Isaya 66
66
Elumbwelu ka Latuyalaka, la Engonelo Kayuyala lu Siona
1Latuyalaka kata okone ati:
Ulungu eko kiti kami ka diulelu,#66:1 Mat. 5:34; 23:22.
La kete eko kihuna kʼekulu ami.#66:1 Mat. 5:35.
Wuhu akona wa luudu wukukinyu
mbikelami?
Lendʼeli dihuli diukukimi mbidjase?
2Lunya lami mbakatungi diango ne
tshe.
Osoku diami mbedio dio tshe, mbata
Latuyalaka.#66:2 Etsh. 7:49-50.
Enda, dimi layediya ashu ami
Utsha le one latusuwaka ndu leli
lʼutema ambate,
Utsha le one latukaka diui diami
woma.
3Untu latudiakaka ngombe eko uku
one ludiaki untu.
Untu latulambulaka onʼokoko,
Eki uku one lokodi fo kingu.
One lalambula ulambu wa shima,
Eko uku one lukimwi dikila dia
sumbu.
Untu latshumba malashi,
Eko uku one latemola dikishi.
Vo tshe watosonolaka mbuka yawo;
Etema awo watongenangenaka lu
akambu awo wa wononyi.
4Ndu dimi ntu layasonwela lukulu
lʼengeno,
Layatumela kene kayuwautsha woma,
Ne dia dimi lakawaeti, ku vo
kunkaluyami diui.
Lakateketa la wo, ku vo kunungami.
Keli vo wakatshi akambu waki kolo
lu ashu ami;
Wakasonola akambu wahatongenyangenyaka.
5Nyu wane watukaka Latuyalaka 3
woma,
Nyulungi diui diandi.
Nyulungi okone wati anengenyu,
Wane watunyuhetshaka
Ndu watunyusukulaka ne dia
lukumbu lami, vati:
Latuyalaka atumbwami,
Ku shu tayena ongenongeno anyu!
Keli vo wayutshama sonyi.
6Nyulungi diui so diambutumba uma
lʼusumba.
Diui diako diambutumba uma
lʼetemwelo,
Dio dieli diui dia Latuyalaka,
Latufutaka atunyi andi difutu diawo.
7Siona akuti ntundu yatatati lono,
Ee, ntundu yatatati lono mbakayuti
ona pami.#66:7 Eny. 12:5.
8Akona akuki dikambu dia wuhu oso?
Akenyi dikambu diufanyi la dio?
Undi, utundu wa kete mbeyaka mbuto
lushi otoi uka?
Kana wudja mbuto lʼetena otoi?
Kamʼakatatela Siona lono, mbakayuti
onʼayo.
9Naka dimi layetawo umuntu ntsho
diemi,
Dimi layushimba dia ndi mbuta uka?
Mbambula Latuyalaka,
Dimi latuluwanyaka waemi, ku
layushimba dia ana mbuto uka?
Mbambula Unyashungu anyu.
10Nyongenengene kame la Jerusalema,
Nyogenengene kame la yo, nyu tshe
watuyukaka ngandji.
Nyu tshe watulelaka dikambu diayo,
Nyulimbolimbo lʼongenongeno kame
la yo;
11Dia nyu ndeshama la ndutshama
awele wa sambelu diayo,
Dia nyu mpina awele ayo
La ngenangena lu elulelu ka lutumbu
layo.
12Okone mbata Latuyalaka ati:
Enda, dimi layolombwela Jerusalema
ki uku okedi,
La lutumbu la wedja uku kyoko
yatshulotshulo.
Ku nyu nyayoloma; nyayembama lu
tukundu,
La nyayosengama lu dihelo diayo.
13Uku atusambaka nyangu onʼandi,
osoku mbayumunyusamba.
Nyu nyayusambema lu Jerusalema.
14Nyu nyayena dikambu diako,
Ku etema anyu wayongenangena.
La weka anyu w yukikitala esadi,
Uku atukikitalaka adiyu wʼomongela.
Latuyalaka ayenya ekambi andi lunya
landi la wulu,
Ku ayuka atunyi andi kele.
15Enda, Latuyalaka ayukuma lʼatei wa
dja
La pusupusu yandi uku punganendji.
Ndi ayukadimula kele kandi efuki ka dja,
La luhangu landi lumbi la dja.
16La dja ndu la yombo yandi,
Mbayusambula Latuyalaka akambu
wʼantu tshe;
Ndi ayudiaka antu efula.
17Waku watuyakidiaka ndu watuyaediaka dia ntsho lʼekambo, dia ntotemola etamba a waki, la dia ntole unatshi wa sumbu, dji la diango dia wononyi, vo tshe wayulanyema kame, mbata Latuyalaka.
18Dimi mbeyaka elimu awo la tukanyi tawo, etena kayuyala ka dimi nsanganya wedja tshe wa eteketa tshe, ku vo wayuya la ndjenda lutumbu lami. 19Dimi layukitsha djimbitelu lʼatei awo. Ku uma lʼatei awo, dimi layutuma atshikadi utsha lu wedja: la Tarashishi, la Puta, ndu la Luda, wane watukaka eta, la Tubala la Javana, ndu lu asenga wʼetali, le wane wahatuki lukumu lami, kuyanga mena lutumbu lami. Ku vo wayututela wedja dia lutumbu lami. 20Vo wayuya la anengenyu tshe uma lu wedja tshe uku ulambu le Latuyalaka. Vo wayuya le wo wahemi ladiku dia falasa, lu pusupusu, lu poyi, ladiku dia punda, ndu ladiku dia kamelo uya la Jerusalema, lʼukungu ami wʼekila, mbata Latuyalaka, uku atelaka asi Isariyele elambu awo lu puki ya pudipudi, uya lu luudu la Latuyalaka. 21Uma lʼatei awo, mbayumosonola elombedi la asi Lewi, mbata Latuyalaka. 22Uku wayutshikala ulungu wʼuyuyu la
Kete yʼuyuyu#66:22 Is. 65:17; 2 Pet. 3:13: Eny. 21:1. yayangami ntunga,
Mbayutshikala tukanula taye la
lukumbu laye
La ntundu kami, mbata Latuyalaka.
23Uma lu yalelu ya ngondo utsha lu
yalelu ya ngondo,
Uma lu lushi la mumuya utsha lu
lushi la mumuya,
Antu tshe wayuyakaka la
ndjontemola, mbata Latuyalaka.
24Lamʼayuwutumbaka, vo wayenaka edu wʼantu wakantombokwela, ne dia kusu hayushilaki laawo, la dja yatshumba edu hayudimalaki.#66:24 Mak. 9:48. Ku edu ako wayuyala wononyi le antu tshe.
Currently Selected:
Isaya 66: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
