Jeremiya 12
12
Ukiyanu wa Jeremiya la Ekaluyelu ka Diui dia Unyashungu
1Latuyalaka li, we keli ololo tshe
lamʼatumudjaka la ye tamu.
Keli dimi nangaka nkumbula dikambu
dia dumbwelu diaye.
Okoko wana watongonaka antu wa
kolo?
Okoko wana watulumbaka akanga a
lukesu tshe la ki?
2We kakawaune; vo wambudja ediu,
wambongona, wamboto elua.
Vo nkeyaka lu elomo awo, keli etema
awo weko etali uma le ye.
3Keli we Latuyalaka mbeyakami;
We mendakami, la we mbedikaka
utema ami uku wewo le ye.
Uwatundja uku ekoko wayangawo
ndjaka.
Uwakitsha laandi edja ndu lushi
lʼediakelu!
4Etena kakona kayukimo wudja ndela,
Kayukimo tumbatumba nengela lu
kete tshe?
Uma lu kolo kʼasi kete, mbambushila
nyama la fudu ushiki,
Ne dia vo wakataka vati: Unyashungu
hendi ekumelu kasu.
5Naka we akasaki lʼantu luwangu, ku
vo wakakuhekuya.
Ukundi ukukiye nsaka la falasa
luwangu?
Ndu naka we atokokaka lu kete
yʼololo,
Ukundi ayuyutsha lʼukidi wa Jorodana?
6Ne dia ananyo la wa lu luudu la sho
watukukesaka,
Watukulelelaka wulu lʼokongo aye.
Keli tuwaetawoki kuyanga vo
nkukutelaka aui wʼololo.
7Dimi lakaseke luudu lami,
Lakatshiki etenyi kami kʼukito.
Dimi lakakimo kene katulangaka
utema ami lu anya wʼatunyi awo.
8Etenyi kami kʼukito kambuyala le mi,
Uku tambwe ka lʼukunda.
To kakandjikitela, diako mbamumukihetsha.
9Undi, etenyi kami kʼukito kambuyala
le mi
Uku fudu kʼawadi awadi kambundama?
Fudu yatuhatulaka emunyi
yambukidinga?
Nyutshu, nyutusanganya nyama tshe,
nyuyela dia yo ndjukile!
10Alami efula wakalanya ekambo kami
ka vinyo.
Vo wakahotshahotsha ekambo kami,
Wakete ekambo kami kʼololo usui
wa shenga.
11Vo wakakiete dihuli diʼanyanya.
To katulelaka la ntundu kami, ne dia
elanyelu kato.
Kete tshe yambuyala anyanya
Ne dia nduku untu layikanela.
12Ananyishi wambudela lu ete wʼakuna
tshe wa lʼusui,
Ne dia yombo ya Latuyalaka
yatudiakaka
Uma lu kuma ka kete kemotshi edja
ndu kuma kekina.
Nduku untu leli la ki.
13Vo wakune epunga, wambuna atende.
Vo wakayahenyahenya, hawukundja
nduku engo.
Vo wayuka sonyi lu kene kanawo,
Ne dia kele ka mamba ka Latuyalaka.
14Latuyalaka kata okone lu dikambu diʼasukanyi andi wa kolo, wambahe etenyi kʼukito kakandasha wudja andi Isariyele lunya ati: Enda, dimi layuwanya uma lu kete yawo, dimi layunya khumbu ka Juda uma lʼatei awo. 15Keli lamʼayumushila mbanya, dimi layuwauka ketshi ntu, layakaluya untu lʼuntu lu etenyi kandi kʼukito uya lu kete yandi. 16Naka wedja ene wayokolamela mbekela ditshelu dia wudja ami, dia ntshiba lu lukumbu lami vati: Uku eli Latuyalaka la lumu! Uku akawetsha wudja ami dia ntshibela Bala, ku vo wayongona lʼatei a wudja ami. 17Keli naka vo hawulungi, dimi layunya wudja uku tshe, layushila ushiki, mbata Latuyalaka.
Currently Selected:
Jeremiya 12: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
