Jeremiya 10
10
Ditemolatemola la Unyashungu
1Nyu khumbu ka Isariyele,
Nyulungi aui wanyutela Latuyalaka.
2Latuyalaka kata ati:
Tanyukuyaki ditshelu dia wedja,
Tanyukaki tulimbitelu ta lʼulungu
woma,
Ne dia wedja watutukaka woma;
3Ne dia ditshelu dia wedja dieli
anyanya,
Antu watokotala utamba lʼukunda,
ku utshudi ndjoselaka la kaku.
4Vo watuweteka dimena la fesa la
paunyi,
Watokokomeka seti la uhumo diaha
vo nsukasuka.
5Ditemolatemola ne dieli uku dikoho
dia losela, dio hadiutoteketaka;
Vo watudiembaka, ne dia dio hadieyi
nkendakenda.
Tanyudiukaki woma, ne dia dio
hadieyi ntsha nduku kolo,
Ndu dio kema la wulu wa ntsha ololo.
6Latuyalaka li, nduku ledimi la ye!
We eko wuki, ndu lukumbu laye leko
wuki uma lu wulu aye.
7We Khumʼekanga ka wedja, akona
ahahumbi nkuka woma!#10:7 Eny. 15:4.
We kukuki mbukama woma;
Ne dia lʼatei wʼakanga a yimba tshe
wa wedja,
Ndu lʼatei a waulelu awo tshe, nduku
ledimi la ye.
8Ditemolatemola tshe dieli anyanya,
diaha la yimba.
Wetshelu awo weli paka anyanya.
Dio dieli paka etamba.
9Utshudi la utshudi a paunyi
wakatshuli fesa
Yakawela uma la Tarashishi, la
paunyi yʼuma la Ufaza.
Eloto wa ditemolatemola waki udima
la engingi.
Vo tshe weli ulimu wakatshi okolongi
a yimba.
10Latuyalaka keli Unyashungu a mete.
Ndi keli Unyashungu a lumu,
khumʼekanga ka pundju.
Lamʼukandi kele, kete ndjidimaka,
La wedja haweyi memba wutshu
wʼududu andi.
11Nyuwateli nyati: Ditemolatemola diaki kuntunga ulungu la kete, diayushisho uma la kete ndu uma lʼesi ulungu.
12Unyashungu kakatungi kete la wulu
andi,
Ndi kakashikil e andja la yimba yandi.
Ndi kakakokola ulungu la ewu kandi.
13Lamʼatundutaka diui, ashi wa
lʼulungu watudikitaka.
Ndi atukutulaka dinga diʼashi uma la
kuma ya kete.
Ndi atungadimuyaka ndjadi dikambu
dia mvula.
Ndi atelaka lopepe uma lu waumbelu
andi.
14Untu tshe atuyalaka enginya lu yimba
yandi.
Utshudi a paunyi tshe atutshamake
sonyi
Uma lʼekishi kandi ka losela,
Ne dia dikishi diandi dia lolelola dieli
kashi, dio kema la lumu.
15Dio dieli anyanya, ulimu wa lukesu.
Lamʼayuya elumbwelu, dio diayulanyema.
16One leli ukito wa Jakoba, kema uku
dio,
Ne dia ndi kakatungi diango tshe.
Isariyele eli wudja andi wʼukito.
Latuyalaka Kanga lulimbilimbi keli
lukumbu landi.
Ukiyanu lu Dikambu Dia Elanyelu ka Juda
17We ludingami lʼatunyi,
Usanganya diango diaye dia ntumba
uma lu kete nye.
18Latuyalaka kata ati:
Enda, dimi luyanga mbikadja asi kete
nye lu etena kene.
Dimi yahenyahenva dia vo mbuka
wutshu wa dikambu ne.
19Yee! lambowediawediama la sui ne!
Puta kami keko kandji efula.
Keli dimi lakati nti: Ohenyohenyo
one wambuya le mi,
Dieli la mi dia mbemba.
20Luudu lami la dipema lambulana.
Ekodi alo wambuhimbohimbo.
Anʼami wankatshiki, vo kema ntu.
Dimi nduku lʼuntu leme luudu lami
la dipema,
Ndu leme apema ami ntu.
21Alami wʼekoko wambuyala dipoka,
Hawutumbulaka Latuyalaka.
Diako mbahawangone, ndu
mbambudiangana ekoko awo tshe.
22Nyulungi lohokoso la lukumu loso.
Lohokoso la wulu loso layayi uma lu
leke la ngelʼa kushi,
Dia ndjete esumba wa Juda elanyelu,
edjaselu ka wambulu.
23Latuyalaka li, dimi mbeyaka nti:
Untu hakendakendaka lu mbuka uma
lu wulu andi!
Lamʼatundokendakendaka, ndi ndame
heyi nombola ekulu andi.
24We Latuyalaka, unsuya, keli la sambu
kʼololo,
Aha lu kele kaye, we utukumbete
anyanya.
25Utshulweli wedja wahatukeyaka
ududu aye,
Ndu khumbu yahatetaka lukumbu
laye,
Ne dia vo wakali Jakoba, wakuli,
wakumani tshe,
Ndu wakalanya edjaselu kandi.
Currently Selected:
Jeremiya 10: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
