Isaya 59
59
Eshwelu ka Kolo ya Wudja
1Nyuki, lunya la Latuyalaka kema
mundumundu.
Ndi mbeyaka nyushimbela,
Atui andi kema khu, ndi mbeyaka
mbuka.
2Keli ehedia anyu mbambunyatanya la
Unyashungu anyu.
La kolo yanyu yambunyushela
elundji kandi diaha ndi nyukela,
3Ne dia anya anyu watululaka too la
dikila,
La pita yanyu too la kolo.
Elomo anyu watoteketaka akambu wa
kashi,
La nimi yanyu yatutaka akambu wa
kolo.
4Nduku latuyelaka sambu kʼololo,
Nduku latutaka akambu wa mete,
Vo watekamaka akambu wʼanyanya,
watutaka kashi,
Watutshoka waemi wa kolo,
watutaka ehedia.
5Vo watuhuhulaka ekeli wa dikhuha,
watelaka etei wa dihuha.
Naka untu ayole ukeli omotshi, ku
ndi mvo;
Naka ayoteta omotshi, ku ului
ntumba.
6Etei awo haweyi ndjala ahondo wa
ndota.
Antu hawolote diango diatshawo.
Elimu awo weli elimu wa kolo,
La ditshelu dia ngala dieko lʼanya
awo.
7Ekulu awo watulawoka utsha lu kolo.
Vo watusamanyaka dia ntutundja
dikila diaha la unungu.
Tukanyi tawo teli tukanyi ta kolo.
Ohenyohenyo la elanyelu weko lu
mbuka kawo.
8Vo haweyi mbuka ka ki.#59:8 Rom. 3:15-17.
La nduku dikambu diʼusimbwi dieli lu
mbuka yawo.
Vo wakayatela mbuka yʼakote akote.
Untu tshe latokendakendaka loko,
heyi ki.
9Ne dia akambu wʼusimbwi weko etali
uma le su,
Mbahakumi panda le su.
Shu tatulungamelaka yanyi, ku
udjima utu.
Shu tatukungelaka usasi,
Keli tatokendakendaka lu luhutshihutshi.
10Shu tatamambaka eheli uku akanga
atutshungu,
Tatekekaka uku antu waha la ashu.
Tatutakanaka la midi uku la
hyutshihutshi,
Uku edu lʼatei wʼakanga a wulu
mbesu.
11Shu tshe tatumulaka amu uku
tambwe,
Tatukhumaka akhumu uku binga.
Shu tatukungaka etshungwelu, ku to
kema.
Tatulungamelaka panda, ku to keko
etali uma le su,
12Ne dia ehedia asu waya efula la
ntundu kaye,
La kolo yasu yeko emenyi asu.
Mete, ehedia asu weko kame la su,
Shu mbeyaka kolo yasu.
13Takanguna ndu takahedia
Latuyalaka, takaseke Unyashungu asu.
Takasanguya akambu wa ngala la
wʼetombokwelo.
Takakani aui wa kashi lʼetema,
takawati.
14Etshungwelu kakakalula ekongokongo,
La panda kambemala etali.
Mete kambunyema lʼesese,
Ku akambu wʼusimbwi haweyi mboto
leko.
15Mete kakahumbama.
Okone one latumoka uma lu kolo,
atundamaka.
Latuyalaka akenyi dikambu so, keli
ndi kongenangena,
Ne dia akambu wʼusimbwi tawakiko.
16Ndi akakashimo lamʼakindi komena
oteketedi.
Ku paka lunya landi mbakukimanyia,
La sambu kandi kʼololo kakushikike.#59:16 Is. 63:5.
17Ndi akakime sambu kʼololo uku
engawu,#59:17 Ef. 6:14.
Akahe lufule la panda lʼote andi.#59:17 Ef. 6:17; 1 Tes. 5:8.
Ndi akalote esombweyo uku dihondo;
Akayakumbi la kandjema uku koti.
18Ndi ayufuta antu uku ditshelu diawo:
Kele le atunyi andi, sonyi le wane
watuhetshaka.
Ndi ayufuta ndu wa lu asenga pupu.
19Antu wayukaka lukumbu la
Latuyalaka woma umakʼedjelu,
La lutumbu landi umakʼehutwelu ka
unya.
Latuyalaka ayuya uku ashi wa pedu,
Watokelaka uma lʼefufelu kandi.
20Utshungudi ayuyala la Siona,
Ndu le asika Jakoba watukadimoka
uma lu kolo yawo,#59:20 Rom. 11:26. mbata Latuyalaka.
21Daka diakamalakana la wo ne nti: Nyuma kami keli la ye, la aui ami wakamadji lʼunyo aye hawumoki uma lʼunyo aye kana uma lʼenyo wa anʼaye, kuyanga uma lʼenyo wʼekana aye, umaka kakiane edja ndu pundju, mbata Latuyalaka.
Currently Selected:
Isaya 59: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
