Jeremiya 4
4
1Isariyele li, naka nyu nyayukalula,
mbata Latuyalaka,
Le mi kahumbanyu nkalula.
Naka nyu nyayunya akambu anyu
wa wononyi la ntundu kami,
Nyu hanyuyala tekeko.
2Naka nyu nyayutshiba nyati: Uku eli
Latuyalaka la lumu!
Lu mete, lu sambu kʼololo, ndu lu
ololo,
Ku wedja wayotshokwama le ndi.
Lu dikambu diandi, kayuyala lutumbu
lawo.
3Okone mbatela Latuyalaka
Asi Juda la asi Jerusalema ati:
Nyutafusaka kete,#4:3 Hos. 10:12. tanyuneki wehu
lu atende.
4Nyuyakidia le Latuyalaka,
Nyunya akambu wa kolo uma lʼetema
anyu,
Nyu asi Juda, nyu asi Jerusalema,
Kele kami atukutuwo uku dja,
La mpeta lumbi wuhu wahakuki untu
nyima,
Ne dia kolo kʼetsha anyu.
Ambutsha Juda Woma la Ta
5Nyuti lukumu lu Juda, nyusanya la
Jerusalema, nyuti nyati:
Nyudi amama lu wudja.
Nyuhangohango wulu, nyuti nyati:
Nyusangani, tutshu utsha lʼesumba
weli la kumbu ya wulu!
6Nyedia ekuhu ka koi utsha la Siona.
Nyulawo, nvuyashimbeli, tanyutshimbatshimbaki,
Ne dia dimi lutsha mbela kolo uma
la ngelʼa kushi, elanyelu ka wuki.
7Tambwe kambukhunguso uma lu
hyuka yato.
Unanyishi a wedja aya lu ndjakendakenda,
Ambuya uma lu edjaselu kato, dia
nanya kete yanyu.
Esumba anyu wayulanyema, wayuyala
atongo atu.
8Nyolote akutu, nyuleli, nyusekhumi
lʼalelu lu dikambu ne,
Ne dia kele ka wulu ka Latuyalaka
hakadimo uma le su.
9Lushi lako, utema wa khumʼekanga la etema wa ewandji wayuyala ashi atu. Elombedi wayukashimo, amvutshi wayukanana, mbata Latuyalaka. 10Dimi lakati nti: Yee! Khumadiondjo Latuyalaka li! Mete, we akakesi wudja one la Jerusalema wulu, wati: Nyu nyayuyala la ki, keli enda, tombo tambatundula etema. 11Lu etena keso, wayutela wudja one la Jerusalema vati: Luhaladi la yanyi layuya uma lʼahuli wa ladiku wa lʼusui wa shenga uya lʼusumba wa wudja ami, aha dia mpuhula kana mbete epunga pudipudi. 12Luhaladi lako layuya uma leko dikambu diami. Kakiane dimi lutsha mbalumbuya dumbu dia wulu.
13Enda, unanyishi uyayi uku dingi,
Pusupusu yandi ya ta uku punganendji.
Falasa yandi ndeka pungu luwangu.
Yee! diasu ku! Shu tambulanyema!
14Asi Jerusalema li, nyedia etema uma
lu kolo,
Dia nyu nshimbamela!
Edja ndu kaandi ayunyukimo nama
tukanyi ta kolo lu etema anyu?
15Watutaka diui uma la Dane,
Watudianganyaka lukumu la kolo
uma lʼEfarayima.
16Nyuteli wedja, nvulimbitshiya
Jerusalema nyati:
Anyingi, wambuya uma lu kete
yʼetali,
Wambuhangohangwela esumba wa
Juda.
17Vo wambudinga Jerusalema uku wane
walama ekambo,
Ne dia vo wakantombokwela, mbata
Latuyalaka.
18Mbuka kanyu la etsha anyu
mbambunyutungela akambu ane.
Vo weli elua wa kolo yanyu. Vo weli
ululu,
Ne dia vo nkumaka pulu ndu lʼetema
anyu.
19Lambuvo lʼutema, lambuvo lʼutema;
Utema ami ambomenya pa, sulu diami
diambatate.
Dimi haleyi nembohala,
Ne dia we utema mi imbuka lundju
la dimama, lundju la ta.
20Wambuta dia elanyelu ladiku
diʼelanyelu,
Ne dia wudja tshe wambulanyema.
Mvudu yami yʼapema yambulanyema
shashimuya,
Apema ayo wambate lʼetena otoi.
21Edja ndu kaandi ajumukimo mena
ekuhu ka koi,
Ayumukimo mbuka lundju la
dimama?
22Wudja ami weli dinginya, vo
hawumbeyi.
Vo weli ana waha la tumba, vo kema
la ewu.
Vo weko la yimba ya ntsha kolo,
Keli ewu ka ntsha ololo kema le wo.
23Dimi lakenyi andja,
Ku vo waki anyanya ndu watalongoswama.
Lakenyi ulungu, ku vo kundjala
lʼusasi.
24Dimi lakenyi ekungu, enda, vo
wakadidima,
Lʼakuna tshe wakasukasuka.
25Dimi lakendi, ku nduku untu.
Ndu fudu tshe ya lʼulungu yambushila
ndawo.
26Dimi lakendi, ku usui waki eteto,
waya shenga.
La esumba awo tshe wakalanyema la
ntundu ka Latuyalaka,
La ntundu ka kele kandi ka wulu.
27Latuyalaka kata okone ati: Kete tshe yayulanyema, keli dimi haluyilanya tshe tshe.
28Ne dia dikambu ne, mbayuyala kete
la utanda,
Ndu mbayuyala ulungu udjima utu.
Dimi lakati dikambu diako, lakadisanguya,
Diako mbahamalembe utema,
mbahamukadimo uma loko.
29Wa lʼesumba tshe wakalawo lohokoso
Lʼambahemi wa falasa la ambuki wʼeta.
Vo wakoto lu tuhuka, wakambela
ladiku diʼave.
Esumba tshe wakasekama, nduku
untu laki leko.
30Keli nyu asi usumba, lamʼayunyulanyema,
ayunyutsha na?
Kuyanga nyu nyatolotaka ahondo wa
tilili,
Nyatuyalengaka denealenga dia paunyi,
nyatukitaka alangi lu ashu,
Ndu nyatuyaenyaka pa anyanya dia
ndjaete amena,
Anangimi anyu watunyonyolaka,
watulangaka nyudiaka.
31Ne dia lambuka lawi uku la umuntu
latata lono,
Lawi la sasi uku lʼeutwelu kandi ka
ntundu.
Oso eli lawi la ona umuntu a Siona
lahetula,
Lasimbula anya ati: Diami diambushila,
Lambukitshiya la ntundu kʼandjakanyi!
Currently Selected:
Jeremiya 4: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
