Jeremiya 2
2
Osengosengo wa Latuyalaka le Asi Isariyele Wakakalula Ekongokongo
1Diui dia Latuyalaka diakayi le mi ati:
2Tshoka, tuleleli Jerusalema wati:
Latuyalaka kata ati:
Dimi mbuhoka ngandji kaye lu nshi
yaye yʼusekaseka,
Lulangu laye lamʼakiye wadi uyuyu,
Uku akayayandjelaka lʼusui wa shenga,
lu kete yaki kundjala la dikambo.
3Isariyele aki ekila le mi, dimi Latuyalaka,
Olonga wa dinela diami. Wane tshe
wayuwole, wayuyala la unungu.
La elanyelu kayuya le wo.
4Nyulungi diui dia Latuyalaka, nyu luudu la Jakoba, nyu khumbu tshe ka wudja wa Isariyele. 5Latuyalaka kambula ati:
Munga kakona kakatani washenyu
le mi, kakawamo uma le mi?
Kakawayeli diango diʼanyanya, ndu
kakawayaete anyanya?
6Vo kumumbula vati: Lendʼeli
Latuyalaka,
Lakatutundja uma lu kete yʼEdjibitu,
Lakatolombola lʼusui wa shenga,
Lu kete ya shenga yuludi too lʼafuku,
Lu kete ya wumuma la udjima a
tshududu,
Lu kete yahatetaka antu, ndu yahatudjaseka
antu?
7Dimi lakanyela uya lu kete ya mbu
efula ya nyu nde,
Elua wʼuma loko weko mbu ya nde
yuleki ololo.
Keli lamʼakanyakumi, nyu nyakasuwula
kete yami,
Nyakete ukito ami wononyi.
8Elombedi kumumbula vati: Lendʼeli
Latuyalaka?
Ndu embetsha wʼelembe kumbeyakami,
Ndu elombodi wakampediaka,
Ndu nmvutshi wakateketaka akambu
wahatayi uma le Bala,
Wakayelaka diango diaki kumbeya
mbakimanyia.
9Uma lu dikambu so, mbalangami
mama la nyu ntu, mbata Latuyalaka.
Ndu mbayumama la ekana anyu.
10Nyeti lu asenga wa la Kitime,
nyutendi!
Nyutumi akendji la Kedara, nyutushishimi
ololo,
Ndu nyutendi kana dikambu dia wuhu
one dieko leko!
11Undi, wudja omotshi weko,
wakengonya ditemolatemola diawo,
Kuyanga dio kema ditemolatemola
dia mete?
Keli wudja ami wambengonya
lutumbu lawo
La engo kaheyi mbakimanyia.
12Ulungu li, ukashimo dia dikambu ne,
Uyali la okei, mbata Latuyalaka!
13Wudja ami wambutsha kolo hyendi:
Vo wakanseke, dimi eteko kʼashi wa
lumu,
Ndu wakayatshimela afuku wʼashi,
Wako weli la elonge, waheyi nkimela
ashi.
14Undi, Isariyele fumbi ka lusumba
kendi, kana ukambi lakuto lu luudu?
Okoko wana wambunduyala nyama
kambundama?
15Esongo wa tambwe wudikitela,
Wuwasuswe, ndu wambulanya kete yandi.
Esumba andi wambutshumbama,
nduku untu loko.
16Dikambu dikina, asi Memifi la
Tapanehese
Wambukowediawedia ote, we Isariyele.
17Aha ne dia nyu nyakaseke Latuyalaka,
Unyashungu anyu,
Lamʼakandayanyolombolaka lu mbuka,
Mbambuyala dikambu ne le nyu?
18Waho akona wayunyutukundja dia
ntsho lʼEdjibitu,
Dia ntono arbi wa Nile? Waho akona
wanyukundja dia ntsho lu Asuriya,
Dia ntono ashwa Eyufarate?
19Kolo kanyu kayunyuhangwela,
la uhedia anyu wayunyusuya.
Nyeyi, ndu nyulimbiteli nyati:
Dikambu ne diakanyatshi dia nseka
Latuyalaka, Unyashungu anyu,
La diaha mbuka woma dieko kolo
ndu ululu
Mbata Khumadiondjo, Latuyalaka
Kanga lulimbilimbi.
