Jeremiya 21
21
Elanyelu ka Terusaltma Kambutama Ntundu
1Diui dia Latuyalaka diakayi le Jeremiya lamʼakutumela khumʼe-kanga Zedekiya Pashura, onʼa Malakiya, la olombedi Zefaniya, onʼa Maseya, dia ndjuwumbula vati: 2Shu tambukosengasenga shati: Utumbweli le Latuyalaka ne dia Nebukadineza, khumʼekanga ka Babilona, ambutolosha.#21:2 2 Khum. 25:1-11; 2 Ek. 36:17-21. Undu Latuyalaka ayutuhumuya lukulu lʼolo lu dikambu diandi dimotshi dia mamba, dia ndi ntanganela.
3Ku Jeremiya akakaluya diui ati: Kanyututeli Zedekiya nyati: 4Latuyalaka, Unyashungu wa Isariyele, kata ati: Uki, dimi lutsha nkadimula dihumo dia ta dieli lu anya anyu uma le khumʼekanga ka Babilona la asi Kaladiya walo la nyu, wunyudingi lʼandja a lukumbu. Dimi layuwaotshiya lʼatei wʼusumba one. 5Dimi layolo la nyu la lunya la wulu lʼusimbwi, la yenyi, kele, la ududu wa mamba. 6Dimi layudiaka wa lʼusumba one ndu antu ndu nyama. Vo wayuvo la elandu a wulu. 7Lʼokongo diku, dimi layukimo Zedekiya, khumʼekanga ka Juda, ekambi andi, la wudja andi, waku wayuhanda elandu, tombo la ndjala ka kasha lʼusumba lu anya wa Nebukadineza, khumʼekanga ka Babilona, lu anya wʼatunyi watuyangaka mbadiaka. Ku ndi ayadiaka la yombo, ndi huyala lʼote vuvu kuyanga ketshi, mbata Latuyalaka.
8Kuteli wudja one wati: Latuyalaka kata ati: Lambukitsha mbuka ka lumu ndu mbuka ka nyoi la ntundu kanyu. 9One layutshikala lʼusumba one, ayuvo la yombo, ndjala ka kasha, kana lʼulandu. Keli one layutumba layutsho le asi Kaladiya wunyudingi, ayutshikala la lumu. Ku lumu landi layuyala engo kandi ka dimbu, 10ne dia dimi lambediya elundji kami uya lʼusumba one, dia mbutshela kolo aha ololo. Vo wayukimwama lu anya wa khumʼekanga ka Babilona, ku ndi ayutshumba dja, mbata Latuyalaka.
11Kututeli luudu la khumʼekanga ka Juda wati: Nyuki diui dia Latuyalaka. 12Nyu khumbu ka Davidi, mbata Latuyalaka; nyusambulaki ololo umaka pindju,
Nyutshungulaki omenyi fono uma
lʼanya wʼusuyanyi,
Kele kami atukufato uku dja, la
mpeta wuhu waheyi untu nyima,
Ne dia etsha anyu wa kolo.
13We usumba wudjashi lʼukidi ladiku
dia dive dia lʼusui,
Dimi la ye dikambu, mbata
Latuyalaka.
Nyu mvutaka nyati: Akona eya mpulo
dia ndjolo la su?
Akona eya mboto lu adjaselu asu?
14Dimi layunyusuya uku eli elua wa
etsha anyu.
Dimi layudja dja lʼukunda anyu,
Ku yo yayutshumba diango tshe dieli
lʼutshimba,
Mbata Latuyalaka.
Currently Selected:
Jeremiya 21: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
