Popular Bible Verses from Isaya 60

Share

We Jerusalema, uneli, osenyami, Ne dia lutumbu la Latuyalaka lambukuhutwela, Ee, usasi aye wambukuma.

Ku wedja wayuya dia ndjuyanga usasi aye, La khumi ya dikanga wayusamanya uya Lu ngaingai kʼesenyelo kaye la pindju.

Enda, hyutshiliutshi ayukumba kete, La udjima a tshududu asi wedja. Keli Latuyalaka ayuyala ladiku diaye, La lutumbu landi layukohetela.

One leli tshitshe ayuyala kinunu, Ona one luleki tshitshe wudja a wulu. Dimi, Latuyalaka, layusamanya dikambu ne lʼetena kadio.

We huyala la uhumba wa unya nkohetela la yanyi, Kuyanga ekashiyelu ka ngondo, Ne dia Latuyalaka ayuyala usasi aye pundju, Unyashungu aye ayuyala lutumbu laye.

Unya aye hawudjaki, ndu ngondo kaye hashishoki, Ne dia Latuyalaka ayuyala usasi aye pundju. Ku nshi yaye ya delu yayushila.

Lamʼayuyena dikambu ne, we ayongenangena. Utema aye ayulimbolimbo lʼongenongeno, Ne dia engonyi wa lu ashi a waki wayukadimo le ye, La ekundji a wedja wayuya le ye.

Edia ashu aye, endi lʼutshimba. Vo tshe wambomota kame, wuyayi uya le ye. Anʼaye wʼapami wayuya uma lʼetali, La anʼaye wʼamantu wayembama lu tukundu.

Antu aye wayuyala antu wʼololo atu. Vo wayukita kete pundju. Vo weli lukuno lakamune, Ndu ulimu wʼanya ami, dia dimi ntumbwama.

Hawuka wata akambu wa ngala lu wudja, Kuyanga ohenyohenyo lʼelanyelu lu kete yaye. We ayeta peli diaye wati: Panda, La asuku aye wati: Diandu.

Asuku aye wayutshikalaka hwe nshi tshe. Vo hawudihamaka la yanyi kuyanga lʼutshu, Dia mbotshiya khumi ya dikanga ya wedja la atshindedi awo Lamʼayuwukelaka ekundji wa wedja awo

We ayukumbama lʼului wa kamelo, Kamelo yʼesekaseka yʼuma la Midiyana, la yʼuma la Efa. Yo tshe yay uya uma la Sheba yayembe paunyi La malashi wʼushinga a wulu, yayatumbula Latuyalaka.

Asi wedja wayuhika peli diawo ntu, La khumi ya dikanga yawo yayukukambela ulimu, Ne dia dimi laki la kele mbakamakusuya, Keli uma lu ngandji kami kakukami, mbamumukuka ketshi.

Kuyanga we akatunama kana akahetshama Edja ndu nduku untu lakakindula lʼatei aye, Dimi layukete engo ka nemo pundju, Ongenongeno wa lolonga la lolonga.

We ayulela wedja diango, ayulela ndu khumi ya dikanga. Okone we ayeya wati: Dimi keli Latuyalaka, Ushimbedi aye, Utshungudi aye, Kanga Wulu a Jakoba.