Ezekiyele 41

1Ndi akantole utsha lu loyenga lʼetemwelo. Ndi akedika dikoho dia lu eheli. Wuki wa wedi la wedi wa dikoho aki kubita shamalu. 2Wuki wa eotwelo aki kubita dikumi. Wuki wa wedi la wedi wa eotwelo aki kubita tshanu. Ndi akedika utali alo, kubita akumi anei; la wekeki alo, kubita akumi ahendi. 3Ndi akoto lʼetei, akedika ekoho lʼekoho ka lʼeotwelo, dio diaki kubita hyendi. Suku diʼeotwelo diaki yediko ya kubita shamalu; la wuki wa peli diaki lu wedi la wedi wa suku diʼeotwelo waki kubita esambeli. 4Ndi akedika utali wa luudu luleki ekila, kubita akumi ahendi; wekeki, kubita akumi ahendi. Lo laki la ntundu ka luudu lʼekila. Ku ndi akamvutela ati: Onʼeli dihuli diuleki ekila.

5Ku ndi akedika eheli ka luudu kubita shamalu; la wekeki wa yindju la yindju, kubita nyei, lʼutshimba tshe wa luudu. 6Tundju takahatanyi tomotshi ladiku dia tukina taki yediko yʼakumi asatu, taki la edihi esatu. Esimbi wa tundju wakahemi ladiku dia loyenga laki lʼutshimba tshe wa luudu, dia esimbi mbahema ladiku dialo aha mboto kʼatei wʼeheli ka luudu. 7Tundju takayala lʼutshimba tshe wa luudu lamʼakawawandja luudu utsha ladiku. Wakambelaka uma lu yindju ya lʼesi utsha lu yindju ya lʼatei, la uma lu yindju ya lʼatei utsha lu yindju ya ladiku. 8Dimi lakenyi ntu nti: Wuki wʼatshina wa tundju wa lʼutshimba tshe wa luudu waki yediko ya tshamba ya kubita shamalu. 9Keka kʼeheli ka lʼandja a tundju aki kubita hanu. Etenyi kʼatshina kakatshikala lʼandja, aki kubita tshanu. Lʼasa etshina kʼetemwelo 10la mvudu ya lu seke, aki wuki wa kubita akumi ahendi lʼutshimba tshe lu leke la leke. 11Eotwelo ka tundju kaki ladiku dia etenyi kakatshikala hwe: suku dimotshi diaki utsha la ngelʼa kushi, la dikina utsha la diku dia kushi. Wuki wa etenyi kakatshikala hwe lʼutshimba tshe, kaki yediko ya kubita tshanu.

12Luudu lakelanedi la seke diʼetemwelo lu leke lʼedjelu, laki wekeki yediko ya kubita akumi esambeli. Keka ka eheli ka luudu, kaki kubita tshanu lʼutshimba tshe; utali wa luudu waki kubita akumi divwa. 13Ndi akedika etemwelo; utali ato aki kubita lukama. Ku dihuli dia hwe, etemwelo la peli dia to, waki la utali wa kubita lukama. 14Wekeki wa welelo wa etemwelo, la dihuli dia hwe lu leke lʼehutwelu, waki kubita lukama.

15Ku ndi akedika utali wa luudu lakelanedi la seke dia lʼetei, diaki lu leke lʼedjelu, la peli dialo lu wedi la wedi, kubita lukama.

Utema wʼetemwelo, luudu la lʼetei la mbalasa ka lʼandja 16wakadjama pano. Mvudu yako shatu tshe yaki la adidishi wakadjama abaya awo utsha lʼandja. Pano yʼabaya yakadjama lu peli diʼetemwelo lʼutshimba tshe, umaka udihi pulu ndu lu adidishi (laso ku adidishi wakakumbama), 17pulu ndu lu dihuli dia ladiku dia suku, ndu lu luudu la lʼetei, ndu lu wedi wa lʼandja. Lu peli tshe dia lʼutshimba tshe wa luudu la lʼetei du wa utema wʼetemwelo akasangwema difanelu 18dia akeruba la atuku lʼutshimo: tuku lʼasa okeruba la okeruba. Okeruba la okeruba aki la dundji pendi: 19elundji kʼuntu, kakeledi utsha la tuku lu wedi omotshi, la elundji kʼosongo a tambwe, kakeledi utsha la tuku lu wedi ukina. Dio diakasangwema lʼutshimo lʼutundu wʼetemwelo lʼutshimba tshe. 20Akeruba la atuku wakasangwema lʼutshimo lu eheli, umaka udihi pulu ndu ladiku dia suku.

21Eshingiti wa utema wʼetemwelo waki beke nei diedimi. La ntundu ka dihuli diʼekila kaki engo kufanyi la 22ediakelu kʼutamba. Wemema ato, kubita shatu; utali ato, kubita hyendi; la wekeki ato, kubita hyendi. Atshuku ato, etshina kato la peli diato diaki diʼutamba. Ku ndi akamvutela ati: Onʼeli mesa watuyalaka la ntundu ka Latuyalaka. 23Utema wʼetemwelo la dihuli diʼekila waki la kuki hyendi hyendi. 24Suku la suku aki la lukuki la beke pendi. Asuku waki la kuki ya beke pendi hyendi hyendi, yakadihamaka yo hyendi lu asuku. 25Akeruba la atuku wakasangwemi lʼutshimo lu kuki ya lʼutema wʼetemwelo, uku akasangwemi lu peli. Kisanga kʼabaya kaki lʼandja la ntundu ka mbalasa. 26Ekalamandja la atuku waki lu wedi la wedi lu peli dia mbalasa.

Currently Selected:

Ezekiyele 41: TLL

Highlight

Copy

Compare