Isaya 60
60
Lutumbu Layuyala la Siona
1We Jerusalema, uneli, osenyami,
Ne dia lutumbu la Latuyalaka
lambukuhutwela,
Ee, usasi aye wambukuma.
2Enda, hyutshiliutshi ayukumba kete,
La udjima a tshududu asi wedja.
Keli Latuyalaka ayuyala ladiku diaye,
La lutumbu landi layukohetela.
3Ku wedja wayuya dia ndjuyanga usasi
aye,
La khumi ya dikanga wayusamanya uya
Lu ngaingai kʼesenyelo kaye la pindju.
4Edia ashu aye, endi lʼutshimba.
Vo tshe wambomota kame, wuyayi
uya le ye.
Anʼaye wʼapami wayuya uma lʼetali,
La anʼaye wʼamantu wayembama lu
tukundu.
5Lamʼayuyena dikambu ne, we
ayongenangena.
Utema aye ayulimbolimbo lʼongenongeno,
Ne dia engonyi wa lu ashi a waki
wayukadimo le ye,
La ekundji a wedja wayuya le ye.
6We ayukumbama lʼului wa kamelo,
Kamelo yʼesekaseka yʼuma la
Midiyana, la yʼuma la Efa.
Yo tshe yay uya uma la Sheba
yayembe paunyi
La malashi wʼushinga a wulu,
yayatumbula Latuyalaka.
7Nyimba tshe ya dungalunga ya la
Kedara yayomotshama le ye,
Ndu waumi wʼekoko wa la Nebayota
wayuyala lʼulimu aye.
Vo wayumbela lʼediakelu kami,
Ku dimi layuwaetawo lʼongenongeno.
Layutumbula luudu leli too la
lutumbu lami.
8Wana aku wayayi esadi uku wangi,
Wayafumbo uku bingu uya lu kefu
kawo na?
9Ne dia asenga watulungamelaka le mi,
Mashua wa la Tarashishi wayuya ntundu,
Dia mbela anʼaye uma lʼetali, kame la
fesa la paunyi yawo,
Lu lukumbu la Latuyalaka,
Unyashungu aye,
Ee, le lʼEkila lʼIsariyele,
Ne dia ndi ambukutumbula.
10Asi wedja wayuhika peli diawo ntu,
La khumi ya dikanga yawo yayukukambela
ulimu,
Ne dia dimi laki la kele mbakamakusuya,
Keli uma lu ngandji kami kakukami,
mbamumukuka ketshi.
11Asuku aye wayutshikalaka hwe nshi
tshe.
Vo hawudihamaka la yanyi kuyanga
lʼutshu,
Dia mbotshiya khumi ya dikanga ya
wedja la atshindedi awo
Lamʼayuwukelaka ekundji wa wedja
awo,#60:11 Eny. 21:25-26.
12Ne dia wudja la diulelu wahakukambela
ulimu,
Wayulanyema, ee, wudja ako wayushila
ushiki.
13Lutumbu la Lebanona lay uya le ye:
Esasi, eduwula, esingi, dia nenga
dihuli diami diʼotemwelo.
Dimi layutumbula dihuli diatumukitshaka
ekulu.
14Ku ana a waku wakakusuyaka,
Wayuyakitshakitsha la ntundu kaye,
La waku wakakuhetshaka,
wayukhusama la ntundu kaye.#60:14 Eny. 3:9.
Vo wayuketaka vati: Usumba wa
Latuyalaka,
Siona ya lʼEkila lʼIsariyele.
15Kuyanga we akatunama kana
akahetshama
Edja ndu nduku untu lakakindula
lʼatei aye,
Dimi layukete engo ka nemo pundju,
Ongenongeno wa lolonga la lolonga.
16We ayulela wedja diango, ayulela
ndu khumi ya dikanga.
Okone we ayeya wati: Dimi keli
Latuyalaka, Ushimbedi aye,
Utshungudi aye, Kanga Wulu a
Jakoba.
17Dimi lavukela paunyi lu dihuli
diʼohotela,
Fesa lu dihuli dia luwulu, ohotela lu
dihuli diʼutamba,
Ndu luwulu lu dihuli diʼave.
Dimi layete elombodi aye ki,
La ambuledi aye antu wʼololo.
18Hawuka wata akambu wa ngala lu
wudja,
Kuyanga ohenyohenyo lʼelanyelu lu
kete yaye.
We ayeta peli diaye wati: Panda,
La asuku aye wati: Diandu.
19We huyala la uhumba wa unya
nkohetela la yanyi,
Kuyanga ekashiyelu ka ngondo,
Ne dia Latuyalaka ayuyala usasi aye
pundju,
Unyashungu aye ayuyala lutumbu
laye.#60:19 Eny. 21:23; 22:5.
20Unya aye hawudjaki, ndu ngondo
kaye hashishoki,
Ne dia Latuyalaka ayuyala usasi aye
pundju.
Ku nshi yaye ya delu yayushila.
21Antu aye wayuyala antu wʼololo atu.
Vo wayukita kete pundju.
Vo weli lukuno lakamune,
Ndu ulimu wʼanya ami, dia dimi
ntumbwama.
22One leli tshitshe ayuyala kinunu,
Ona one luleki tshitshe wudja a wulu.
Dimi, Latuyalaka, layusamanya
dikambu ne lʼetena kadio.
Currently Selected:
Isaya 60: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
