Isaya 56
56
Difutu Dia Elamelu ka Sheki ya Unyashungu
1Latuyalaka kata okone ati:
Nyuyeli akambu wʼusimbwi,
nyutshi akambu wʼololo,
Ne dia panda kami kaya ka ndja,
La etshungwelu kami kayenama.
2Untu latutshaka osoku eli la otshoko,
Ndu onʼa untu latushikikalaka leko,
Ee, one latulamaka lushi la mumuya
diaha ndi lulanya,
Ndu latushimbaka lunya landi diaha
lo ntsha kolo.
3Ongendangenda lambumamema le
Latuyalaka tataki ati:
Latuyalaka ayumamitula uma le
wudja andi.
Ndu olenga tataki ati: Utamba
wambuma mbemi.
4Latuyalaka kata okone ati:
Le elenga watulamaka nshi yanyu ya
mumuya,
Watosonolaka akambu watongenyangenyaka,
Ndu watushikikalaka lu sheki yami,
5Mbayumusha dihuli la lukumbu lʼatei
a luudu lami,
Ndu lʼatei a peli diami uleki vo ndjala la
Ana apami la ana amantu ololo.
Dimi layuwasha lukumbu la pundju
lahashishoki.
6Ndu asi wedja watumamemaka
Latuyalaka dia mbukambela ulimu,
La dia mbuka lukumbu landi ngandji,
La dia ndjala ekambi andi,
Ee, wane tshe watulamaka lushi la
mumuya diaha lulanya
Ndu watushikikalaka lu sheki yami.
7Dimi layuwaela lʼukungu ami wʼekila.
Layangenyangenya lu luudu lami la
dombelo.
Layetawo eshasha awo la elambu awo
lʼediakelu kami.
Wayeta luudu lami vati: Luudu la
dombelo la wedja tshe.#56:7 Mat. 21:13; Mak. 11:17; Luk. 19:46.
8Okone mbata Khumadiondjo,
Latuyalaka
Latusanganyaka asi Isariyele
wakatshanyema, ati:
Dimi layusanganya ndu wedja ekina
la Isariyele,
Kame la wandi wakasanganyema
edja.
9Nyu nyama tshe ya lʼusui, nyuyi dia
ndjole —
Nyu nyama tshe ya lʼukunda.
10Elami wa Isariyele weko tutshungu,
Vo tshe waha la yimba.
Vo tshe weli fo ya nyumi, yaheyi
mpangohango.
Vo watunyingonyingoka, watulangaka
mbetama, watenaka alo.
11Elami ako weli fo ya lukaki,
yahatulutaka.
Elami ako hawutulimbitelaka.
Vo tshe wambudiangana lu mbuka
yawo hita,
Dia untu lʼuntu ndjayangela waho
walangandi;
12Ata ati: Nyuyi, lutsha nyanga wanu.
Tono dinono dia wulu wuhu wʼanyanya.
Katono ndu lui, ku lui djekaleka.
Currently Selected:
Isaya 56: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
