Jeremiya 19
19
Djimbitelu ya Eulelu kʼUtika wʼUkingi
1Latuyalaka kata ati: Utshu, utusumbi utika le ukingi. Eti diha-ngamendi dimotshi dia wudja la dikumanyi dimotshi lʼatei wʼelombedi. 2Utshu la wo utsha lʼukidi wa Bene-Hinome,#19:2 2 Khum. 23:10; Jer. 7:30-32; 32:34-35. weli lasuki la eotwelo ka Kinga ya Puki, kututi aui wayumukutela leko. 3Kuti wati: Nyu khumi ya dikanga ya Juda, nyu asi Jerusalema, nyulungi aui wa Latuyalaka. Latuyalaka, Unyashungu wa Isariyele, Kanga lulimbilimbi, kata okone ati: Nyuki, dimi lutsha mbela elanyelu lu dihuli ne, wuhu wayula atui a waku wayuka. 4Vo wakanseke, wakalanya dihuli ne, wakatshumbela ditemolatemola diakiwo kumbeya, vo la washewo la khumi ya dikanga ya Juda, malashi loko. Vo wakaludia dihuli ne la dikila diʼantu waha la unungu. 5Vo wakatshela Bala alunga dia ntshumba anʼawo lu dja uku elambu wa lutshumba le Bala,#19:5 Lew. 18:21. wuhu akimi kumbadjangela kuyanga mbidja kanyi loko. 6Okone nshi yayuyala, yahawetaka dihuli ne vati: Tofeta, kana ukidi wa Bene-Hinome. Keli wayuwetaka vati: Ukidi wa Adiakelu, mbata Latuyalaka. 7Dimi layulanya sangweyu dia Juda la Jerusalema lu dihuli ne. Dimi layakosha la ntundu kʼatunyi awo ndu lʼanya a waku watuyangaka mbadiaka. Dimi layukimo edu awo le fudu ya lʼu-lungu la nyama ya la kete, dia yo mbele. 8Dimi layete usumba one engo ka woma, engo ka mpongwela soi. Wane he wayetaka loko, wayukashimo, wayohongwela soi lu asui awo tshe. 9Ku dimi layuwalesha emunyi wa anʼawo wʼapami ndu wa anʼawo wʼamantu. Vo tshe untu lʼuntu ayole umunyi wa unyandi lʼatei wa sasi la pa diayasuya atunyi awo, la wane wa-tuyangaka dia mbadiaka.
10Kuli utika la ntundu ka wane wayutsho la ye. 11Kuwateli wati: Latuyalaka Kanga lulimbilimbi kata ati: Okone dimi layula wudja one la usumba one uku atulaka ukingi puki edja ndu to hakieyi nduwana ntu. Vo wayukhunde edu lu Tofeta edja ndu dihuli hadiuyenama dia nkhunde antu ntu. 12Osoku mbayumutshela dihuli ne ndu asi usumba one, dia vo ndjala uku Tofeta, mbata Latuyalaka. 13Mvudu ya Jerusalema la mvudu ya khumi ya dikanga ya Juda yakawasanya, yayuyala uku dihuli dia Tofeta: mvudu tshe lene akawatshumbela ului tshe wa diango dia lʼulungu malashi ladiku diayo, la mvudu tshe lene akawatshulwela ditemolatemola elambu wʼashashi.
14Lʼokongo liku, Jeremiya akakalula ima la Tofeta, lene akutumi Latuyalaka, dia ntuta akambu wahatayi. Ndi akayemula lu seke dia luudu la latuyalaka. Ndi akatela antu tshe ati: 15Latuyalaka, Unyashungu wa Tsariyele, Kanga lulimbilimbi, kata ati: Nyuki, dimi lutsha mbela elanyelu lu usumba one la ngelu tshe ya lʼokongo awo, kakamataka lu dikambu diawo, ne dia vo wakayala la ete wulu, diaha vo nunga aui ami.
Currently Selected:
Jeremiya 19: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
