Jeremiya 15
15
Kete Kahakitakita ka Latuyalaka le Juda
1Latuyalaka akamvutela ati: Kuyanga Mose#15:1 Etum. 32:11-14; Wal. 14:13-19. kana Samuele#15:1 1 Sam. 7:5-9. ayemala la ntundu kami, dimi halolembe utema lu dikambu dia wudja one. Uwatshanya uma la ntundu kami, watshu. 2Lamʼayuwukumbula vati: Lendi ayututsho? Kakaluya diui wati: Latuyalaka kata ati: Waku wakasonwama lu nyoi, wayutsho lu nyoi; waku wakasonwama lu yombo, lu yombo; waku wakasonwama lu ndjala ka kasha, lu ndjala ka kasha; la waku wakasonwama lu fumbi, wayutsho lu fumbi.#15:2 Eny. 13:10. 3Dimi layatumela wehu enei wa ananyishi, mbata Latuyalaka: yombo, dia mbadiaka; fo, dia mbalumata; fudu ya lʼulungu la nyama ya la kete, dia mbahahula la mbalanya. 4Dimi layuwaete engo ka wononyi lʼatei a waulelu tshe wa la kete, ne dia akambu wakatshi Manase, onʼa Hezekiya, khumʼekanga ka Juda, lu Jerusalema.#15:4 2 Khum. 21:1-16; 2 Ek. 33:1-9.
5We Jerusalema, akona ayukuka
ketshi, akona ayukulela,
Akona ayetola dia nkumbula kana
we la wulu?
6We akantuni, akakalula ekongokongo,
mbata Latuyalaka.
Diako mbamumusimbula lunya lami
dia nkolosha la nkulanya.
Dimi lambuheko nkuka ketshi.
7Dimi lakafufula ia ledi la asuku wa
la kete;
Dimi lakavusha anʼawo, lakalanya
wudja ami,
Keli vo kunkadimo uma lu ditshelu
diawo.
8Wadi waki edu awo wakayala efula
Ndeka seke ya losenga la lʼumamu
wʼashi a waki.
Dimi lakela unanyishi ami
Dia ndjolosha amantu wakuti elongo
wʼapami.
Dimi lakawautsha woma la woma wa
mamba shashimuya.
9Umuntu lakuti ana esambeli
ambokomo, ambukitshiya;
Unya akawudjela eki yanyi.
Ndi akutshama sonyi, akakanana.
Dimi layukimo waku wakatshikala lu
tombo tʼatunyi awo,
Mbata Latuyalaka.
10Nyomi li, mananu kayali le mi ne dia we kakambuti, pa, li ka tamu, kanga lundju le wudja tshe! Dimi hatosombaka hatosondjanyaka, keli antu tshe mbidjakami mananu 11Latuyalaka li, ayali nsoku! naka dimi kumbalombelaye, naka dimi kumbasengesengelaye lu dikambu diʼutunyi lu nshi ya pa ndu lu nshi yʼokei. 12Luwulu mbeyaka mbokola luwulu lʼuma la ngelʼa kushi ndu ohotela?
13Dimi layukimo diango dianyu la engonyi anyu ukimokimo, dia vo ndjala diango dia dimbu dikambu dia kolo yanyu tshe, lu kete yanyu tshe. 14Dimi layunyetsha lʼokongo wʼatunyi anyu utsha lu kete yahanyeyi, ne dia dja ya kele kami yamboheta, yo yayunyutshumba.
Daka Dia Latuyalaka le Jeremiya
15We Latuyalaka mbeyaka tshe,
umbuho, unami,
Onsombweya waku watunsuyaka.
Tutetemalaki ndjala la memakana
edja ndu dimi lambuvo.
Eyi wati: Lambonywama paka lu
dikambu diaye.
16Dimi lakatani aui aye, lakali.
Vo wakayala ongenongeno le mi,
wakangenyangenya utema ami,
Ne dia watumbetaka lukumbu laye,
We Latuyalaka, Unyashungu Kanga
lulimbilimbi.
17Dimi kumbidjase lʼului wʼamonyodi
Kuyanga ngenangena la wo.
Dimi lakadjase dime ne dia lunya
laye laki le mi,
Ne dia we akandudia lʼududu.
18Dikambu kuna diatutshikalaka pa
kami pundju?
Okoko wana watuyalaka
Puta kami kandji ketu, la hakono?
We ayuyala uku eteko ka lukesu le mi,
Ndu uku ashi wahemala la muma?
19Diako mbata Latuyalaka okone ati:
Naka we ayukadimo le mi,
Dimi layukukaluya dia we ndjemalaka
la ntundu kami.
Naka we ayutaka aui wʼololo aha
wʼanyanya,
We ayuyala unyo ami.
Vo wayukalula le ye, keli tukadimoki
utsha le wo.
20Dimi layukete eheli kʼohotela le wudja
one.
Vo wayukolosha, keli hawukolembia,
Ne dia dimi layuyala la ye
Dia nkushimbela la nkutshungula,
mbata Latuyalaka.
21Dimi layukutshungula uma lʼanya
wʼantu a kolo.
Layukushimbela uma lʼanya
wʼakanga a ngala.
Currently Selected:
Jeremiya 15: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
