Jeremiya 3

1Vo mvutaka vati: Naka pami amboseka

wadendi,

la umuntu ambumo lakandi,

Ku ndi ambututshukama la pami

kekina, pami kako ayukaluya ntu uka?

Undi, ndu kete hayusana la dikambu

diako?

Nyu nyakanseke, nyakatemola

ditemolatemola efula.

Keli nyukaluli le mi, mbata Latuyalaka.

2Nyedia ashu anyu utsha lu ahuli wa

ladiku, nyendi!

Lendʼeli dihuli diakinyu kontemola

ditemoletemola?

Nyu nyakadikungaka lʼumamu a

mbuka,

Uku asi Arabiya lʼusui wa shenga.

Nyu nyakasanya wudja uma

lʼotemwelo anyu, la uma lu kolo kanyu.

3Diako mbakemala mvula, mbakito

kondo lu nshi ya diye.

Keli fumu yanyu yeko uku yʼamantu

akanga a munanyi.

Nyu hanyulangi mbuka sonyi.

4Nyu nyambundelela nyati: Shesu!

We eko ongenyi asu uma lu nshi

yʼakenda.

5Nyatumbwanaka nyati: Ndi ayutuka

kele pundju?

Ndi ayumbuka kele edja ndu lʼekumelu?

Nyulungi, nyu mvutaka osoku,

Keli nyu nyakatshaka akambu wa

kolo tshe wakanyeyi ntsha.

Ambosengasenga Isariyele la Juda Dia Vo Nkadimo

6Latuyalaka akamumbula ntu lu nshi ya khumʼekanga Josiya#3:6 2 Khum. 22:1—23:30; 2 Ek. 34:1—35:27. ati: We akenyi kene kambutsha asi Isariyele, akanga wʼuhedia? Vo wakatshokaka ladiku diʼukungu wʼutali tshe, ndu la tshina diʼutamba tshe wʼuyuyu, dia ntotemolaka. 7Dimi lakati nti: Lamʼayuwushidiya ntsha akambu ane tshe, vo wayukalula le mi, keli vo kunkalula. Dikambu dikina, anengewo, asi Juda, akanga a lukesu, wakenyi dikambu so. 8Kuyanga mbakamaseke asi Isariyele, akanga wʼuhedia, ne dia etemwelo kawo ka dikishi ndu kuyanga mbakamawasha mukanda wʼesekanelu, dimi lakenyi nti: Anengewo, asi Juda, akanga a lukesu, hawuki woma. Vo wakatshu dia ntotemola ditemolatemola pupu. 9Uma lu tunginyanginya tawo, mbakawasanya kete, mbakawatemola ave la etamba. 10Kuyanga mbake-nyi anengewo, asi Juda, akanga a lukesu akambu aso tshe, vo kunkalula le mi lʼutema otoi, keli paka la lukesu, mbata Latuyalaka.

11Latuyalaka akamvutela ati: Isariyele, akanga wʼuhedia wambuleka asi Juda, akanga a lukesu, ololo. 12Tshoka utsha la ngelʼa kushi, utuhangohango, ututi aui ane wati:

Nyu asi Isariyele, akanga wʼuhedia,

nyukaluli, mbata Latuyalaka.

Dimi handjunyenda la elundji ka kele ntu,

Ne dia dimi leko kanga ketshi, mbata

Latuyalaka.

Dimi hatutshikalaka la kele kami

pundju.

13Dikambu otoi, nyetawo nyati:

Nyu nyakampedia, dimi Latuyalaka,

Unyashungu anyu,

Nyakediya ekulu anyu utsha lene la

lene,

Utsha le ditemolatemola diʼasi wedja,

la tshina diʼutamba wʼuyuyu.

Ndu nyu kunkitanyia diui diami.

14Nyu ana wʼuhedia, nyukaluli, mbata

Latuyalaka,

Ne dia dimi leli khumenyu.

Dimi layunyosa otoi uma lʼusumba

lʼusumba,

Ahendi uma lu khumbu la khumbu,

ku dimi layunyela uya la Siona.

15Dimi layunyusha alami weli la etema uku wami. Vo wayunyuleshaka la ewu la yimba. 16Latuyalaka kata ati: Lamʼayunyufulanela ndu lamʼayunyuyala la diwutshi, lu nshi sho, nyu hanyoteketa ndu dia oshete wa sheki wa Latuyalaka, hanyudimula lukumbu, kana mbuho lu tukanyi, hanyukumbula mbena, kuyanga ntsha ukina wuhu ako. 17Lu etena keso, wayeta Jerusalema vati: Kiti ka diulelu ka Latuyalaka. Wedja tshe wayusangana la Jerusalema lu lukumbu la Latuyalaka. Vo hawuyela saki yʼetema awo wa kolo. 18Lu nshi sho, khumbu ka Juda ayokendakendaka kame la khumbu kʼIsariyele. Vo wayuya kame uma lu kete ya la ngelʼa kushi, uya lu kete yakamasha washenyu ukito.

19Dimi lakati nti: Ukundi ayumunyukitsha

lʼatei wa anʼami

Ndu ayumunyusha kete yʼololo ukito.

Elengalenga kuleki dimena ka wedja?

Ku lakati nti: Nyu nyayumbetaka nyati:

Shesu!

Nyu hanyukadimo uma le mi.

20Keli uka atumoka umuntu kanga

lukesu uma le umendi,

Mbakanyankesi, nyu khumbu ka Isariyele,

mbata Latuyalaka.

21Aui wambukema lu ahuli wa ladiku,

Alelu la esengosengo wʼasi Isariyele

mbewo,

Ne dia vo wakalanya mbuka yawo,

wakuhela Latuyalaka, Unyashungu awo.

22Nyu ana wʼehedia, nyukaluli,

Ku dimi layunyudimanyia ehedia anyu.

Nyendi, shu tambuya le ye,

Ne dia we keli Latuyalaka,

Unyashungu asu.

23Mete, lundju latuyakaka uma lʼakuna,

La lufungusu uma lʼekungu, yeko paka

anyanya.

Mete, panda ka Isariyele keko paka le ye,

we Latuyalaka, Unyashungu asu.

24Ditemolatemola dia sonyi diakamani waho wʼulimu washesu uma lu nshi yasu yʼakenda: dungalunga diawo, la ngombe yawo, anʼawo wʼapami ndu wʼamantu. 25Tetami lu sonyi kasu, ufutanu asu watukumbi, ne dia shu takatshela Latuyalaka, Unyashungu asu, kolo, ndu shu ndu washesu umaka nshi yasu yʼakenda edja ndu elo. Shu kunkitanyiaka diui dia Latuyalaka, Unyashungu asu.

Currently Selected:

Jeremiya 3: TLL

Highlight

Copy

Compare