Jeremiya 1

Leta la Jeremiya la Ulimu Andi

1Aui wa Jeremiya, onʼa Hilikiya, olombedi omotshi uma lʼatei wʼelombedi wa la Anatota, lu kete ya Bendjamina. 2Diui dia Latuyalaka diakayi le Jeremiya lu eleku ka dikumi lʼasatu ka diulelu dia Josiya,#1:2 2 Khum. 22:3—23:27; 2 Ek. 34:8—35:19. onʼa Amona, khumʼekanga ka Juda. 3Dio diakayi ndu lu nshi ya Jehoyakima,#1:3 2 Khum. 23:36—24:7; 2 Ek. 36:5-8. onʼa Josiya, khumʼekanga ka Juda, edja ndu lʼeleku ka dikumi lʼotoi ka Zedekiya,#1:3 2 Khum. 24:18—25:21; 2 Ek. 36:11-21. onʼa Josiya, khumʼekanga ka Juda, edja ndu etena kakatolama asi Jerusalema lu fumbi, lu ngondo ka tanu.

4Diui dia Latuyalaka diakayi le mi ati:

5Ntundu dimi latakutungi lʼutema wa

nyo, dimi lakakeyi,

Ndu ntundu we atatumbi uma lʼutema

wa nyo, dimi lakakukidia.

Dimi lakakosonola umvutshi wa wedja.

6Ku dimi lakakaluya diui nti: Hayii! Khumadiondjo Latuyalaka, we henyi, dimi haleyi nteketa, ne dia dimi leki dikenda. 7Keli Latuyalaka akankaluya diui ati:

Tutaki wati: Dimi leki dikenda.

We ayutsho le wane tshe wayumukutuma,

La we ayuta kene tshe kayumukutela.

8Tuwaukaki woma,

Ne dia dimi leko kame la ye dia

nkutshungula, mbata Latuyalaka.

9Ku Latuyalaka akasimbula lunya landi,

akamunanda lʼunyo; akamvutela ati:

Enda, dimi lambudja aui ami lʼunyo aye.

10Enda, dimi lambukukitsha elo

Ladiku dia wedja ndu ladiku dia

waulelu,

Dia we mpikula la nyukula.

Dia we nanya la mpandjula,

Dia we mpika la mune.

11Diui dia Latuyalaka diakayi le mi ntu ati: Jeremiya, kenaye na? Ku dimi lakûkaluya diui nti: Lutahi lʼutamba wa amande mbenami. 12Ku Latuyalaka akankaluya diui ati: We akenyi ololo, ne dia dimi latulamaka diui diami dia ditsha.

13Diui dia Latuyalaka diakayi le mi etena ka hendi ati: Kenaye na? Ku dimi lakûkaluya diui nti: Puki kadodo kenami lu leke la ngelʼa kushi, la unyo ato mbelela uya lindu. 14Latuyalaka akamvutela ati: Uma leko, la ngelʼa kushi, kayuya elanyelu le antu tshe wa lu wudja. 15Dimi layeta antu tshe wa lu waulelu wa la ngelʼa kushi. Vo wayuya, wayushikike untu lʼuntu kiti kandi ka diulelu lʼeotwolo kʼasuku wa la Jerusalema, lu peli tshe dia lukumbu layo, ndu lʼesumba tshe wa la Juda. 16Dimi layalumbuya dikambu dia kolo yawo tshe, ne dia vo wakanseke, wakatshumbela ditemolatemola malashi, ndu wakatemola elimu wakawatshi lʼanya awo. 17Uneli, ukikitsha uya, uwateli kene tshe kayumukutela. Tudidimaki la ntundu kawo, ne dia dimi latukukudidimia la ntundu kawo. 18Enda, dimi lambukete elo uku usumba wudingami lukumbu, uku ekoho ka luwulu, uku peli diʼehotela, le wudja tshe, le khumi ya dikanga ya la Juda, le ewandji awo, le elombedi awo ndu le antu tshe wa lu wudja. 19Vo wayukolosha, keli vo hawukolembia, ne dia dimi leko kame la ye dia nkutshungula, mbatami, dimi Latuyalaka.

Currently Selected:

Jeremiya 1: TLL

Highlight

Copy

Compare