Ezekiyele 5

1We onʼa untu, ose yombo ya mpemo efula, yeli la diesa uku luhayu, unya divu la loledu. Lʼokongo diku ose kilo ka mbedika, ukahanya divu. 2Kutshumbi etenyi ka satu ka divu lʼatei wʼusumba lamʼayuyushidiya nshi yʼedingelu; kose etenyi ka satu kadio kudihimbuhi-mbuya la yombo lʼutshimba wʼusumba; kudianganya etenyi ka satu lu lopepe, ku dimi layosomola yombo dia ndjelana la dio. 3Kose weondji emotshi, kekeleki lu ehimbu wʼukutu aye. 4Kose weondji emotshi ntu, kuwekadja lu dja, ketshumbi. Uma loko kayutumba dja utsha le khumbu tshe ka Isariyele. 5Okone mbata Khumadiondjo Latuyalaka ati: Oso eli Jerusalema. Dimi lambukitsha lʼatei a wedja ndu kete yeli lʼutshimba awo tshe. 6Vo wakahedia elembe ami dia ntsha kolo uleki wedja ekina, waka-tuni adjangu ami uleki waulelu weli lʼutshimba awo. Vo wakatuni elembe ami, kundjela adjangu ami. 7Nyu nyakaleki wedja weli lʼutshimba anyu ntombokwelami. Nyu kundjela elembe ami kuyanga adjangu ami. Undi, nyu kundjela elembe wa wedja weli lʼutshimba anyu? 8Diako mbata Khumadiondjo Latuyalaka ati: Enda, ndu dimi dime layendana la nyu; layunyulumbuya lu ashu wa wedja. 9Dimi lutsha nyutshela akambu wahamatatshi nduku lushi, ndu wuhu wahamatshaki pundju ne dia akambu anyu wa wononyi. 10Lʼatei anyu, ambutshi wʼapami wayole emunyi wa anʼawo wʼapami,#5:10 Del. 4:10. la ana apami wayole emunyi a washewo. Dimi layunyulumbuya, layuhandjula atshikadi lu beke tshe dia la kete. 11Okone Khumadiondjo Latuyalaka kata ati: Uku wemi la lumu! ne dia nyu nyakalanya etemwelo kami la diango dianyu tshe dia sonyi la dia wononyi, diako mbayumunyudiaka. Ashu ami hawunyuhandja; dimi halunyuka ketshi. 12Etenyi ka satu kanyu kayuvo la elandu, la ndjala ka kasha kayashila ushiki lʼatei anyu. Etenyi ka satu kanyu kayudiakema la yombo lʼutshimba anyu. Dimi layuhandjula etenyi ka satu kanyu lu beke tshe dia la kete. Ku dimi layosomola yombo dia ndjelana la wo.

13Uma lu akambu aso mbayushila kele kami. Dimi layukumba kele kami le wo, layusambama. Ku vo wayeya vati: Uma lu saki kami, dimi Latuyalaka, kakamateketa lamʼakamawauki kele ka wulu. 14Dimi layunyete engo kʼelanyelu ndu engo ka dionyo lʼatei a wedja tshe weli lʼutshimba anyu, lu ashu tshe a wane watetaka lasuki la nyu. 15Lamʼa-yumunyulumbuya lu kele kami, ududu ami, la luhangu lami la wulu, nyu nyayuyala engo ka wononyi, engo ka mpongwela soi, engo ka mbewula antu, ndu engo ka nkashimo le wedja tshe weli lʼutshimba anyu. Dimi Latuyalaka kateketa. 16Akambu ane wayuyala lamʼayumunyuka pitu yami ya kolo ya ndjala ka kasha ndu yʼelanyelu; layunyukayo dia nyudiaka, ndu layumunyela ndjala ka kasha dia nanya mbu yanyu ya nde. 17Dimi layunyutumela ndjala ka kasha la nyama ya ngala dia nyusuya. Vo wayunyohotola anʼanyu. Elandu wayenama lʼatei anyu, ndu dikila diayutshulwama lamʼayumunyutumela yombo dia ndo la nyu.#5:17 Eny. 6:8. Dimi Latuyalaka, kateketa.

Currently Selected:

Ezekiyele 5: TLL

Highlight

Copy

Compare