Jeremiya 47
47
Etatelu kʼAkambu Wahatayi lu Dikambu diʼAsi Filistiya
1Diui dia Latuyalaka diakayi le umvutshi Jeremiya lu dikambu diʼasi Filistiya#47:1 Is. 14:29-31; Ezek. 25:15-17; Joe. 3:4-8; Am. 1:6-8; Zef. 2:4-7; Zek. 9:5-7. ntundu Farayo atalembia Ngaza.
2Latuyalaka kata okone ati:
Nyendi, ashi wʼelula wuyayi uma lu
leke la ngelʼa kushi.
Vo wayuyala uku kyoko yambudja
elula.
Vo wayukhukhume kete ndu diango
tshe dieli loko,
Usumba ndu antu wudjashi loko.
Antu wayulela, la asi wudja tshe
wayuyandjayandja.
3Ambutshi hawewo dia mbosa anʼawo
Lamʼayuwuka kindu ya sanga ya
falasa yandi,
Luhelu la pusupusu yandi ya ta, la
lundju lʼetshimbi.
Ne dia anya awo wambokomo.
4Lushi lutsha nkuka dia nshila asi
Filistiya tshe ushiki,
Dia ndjaka ukimanyidi tshe wutshikadi
la Tura la Sidona.
Latuyalaka ayudiaka asi Filistiya,
Atshikadi wa lu disenga dia Kafetore.
5Ngaza kambuyala shenga, Ashikelona
ambulanyema.
Nyu atshikadi wa lʼukidi awo,
Edja ndu kaandi ayunyukimo ndjakota
puta?
6We yombo ya Latuyalaka, etena
kakona kayuyumuya?
Oto lu dihusu diaye, umuya, uyali ki!
7Ukundi weyayo ntshikala ki?
Latuyalaka ambuyituma dia ntolosha
Ashikelona
Ndu leke la lʼumamu wʼashi a waki.
Leko kambunduyediya.
Currently Selected:
Jeremiya 47: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
