Jeremiya 13
13
Djimbitelu Uma lu Uya Wambulana
1Latuyalaka akamvutela ati: Utshu, utuyasumbeli uya wa linene, olote. Keli tuwumbiaki lu ashi. 2Ku dimi lakasumbi uya uku diui dia Latuyalaka, lakolote. 3Ku diui dia Latuyalaka diakayi le mi etena ka hendi ati: 4Ose uya wakayasumbi woloteye, uneli, utshu utsha la Eyufarate, kutuwushe leko lu wuku wa dive. 5Okone dimi lakatshu, lakatuwushe lʼumamu wa Eyufarate, uku akamvutela Latuyalaka. 6Lamʼaketi nshi efula, Latuyalaka akamvutela ati: Uneli, utshu utsha la Eyufarate, kutose uya wakamakutela dia mbisht uma leko. 7Dimi lakatshu utsha la Eyufarate, lakatutshima, ku lakose uya uma lu dihuli diakamawushe. Menyi ku, vo wambulana, wambuyala anyanya.
8Diui dia Latuyalaka diakayi le mi ati: 9Latuyalaka kata ati: Wuhu uku mbayumulanya utaku wa Juda, utaku a wuki wa Jerusalema. 10Wudja one wa kolo, watutunaka aui ami, watekamaka saki yʼetema awo, watuyelaka ditemolatemola dia ditemola la dikhusela adui. Vo wayuyala uku uya one wambuyala anyanya. 11Uku atumamanaka uya lu lukindi lʼuntu, mbakamamamanya luudu tshe lʼlsariyele ndu la Juda tshe le mi, mbata Latuyalaka; dia vo ndjala wudja ami, lukumbu lami, diandu diami, la lutumbu lami, keli vo kumbukelami.
Djimbitelu Uma lu Mbaka Yuludi Too
12Okone kuwateli diui ne wati: Latuyalaka, Unyashungu wa Isariyele, kata ati: Mbaka tshe yayulula la wanu. Ku vo wayukumbula vati: Undi, shu hateyi shati: Mbaka tshe yayulula la wanu? 13Kuwateli wati: Latuyalaka kata ati: Dimi layundjuya asi kete nye tshe wanu: khumi ya dikanga yudiashi lu kiti ka Davidi, elombedi, amvutshi, ndu asi Jerusalema tshe. 14Dimi layaloshanya, untu la unyandi, ambutshi la anʼawo, mbata Latuyalaka. Dimi haluwauka ketshi, haluwamela kuyanga mbatshela la memakana, diaha dimi mbashila ushiki.
Ambanela Juda Dia Mbatola lu Lohombo, ne Dia Hawuyatshumuya
15Nyulungi, nyuhukami, tanyuyasemaki,
Ne dia Latuyalaka kateketa.
16Nyutumbuli Latuyalaka, Unyashungu
anyu, ntundu ndi atela udjima;
Ntundu ekulu anyu watatakana lu
ekungu wa udjima;
Ntundu ndi atakadimula usasi
watunyuyangaka didjidji dia nyoi,
La mbete udjima wa tshududu.
17Keli na ka nyu hanyulanga mbuka,
Utema ami ayulela lʼusheshe dikambu
diʼutaku anyu.
Dimi layulela wulu, layokedia asoi,
Ne dia ekoko wa Latuyalaka
wambotolama lu fumbi.
18Uteli khumʼekanga la nyangu
lakawuti wati:
Nyudjase lu kete,
Ne dia dembo diaye dia kusu dia
dimena diamboko uma lʼote ave.
19Esumba wa la Nengebe wambudihama,
Nduku untu eko dia mbedihula.
Wambotola Juda tshe lu fumbi,
wambatola tshe tshe.
20Edia ashu aye, endi waku wayayi uma
la ngelʼa kushi.
Ekoko aye wʼamena wakayakundja
okende awo, lendʼewo na?
21Ayuyuta na, lamʼayuwukitsha waku
wakayetshaka
Dia ndjala engenyi aye latiku diaye?
Undi okei hawukundi uku atuwundaka
umuntu latata lono?
22Naka we ambuyambula lʼutema wati:
Okoko wana wambuya akambu ane
le mi?
Eyi wati: Uma Iʼefula ka kolo vaye,
Mbambuwukukulula dihondo diaye,
mbambuwuhumuya tshindji diaye
wulu.
23Undi, usi Etiyopiya mbeyaka
nkadimula lowa landi,
Kuyanga koi awadi ato?
Okone nyu wane watekelaka akambu
wa kolo
Mbeyaka ntsha ololo uka?
24Okone dimi layunyudianganya
Uku puhudi yatembamaka la lopepe
lʼuma lʼusui.
25Oso eli etenyi kanyu kʼukito
kakamanyedikela,
Ne dia nyu nyakambuhela,
nyakambuhela,
Nyakekama kashi, mbata Latuyalaka.
26Okone dimi layunyukulula ahondo la
ntundu kanyu,
Dia sonyi yanyu menama.
27Dimi lakenyi akambu anyu wa
wononyi,
Akambu anyu wa lukesu, ndjawi
yanyu ya luseka,
Engeno ka seka yanyu lu ete wʼakuna
wa lʼesui.
Yee! Jerusalema, mananu kayali le ye!
Edja ndu etena kakona kayuyukimo
ntuna mbediama?
Currently Selected:
Jeremiya 13: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
