Jeremiya 20
20
Mananu le Pashura ne Dia Ndi Akadji Jeremiya lu Lukanu
1Pashura, onʼa olombedi Imere, olombedi a ladiku lu luudu la Latuyalaka, akukaka Jeremiya ata akambu aso wahatayi. 2Pashura akakomola umvutshi Jeremiya, akawudji lu lukanu laki la suku dia ladiku dia Bendjamina, lu luudu la Latuyalaka. 3La wedi a pindju, Pashura akatundja Jeremiya uma lu luweti, ku Jeremiya akawutela ati: latuyalaka kunkole lukumbu ati: Pashura, keli ati: Woma wa Mamba lu beke tshe, mbakandakole. 4Latuyalaka kata okone ati: Ulungi, dimi layukutsha woma wa mamba, we la engenyi aye tshe. Vo wayudiakema la tombo tʼatunyi awo. We ayena dikambu diako la ashu aye. Dimi layukimo Juda tshe lu anya wa khumʼekanga ka Babilona. Ndi ayatola lu fumbi utsha la Babilona, ayutadiaka la yombo. 5Dimi layukimo ekundji tshe wʼusumba one, engonyi awo tshe, diango diawo tshe diʼushinga a wulu, waumbelu wa khumi ya dikanga ya Juda, lu anya wʼatunyi awo. Vo wayuwamba, wayuwaosa, wayatola utsha la Babilona. 6Ndu we Pashura, we la waku tshe wudjashi lu luudu laye, nyayutsho lu fumbi. We ayukuma la Babilona, ayutuvo leko. Leko kayuyutukhundema, we la engenyi aye tshe wakayatelaka akambu wahatayi wa kashi.
Ukiyanu wa Jeremiya
7Latuyalaka li, we akantshutshiya,
Ku dimi laketawo.
We akandeki wulu, akanembia.
Dimi latuyalaka engo ka tola la lushi
la lushi,
Antu tshe watonsokaka.
8Tena tshe diatumoteketaka,
Dimi latulelaka, latuhangohangoka
nti:
Ngala la elanyelu ne dia diui dia
Latuyalaka
Ndjalaka engo ka wononyi le mi,
ndu ka dionyo la lushi la lushi.
9Naka dimi layuta nti:
Dimi haludimula lukumbu landi ntu,
Dimi haloteketa ntu lu lukumbu landi,
Ku ndjalaka lʼutema ami uku dja
yadikita,
Mbambudihama lu weka ami.
Dimi mpimbaka mbikike, keli hakuki.
10Dimi mbukaka dionyo uma le antu
efula,
Woma wa mamba weko lʼutshimba
tshe.
Engenyi ami tshe waki kame la mi,
Watulungamelaka ekwelo kami,
wata vati:
Nyufundi; tufundi, undu ndi
ayukesama,
Ku shu tayolembia, tayosomboya.
11Latuyalaka eko la mi, uku dihuka
diukawo woma.
Diako mbayutakana wane watunsuyaka,
mbahawonembia.
Vo wayutshama sonyi ka mamba,
Ne dia vo kuntsha la yimba,
Sonyi kawo ka pundju hakuhamamelaki.
12We Latuyalaka Kanga lulimbilimbi
latedikaka antu wʼololo,
Latushishimaka etema ndu weongo,
omenya esombweyo kaye le wo,
Ne dia le ye kamumukitsha dikambu
diami.
13Nyimbeli Latuyalaka usambu,
nyuwanduli,
Ne dia ndi kakashimbela lumu
lʼomenyi fono
Uma lʼanya wʼantu wa kolo.
14Lushi lakamuto, ladjami mananu!#20:14 Job. 3:1-19.
Lushi lakambuti nyomi, talotshokwamaki!
15Mananu kayali le untu lakela papa
lukumu,
La mbongenyangenya ati: We ambuta
ona pami!
16Pami kako ayali uku esumba
Wakalanya Latuyalaka, wakindi
kumbuka ketshi.
Ndi ukaki akhumu la pindju
La alelu wa ta unya lʼatei ote,
17Ne dia ndi kundjakami lʼutema a
nyomi,
Dia nyomi ndjala diumbu diami,
Dia ndi ntshikala la diemi pundju.
18Okoko wana wakamatumbi uma
lʼutema wa nyomi,
Dia menaka pa la lunyangu,
Dia nshi yami ndjala sonyi ketu?
Currently Selected:
Jeremiya 20: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
