimi layudjuya ewandji awo la
akanga a yimba awo,
Ambuledi awo, elombodi awo wʼalimbi
La andoshi awo wa ta wanu.
Ku vo wayulala djo ya pundju,
hawuyemo ntu,
Mbata Khumʼekanga, lukanga
lukumbu leli
Latuyalaka Kanga lulimbilimbi.
58Latuyalaka Kanga lulimbilimbi kata
ati:
Peli dia waki dia lukumbu la Babilona
diayunyuko,
Kuki yawo yʼetali yayutshumbama.
Antu wayukamba ukambakamba,
Wayuheko dikambu dia dja.
59Aui aso mbakatela umvutshi Jeremiya, Seraya, onʼa Neriya, onʼa Masea, lamʼakandatshu ndi la Zedekiya, khumʼekanga ka Juda, utsha la Babilona lu eleku ka nei ka diulelu diandi. Seraya aki olombodi wa ekambi wa lu luudu la khumʼekanga. 60Jeremiya akafundi elanyelu tshe wayuya lu Babilona lu buku. Aui oso tshe wakafundama lu dikambu dia Babilona. 61Jeremiya akatela Seraya ati: Lamʼayuyukuma la Babilona, kutali aui ane tshe ololo. 62Kutolombe wati: Latuyalaka li, we akati diui dikambu dia dihuli ne, dia dilanya, diaha antu mbidjase loko pundju, kana antu kuyanga nyama! Dio diayuyala tongo pundju. 63Lamʼayuyushidiya mbala buku ne, kudikeleke kame la dive, kudikadja kʼatei a ndjali ka Eyufarate. 64Kuti wati: Ukuku mbayudita Babilona, huteha,#51:64 Eny. 18:21. ne dia elanyelu kayumuwela, vo wayoko balakata.
Ekumelu kʼaui wa Jeremiya keso.
Currently Selected:
Jeremiya 51: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