20Nshi yʼedjedja, nyu nyakatshatsha
lokoho lanyu,
Nyakahimbula ekodi anyu;
Nyakati nyati: Shu hatuyulanga ndjala
fumbi ntu.
Ee, nyakanseke, nyakatemola
Ladiku dia dikuna tshe diʼutali,
Ndu la tshina diʼutamba tshe wʼuyuyu.
21Dimi lakanyune wuhu wuleki ololo,
lukuno luleki dimena.
Ukundi ambunyukadimo dia ndjala
tahi yʼanyanya,
Wuhu wutshikitanyi la wuhu ami.
22Kuyanga nyu nyayuyaotsha la akadi,
La sabunyi efula, kolo kanyu
kayutshikala la ntundu ka mi,
Mbata Khumadiondjo Latuyalaka.
23Ukundi weyanyu mvuta nyati:
Shu kundjasanya, kundjela WaBala?
Nyendi wanya anyu lu ukidi,
Nyeyi kene kakanyatshi, nyu esongo
wa kamelo watekekoka!
24Nyu nyeli uku mangana ka wadi
kakekela lʼusui wa shenga,
Katululaka too la saki ka mbeyana
la umi;
Ayeya nkishimba dia to munduya saki
kato?
Waumi tshe watukiyangaka,
hawutokomoka alimba,
Vo watukishulaka lu nshi vato
vʼekhukhwelu.
25Tanyutshikaki ekulu anyu hwe,
tanyumiaki weudi anyu tu!
Keli nyu mvutaka nyati: Kema, aui
aso anyanya,
Ne dia shu tatulangaka ditemolatemola
dia wedja, tayudiyelaka.
26Uku atolomboka uvi lamʼatuwuwundaka,
Osoku mbambolombo wa lu luudu la
Isariyele:
Vo la khumi ya dikanga yawo la
ewandji awo, elombedi awo la
amvutshi awo.
27Vo watutelaka utamba vati: We keli
shesu;
La dive vati: We kakatuti!
Vo wambombediya ekongo awo, aha
dundji.
Keli lu nshi yawo ya pa, vo wayuta vati:
Uneli, utushimbeli.
28Lendʼeli ditemolatemola dianyu,
diakanyayatshela?
Diemali, naka dio mbeyaka nyushimbela
lu etena ka pa!
We Juda, uku eli efula kʼesumba anyu,
Mbeli efula ka ditemolatemola dianyu.
29Okoko wana walanganyu mama la mi?
Nyu tshe nyakampedia, mbata Latuyalaka.
30Dimi lakayaenya pa anyanya dia
nsuya anʼanyu.
Vo kumbidja tukanyi nduku yema
lu wetshelu.
Nyu nyakadiaki amvutshi anyu la
tombo.
Uku atuwudiakaka tambwe kadiakana.
31Nyu wa lolonga lone, nyuki diui dia
Latuyalaka ati:
Undi, usui wa shenga mbakimi le
Isariyele,
Kana wudja wa udjima wa tshududu?
Mbata wudja ami vati:
Shu tambutshungo, shu hatuyukalula
le ye?
32Undi, usekaseka a umuntu mbeyaka
mbuhela dengalenga diandi.
Kana wadi uyuyu, eloto andi wa
tshuki?
Keli wudja ami wambumbuhela nshi
efula yaheyama mbala.
33Ndi yimba yeli la ye, lu wuhu
watuyuyangaka kene katuyulangaka,
Edja ndu amantu wa kolo wambunyukuya
lu dikambu ne li!
34Dikila diʼasi wula diaha la unungu,
Diatutanemaka lu ahondo anyu, wakinyu
kumunda wava diango.
Keli ladiku diʼakambu aso tshe,
35Nyu mvutaka nyati: Shu kema la
unungu.
Kele ka Unyashungu ambumo uma
le su.
Nyulungi, dimi layunyulumbuya,
Ne dia nyu nyatutaka nyati: Shu
kuntsha kolo.
36Okoko wana watunyukadimulaka
mbuka kanyu esadi?
Nyu nyayutshama sonyi le asi Edjibitu
Uku akanyutshama le asi Asuriya.
37Uma leko kayunyutumba nyayahe
anya lʼote,
Ne dia Latuyalaka akatuni wane
watunyekamaka,
Ndu nyu hanyongona lasuki la wo.
Currently Selected:
Jeremiya 2: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
