Isaya 64
64
1Utunduyala we akati ulungu ndu
akahulo,
Tshiki ekungu wutusukasuka la ntundu
kaye,
2Uku atohetaka dja lu lunyi lambuma,
Ndu uku atuyuduyaka ashi,
Tshiki atunyi aye wuteya lukumbu laye,
Ndu wedja wutudidima la ntundu kaye.
3Lamʼakayatshi akambu a wulu
wakisu kunungamela,
We akahulo, ku ekungu wakadidima
la eyelu kaye.
4Umaka mombokombola, nduku untu
akuki kuyanga nimbitela,
Nduku su diakenyi etemolatemola
kekina,
Katukimanyiaka wane watulungamelaka
uku we.#64:4 1 Kor. 2:9.
5We atuhandjaka waku watongenangenaka,
ndu watutshaka ololo,
Ee, wane watukuhoka lu mbuka yaye.
Enda, we akuki kele, shu takatshi
kolo;
Tambusuwa loko edja, tayushimbamela?
6Shu tshe tambuyala uku akanga a
mindu,
La ololo asu ambuyala uku dihondo
dia mindu.
Shu tshe tambolengela uku dikatshi,
La kolo yasu yambutemba uku lopepe.
7Nduku untu latetaka lukumbu laye,
Latuhasahasaka dia nkumamema.
Ntu, we akatushela elundji,
We akatukimo dia shu nanyema lu
kolo yasu.
8Latuyalaka li, we keli shesu.
Diwumba mbesu, we keli ukingi.
Shu tshe teli ulimu wʼanya aye.
9We Latuyalaka tutukaki kele ka wulu,
Tuhoki kolo yasu pundju.
Utendi, mbakosengasengasu;
Shu teko wudja aye.
10Esumba aye wʼekila waya shenga tshu.
Siona aya shenga, la Jerusalema
elanyelu.
11Luudu lasu lʼekila la dimena,
Lene akakandulaka washesu,
lambulungula.
Ahuli asu wʼamena tshe wambulana.
12Latuyalaka li, lu akambu ane tshe,
Ku we ndjakimelaka la ntshikalaka ki?
Undi, we ayutetemala ntusuya?
Currently Selected:
Isaya 64: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
