Ezekiyele 30
30
1Diui dia Latuyalaka diakayi le mi
ntu ati:
2Onʼa untu, uti akambu wahatayi wati:
Khumadiondjo Latuyalaka kata ati:
Nyukhumi akhumu lu lushi lone la
lunyangu!
3Ne dia lushi lako laya suki,
Lushi la Latuyalaka laya suki, lushi
la wangi.
Lo layuyala etena ka wedja tshe.
4Yombo yayuyala le Edjibitu,
La sasi diayuyala le Etiyopiya
Lamʼayukalema edu kalakala lʼEdjibitu.
Vo wayotola ekundji awo,
Ku atshina awo wayunyukwama.
5Asi Etiyopiya, asi Puta, asi Luda, asi Arabiya tshe, la asi Libiya, la wedja tshe wadingi, wayudiakema kame la wo la yombo.
6Latuyalaka kata okone ati:
Ekimanyidi wʼasi Edjibitu wayudiakema,
La utaku a wulu awo wayushila.
Uma la Mingidolo pulu la Siyene
wayudiakema la yombo,
Mbata Khumadiondjo Latuyalaka.
7Vo wayulanyema lʼatei a wedja
wakawalanya.
Esumba awo wayulanyema
Uku akawalanya esumba ekina.
8Ku vo wayulimbitela vati: Dimi keli
Latuyalaka,
Lamʼayumohetsha dja lʼEdjibitu,
Ndu lamʼayumushila ekimanyidi awo
tshe ushiki.
9Lushi loso dimi layutuma akendji ami lu mashua dia mbuʼsha asi Etiyopiya woma. Sasi diayuyala le wo uku aki lushi lʼEdjibitu, ne dia akambu aso wayuyala.
10Khumadiondjo Latuyalaka kata ati:
Dimi layushisha antu efula lu Edjibitu,
Lu lunya la Nebukadineza, khumʼekanga
ka Babilona.
11Ndi la wudja andi,
La akanga a ngala lʼatei a wedja,
Wayutumama dia nanya kete.
Vo wayosomola tombo tawo dia
ndosha Edjibitu,
Ku kete yayulula too la edu wʼantu
wayudiakema.
12Dimi layumia tokoko;
Layukimo wudja lu anya wʼantu wa
kolo.
Dimi layulanya kete la diango dieli
loko
Lu anya wʼangendangenda;
Dimi Latuyalaka kata.
13Khumadiondjo Latuyalaka kata ati:
Dimi layulanya dikishi, layunya
difanelu uma lu Memifisi
Nduku khumʼekanga kayuyala lʼEdjibitu
ntu.
Dimi layutshulula ududu wa kele kami
Lu kete ya Edjibitu.
14Dimi layulanya Paterose,
Layutshumba Zoana dja,
Layulumbuya Tebese.
15Dimi layutshulula kele kami lu
Pelusiyume,
Usumba a wulu wa Edjibitu.
Dimi layudiaka ului wʼantu wa lu
Tebese.
16Dimi layutshumba Edjibitu la dja
Pelusiyume ayuyala la okei a wulu;
Peli dia Tebese diayutshikala hwe hwe.
Peli diawo diayunyukwama.
17Elongo wʼapami wʼasi One
La wʼasi Pi-Besite wayudiakema la
yombo,
Ku amantu wayotolama lu fumbi.
18Yanyi yayuyala udjima lu Tehafinehese,
Lamʼayumuhimbula lokoho la Edjibitu,
Ku utaku a wulu awo wayushila.
Dingi diayukumba Tehafinehese,
Ku anʼawo wʼamantu wayotolama lu
fumbi.
19Dimi layulumbuya wa lʼEdjibitu,
Ku vo wayulimbitela vati: Dimi keli
Latuyalaka.
20Lʼeleku ka dikumi la otoi, lu nshi esambeli, la ngondo ka ntundu, diui dia Latuyalaka diakayi le mi ati: 21Onʼa untu, dimi lakokola lunya la Farayo, khumʼekanga ka Edjibitu. Enda, lo latalongoswama, wataludji ukanga dia lo nkono, watalombe dihondo, dia lo ndjala la wulu wa nkimela yombo. 22Diako mbata Khumadiondjo Latuyalaka ati: Enda, dimi layendana la Farayo, khumʼekanga ka Edjibitu. Dimi layuwokola anya ako ahendi: lono leki la wulu ndu lone lakoko. Ku dimi layukusha yombo uma lu lunya landi. 23Dimi layuhandjula asi Edjibitu lʼatei a wedja, layuwadianganya lu kete tshe. 24Dimi layukikitsha anya wa khumʼekanga ka Babilona, layukitsha yombo yami lu lunya landi. Dimi layokola anya wa Farayo, ku ndi ayukhuma akhumu la ntundu kandi uku akhumu wʼuntu lakahumwi, layanga mvo. 25Dimi layukikitsha anya wa khumʼekanga ka Babilona, ku anya wa Farayo wayola. Ku vo wayulimbitela vati: Dimi keli Latuyalaka, lamʼayumudja yombo yami lu lunya la khumʼekanga ka Babilona. Ku yo yayukalula dia ndosha kete ya Edjibitu. 26Dimi layuhandjula asi Edjibitu lu wedja, layadianganya lu kete. Ku vo wayulimbitela vati: Dimi keli Latuyalaka.
Currently Selected:
Ezekiyele 30: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
