Isaya 65
65
Asui wʼAkanga wʼUhendudi
1Dimi laketawo mbukela wane waki
konombami.
Dimi laketawo ntanema le waku waki
kunyangami.#65:1 Rom. 10:20.
Dimi lakatela wudja waki kumbetaka
lukumbu lami.
Nti: Dimʼone, dimʼone!
2Dimi lakasimbula anya ami nshi tshe
Le wudja wʼakanga wʼuhedia,#65:2 Rom. 10:21.
Watokendakendaka lu mbuka ya kolo,
Watuyelaka tukanyi tawo.
3Nyu nyeli wudja watumbutshaka kele
ndu la ntundu kami,
Watulambulaka elambu lu dikambo,
Watutshumbaka elambu wa malashi
ladiku diʼatafadi.
4Nyu nyeli wudja wateteka waumbu
ahuli wa mbidjase,
La weuku ahuli wa ndala;
Watolekaka sumbu,
Ndu ushi wa sulu wa wononyi.
5Watumvutelaka vati: Umo laku!
Tusukanaki la le su, ne dia shu
nkuleka ololo.
Akambu ane weli dinga lʼehembe ami,
Ndu uku dja yatohetaka yanyi tshe.
6Enda, kene kakamasanguya la ntundu
kami nti:
Dimi halolembohala, keli layunyusuya,
Ee, dimi layunyusuya lu tulu yawo,
7Ne dia kolo yanyu, ndu ne dia kolo
ya washenyu,
Wakatshumbaka malashi lu ekungu
Ndu wakantengaka lu akuna, mbata
Latuyalaka.
Okone layuwaedikela difutu uku etsha a
wo wa ntundu.
8Latuyalaka kata okone ati:
Uku atuwuhinaka ashi wʼelua uma
lʼesandji,
Ku vo mvuta vati: Tanyukilanyaki,
Ne dia otshoko weko loko.
Osoku mbayumutsha ne dia ngandji
kami le ekambi ami,
Diaha dimi mbalanya vo tshe.
9Dimi layutundja tukanula uma le
Jakoba,
La ekito wʼekungu ami uma le Juda.
Esonami ami wayukita kete yako,
La ekambi ami wayudjase loko.
10Sharona ayuyala dihuli dia
dungalunga ndekaka adiyu,
La ukidi wʼAkora#65:10 Jas. 7:24-26. dihuli dia dio
mbetamaka,
Ne dia wudja ami watunyangaka.
11Keli nyu wane watonsekaka, dimi
Latuyalaka,
Watuhelaka ukungu ami wʼekila,
Wakalela Lukulu lʼOlo mesa,
Ndu wane wakasohanyia Wendjudi
wanu.
12Mete, dimi layunyukimo dia nyu
ndjakema la yombo,
Ne dia lamʼakamanyeti, nyu kumbetawo;
Lamʼakamateketa, nyu kununga.
Keli nyu nyakatshaka akambu waki
kolo lu ashu ami.
Nyu nyakasonola akambu waki
nkongenyangenyami.
13Diako mbata Khumadiondjo,
Latuyalaka ati:
Enda, ekambi ami wayole, keli nyu
nyayuvo ndjala.
Ekambi ami wayono, keli nyu nyayuvo
pusa.
Ekambi ami wayongenangena, keli
nyu nyayutshama sonyi.
14Ekambi ami wayimba esambu la
etema wʼongenongeno,
Keli nyu nyayulela la etema wa
lunyangu,
Nyayukhuma akhumu la ukiyanu wa
lʼetema anyu.
15Nyu nyayutshikela esonami ami
lukumbu lanyu la mananu.
Khumadiondjo, Latuyalaka ayunyudiaka.
Ku ndi ayole ekambi andi lukumbu
lukina.
16One latulangaka ntshokwama lu kete,
Ayulanga ntshokwama paka le Unyashungu
a mete,
La one latutshibaka lu kete,
Ayutshibaka paka le Unyashungu a mete,
Ne dia asui wa ntundu wambuhamamela,
wambumo lu ashu ami.
Ulungu wʼUyuyu la Kete yʼUyuyu
17Enda, dimi lutsha ntunga ulungu
wʼuyuyu la kete yʼuyuyu#65:17 Is. 66:22; 2 Pet. 3:13; Eny. 21:1.
Akambu wa ntundu wayuhamamela,
hawuyuhwama ntu.
18Nyongenengene, nyuyali la ongenongeno
wa pundju,
Ne dia kene kayangami ntunga.
Enda, dimi lutsha ntunga Jerusalema,
usumba wʼongenongeno,
La antu awo, antu wʼongenongeno.
19Dimi layongenangena dikambu dia
Jerusalema ndu dia antu ami.
Alelu la tukuku tʼalelu hawukema leko
ntu.#65:19 Eny. 21:4.
20Nduku ona layuvo lamʼekindi la nshi
tshitshe,
Ndu usumbi havu tshikima ndi
ambukutsha nshi yandi.
Ona mbeyaka mvo, tshikima aya deku
lukama,
La untu a kolo laya deku lukama,
ayudjama mananu.
21Vo wayuhika mvudu, wayudjaseka
loko;
Wayune dikambo diʼelua, wayolekaka
elua wʼuma loko.
22Vo hawuhika mvudu, ku akina
ndjudjase loko.
Vo hawukamba dikambo diʼelua, ku
akina ndjole elua uma loko.
Nshi yʼantu ami yayuyala uku nshi
yʼetamba.
Esonami ami wayongenangena ne dia
elimu wʼanya awo.
23Vo hawukamba ukambakamba,
kuyanga mbuta ana,
Dia vo ndiakema shashimuya,
Ne dia vo weli ana wʼatshokwami wa
Latuyalaka ndu anʼawo pupu.
24La ntundu vo watambeti, dimi
layakaluya diui.
Layuwaukela lamʼekiwo lu nteketa.
25Laundu la onʼokoko wayole kame.
Tambwe ayole adiyu kame la ngombe.
La ului ayoleka paka ditshu.
Vo hawutshela nduku engo kolo,
Kana kilanya lʼukungu ami wʼekila
tshe,#65:25 Is. 11:6-9. mbata Latuyalaka.
Currently Selected:
Isaya 65: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
