Jeremiya 22
22
Akambu Wahatayi Wambutama Dikambu Dia Khumi ya Dikanga ya Juda
1Latuyalaka kata ati: Utshu utsha la luudu la khumʼekanga ka Juda, kututi diui ne leko wati: 2We khumʼekanga ka Juda, ludjashi lu kiti ka diulelu dia Davidi, ulungi aui wa Latuyalaka, we la ekambi aye, la antu aye watotoka lu asuku ane. 3Latuyalaka kata ati: Nyusambulaki akambu ololo ndu usimbwi. Nyushimbelaki omenyi fono uma lʼanya wʼusuyanyi. Tanyutshelaki ongendangenda, ona etshiki, la wadi aki udu kolo kana akambu wa ngala. Tanyutshululaki dikila diʼuntu laha la unungu lu dihuli ne. 4Naka nyu nyayutshaka uku aui ane, ku khumi ya dikanga yudjashi lu kiti ka diulelu ka Davidi, wayotoka lu asuku ane wahemi ladiku dia pusupusu ndu lu falasa, vo la ekambi awo la antu awo. 5Keli naka nyu hanyulungi aui ane, dimi lambuyatshiba dime nti: Luudu lone, layuyala elanyelu, mbata Latuyalaka. 6Latuyalaka kata okone lu dikambu dia khumbu ka khumʼekanga ka Juda ati:
We eli uku Ngiliyade le mi, uku ote
wa Lebanona.
Keli mete, dimi layukete shenga,
usumba waha la antu.
7Dimi lutsha nongosola ananyishi dia
nkulanya,
Untu lʼuntu la dihumo diandi.
Vo wayunyukula esasi aye wuleki
amena,
wayekadja lu dja.
8Wedja efula wayetaka lasuki lʼusumba one, wayumbwanaka vati: Okoko wana wakatshela Latuyalaka usumba one a wuki wuhu one na? 9Ku wayakaluya diui vati: Ne dia vo wakaseke sheki ya Latuyalaka, Unyashungu awo, wakatemola ditemolatemola, wakadikhusamela.
10Tanyulelaki one lambuvo kuyanga
ntsha utanda andi.
Keli nyuleli, nyuleli one latolama lu
fumbi,
Ne dia ndi hukalula, hena kete
yakanduto ntu.
11Okone mbata Latuyalaka lu dikambu dia Shaluma,#22:11 2 Khum. 23:31-34; 2 Ek. 36:1-4. onʼa Josiya, khumʼekanga ka Juda lakulela lu dihuli dia Josiya, shi, lakatolama uma lu dihuli ne, ati: Ndi hukalula uma leko ntu. 12Keli ndi ayutuvo lu dihuli diambundotolama fumbi, ndi hena kete nye ntu.
13Mananu kayali le one lahika luudu
landi lu akambu wa kolo,
La mvudu yandi ya mbetama aha la
sambu kʼololo.
Mananu kayali le one latukambiaka
unyandi ulimu ukambiakambia, aha
la difutu;
14Ndu le one latutaka ati: Dimi
layuyahikela shakasaka ya luudu,
La mvudu ya waki ya ladiku.
Dimi layutshika adidishi loko,
Layuludja abaya wʼusasi lʼudiku,
Ndu layulukita dangi dia tilili.
15We ayuyala umbuledi, ne dia we la
abaya wʼusasi efula?
Sho kondekaka, konokaka uka?
Ndi akatshaka ololo ndu usimbwi,
akenaka olo.
16Ndi akasambulaka dikambu diʼusi
wula ndu diʼuhumbi ololo.
Ndi akenaka olo.
Oso taki dikambu dia mbeyami uka?
mbambula Latuyalaka.
17Keli ashu aye la utema aye ntshokaka
paka lu saki ka diango,
Dia ntshulula dikila diaha la unungu,
La dia ntsha akambu a wengiya la
wa ndjawudi.
18Diako mbata Latuyalaka dikambu dia Jehoyakima,#22:18 2 Khum. 23:36—24:6; 2 Ek. 36:5-7. onʼa Josiya, khumʼekanga ka Juda ati:
Tawulelaki vati: Yee, onengesu! yee,
kadiyesu!
Tawulelaki vati: Yee, khumesu! yee,
Khumadiondjo!
19Diumbu diandi diayuyala uku dia
punda, wayukutula,
Wayutuwukadja lʼandja wa asuku wa
Jerusalema.
20Utshu utsha la Lebanona,
utuhangohango,
Utedia diui diaye lu Bashana,
utuhangohango la Abarima,
Ne dia anangimi aye tshe wambudiakema.
21Dimi lakateketaka la ye lamʼakiye
lʼongonyi,
Keli we akataka wati: Dimi halungi.
Osoku mbakayatshaka umaka nshi
yaye ya dikenda.
We kunkitanyiaka diui diami.
22Lopepe layumana alami aye wʼekoko
tshe,
La anangimi aye wayotolama lu
fumbi.
Ku we ayututshama sonyi, ayutundama
la sasi
Ne dia kolo yaye tshe.
23We ludjashi lu Lebanona, leli la kefu
lʼatei wʼesasi,
Ndi akhumu wayuyukhuma lamʼayukuma
toshoko le ye,
Uku ta umuntu latata lono li!
24Latuyalaka katshiba ati: Uku wemi la lumu! utunduyala we Koniya,#22:24 2 Khum. 24:8-15; 2 Ek. 36:9-10. onʼa Jehoyakima, khumʼekanga ka Juda, uyali lohete lʼematelu lu lunya lami la pami, dimi lutukunya uma loko. 25Dimi layukukimo lu anya a waku watuyangaka lumu laye, lu anya a waku watuyukaka woma, lu anya wa Nebukadineza, khumʼekanga ka Babilona, ndu lu anya wʼasi Kaladiya. 26Dimi layukutshanya, we la nyo lakakuti, utsha lu kete kina, lene akinyu kumbuto. Nyu nyayutuvo leko. 27Lu kete yakumbulanyu nkalula, nyu hanyukalula leko ntu.
28Undi, Koniya one eli puki ka dionyo
kambule?
Utika wahangenangena antu?
Okoko wana wakandatshanyema.
Ndi la anʼandi la ntukadjema lu kete
yahaweyi?
29Kete li, kete li, kete li,
Ulungi diui dia Latuyalaka!
30Latuyalaka kata okone ati:
Nyufundi pami kene uku untu laha
la ana,
Uku untu lahangonaki lu nshi yandi,
Ne dia nduku onʼandi lukuluwana
Dia mbidjase lu kiti ka diulelu ka
Davidi,
Dia mbulela lu Juda pundju.
Currently Selected:
Jeremiya 22: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
