Isaya 55
55
Esengoyelo ka Ushasha wa Ketshi le Antu Tshe
1Nyulungi, nyu tshe weli la pusa,
nyuyi lu ashi.#55:1 Eny. 21:6; 22:17.
Ndu nyu wane waha la falanga, nyuyi,
nyuyose, nyono.
Nyuyi, nyuyose wanu la awele
wososa, aha lʼushinga.
2Okoko wana atunyukimoka falanga
yanyu lu kene kaha na?
Dikambu kuna diatunyushishaka wulu
anyu lu kene kahanyulutsha?
Nyumbukeli, nyolekaki kene keli
ololo.
Etema anyu wangenangenaki lu mbu
ya nde yʼololo.
3Nyuhuke atui, nyuyi le mi. Nyumbukeli,
Ku etema anyu wayuyala la lumu.
Dimi layudja la nyu sheki ya pundju,
Dia nshikike ngandji kanu le Davidi.#55:3 Etsh. 13:34.
4Enda, lakukitsha omenyi le wedja,
Umbuledi la olombodi le antu.
5Enda, we ayeta wedja wahayeyi.
Ndu wedja wahakeyi wayulawo le ye,
Ne dia Latuyalaka, Unyashungu aye,
Ne dia lʼEkila la Isariyele,
kambukutumbula.
6Nyuyangi Latuyalaka lamʼeyandi
ntanema.
Nyolembaki lamʼekindi lasuki.
7Untu a kolo aseke mbuka kandi,
La one latusanguyaka kolo akimo
tukanyi tandi.
Akaluli le Latuyalaka, ku ndi
ayuwuka ketshi,
Ee, le Unyashungu asu, ne dia ndi
ayetawo mbudimanyia tshe.
8Tukanyi tami hatedima la tukanyi
tanyu,
Ndu ditshelu dianyu adiedimi la
ditshelu diami, mbata Latuyalaka.
9Uku anganyi ulungu la kete etali,
Wuhu ako mbanganyi ditshelu diami
la ditshelu dianyu,
Ndu tukanyi tami la tukanyi tanyu
etali.
10Uku atolokaka mvula la lungi
lʼekama la tshitshi uma lʼulungu,
Ku yo hayukalula utsha leko edja
ndu yo yambutaloyisha kete,
Edja ndu yo yambutayitemisha,
yambutatumbisha tumbatumba,
Edja ndu yo yambutasha umbuki a
wuhu wehu, la undeshi wa ma ma.#55:10 2 Kor. 9:10.
11Osoku mbatuyalaka diui diatutumbaka
uma lʼunyo ami:
Dio hadiutukalulaka le mi ukalulakalula.
Keli dio diatutshaka lulangu lami
Ndu diatushidiyaka kene kakamasanguya.
12Nyu nyayunela lʼongenongeno,
nyayolombwama la ki.
Akuna la ekungu wayimba kimbu
yʼongenongeno la ntundu kanyu.
La etamba tshe wa lʼusi wayuhuma
saka.
13Woto ayutumba lu dihuli dia atende,
La wuma lu dihuli dia adungu.
Dikambu so diayuyala euhwelu ka
Latuyalaka,
Djimbitelu ya pundju yahashilaki.
Currently Selected:
Isaya 55: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
