Ezekiyele 29

Watelu wʼAkambu Wahatayi lu Dikambu Dia Edjibitu

1Lʼeleku ka dikumi, lu lushi la dikumilʼahendila ngondo ka dikumi, diui dia Latuyalaka diakayi le mi ntu ati: 2Onʼa untu, edia ashu aye utsha lu Farayo, khumʼekanga ka Edjibitu. Uti akambu wahatayi lu dikambu diandi ndu lu dikambu diʼasi Edjibitu#29:2 Is. 19:1-25; Jer. 46:2-26. tshe. 3Uwateli wati: Khumadiondjo Latuyalaka kata ati:

Enda, dimi layendana la ye,

We Farayo, khumʼekanga ka Edjibitu,

Shimiamba latetamaka lʼatei a ndjali

yato,

Latutaka ati: Ndjali kami hita,

Dimi kakakitungi dikambu diami dime.

4Dimi layudja todi lu manga yaye,

Layotshiya nsi ya lu okedi aye lu

akamba aye.

Dimi layukutundja uma lʼekedi aye,

Kame la nsi tshe yeli loko lu akamba aye.

5Dimi layukukadja lʼusui wa shenga,

We la nsi tshe ya lu ekedi aye.

We ayoko lʼusui wa hwe.

We hembama kana nkhundema.

Dimi lambukukimo dia we ndjala engo

ka nde

Ka nyama ya la kete la fudu ya

lʼulungu.

6Ku asi Edjibitu tshe wayulimbitela vati: Dimi keli Latuyalaka, ne dia vo waki uku ohehela wa sopo#29:6 Is. 36:6. le khumbu ka Isariyele. 7Lamʼakawakundi lu anya, we akahoso, ku we akokola aheka awo tshe. Lamʼakawakekama, we akayatshatsha, ndu akadidimia ashu awo tshe wʼe-kongo. 8Okone Khumadiondjo Latuyalaka kata ati: Enda, dimi lutsha nkutumela yombo, dia nshila antu la nyama yeli lʼatei aye ushiki. 9Kete ya Edjibitu yayuyala tongo la shenga tshu. Ku vo wayeya vati: Dimi keli Latuyalaka.

Ne dia we kakati wati: Nile kami hita keto, dimi kakakitungi. 10Okone dimi layendana la ye, we la ndiali yaye. Layete kete ya Edjibitu shenga la atongo atu, uma la Mingidolo pulu ndu la Siyene, edja ndu lʼulelu wa Etiyopiya. 11Nduku na diʼuntu kuyanga dia nyama diayenema leko; nduku untu layutshikala leko edja ndu enonyi akumi anei. 12Dimi layete kete ya Edjibitu tongo tu lʼatei a kete yeli atongo. Esumba awo wayuyala atongo atu enonyi akumi anei lʼatei wʼesumba wakawalanya. Dimi layudianganya asi Edjibitu lʼatei a wedja, layahandjula lu kete tshe.

13Khumadiondjo Latuyalaka kata ati: Lʼokongo wa enonyi akumi anei, dimi layusanganya asi Edjibitu uma lʼatei a wedja wakamadianganya. 14Dimi layukaluya fumbi ya Edjibitu, layakaluya lu kete ya Paterose, lu kete yakawuto. Vo wayutuyala diulelu dia tshitshe leko. 15Vo wayuyala diulelu diuleki tshitshe, hawuyala ladiku dia wedja ekina. Dimi layakitshakitsha diaha vo mbulela wedja. 16Vo hawuyala la ekamelu ntu le khumbu ka Isariyele, hawuwauhula kolo kawo lamʼayuwukalula dia mbakimanyia. Ku vo wayeya vati: Dimi keli Khumadiondjo Latuyalaka.

17Lʼeleku kʼakumi ahendi lʼesambeli, lu lushi la ntundu la ngondo, diui dia Latuyalaka diakayi le mi ntu ati: 18Onʼa untu, Nebukadineza, khumʼekanga ka Babilona, akakambia alimbi andi ulimu a wulu dia ndosha Tura: ete awo tshe awandji atu, la aheka awo tshe puta tshu. Ndi la alimbi andi kombosa nduku engo uma la Tura lʼulimu wakawatshi dia mbalosha. 19Diako mbata Khumadiondjo Latuyalaka ati: Nyulungi, dimi layukimo kete ya Edjibitu le Nebukadineza, khumʼekanga ka Babilona. Ndi ayotola ekundji, ayahotola diango lohotola, ayumba diango diawo; oso ayuyala difutu diʼalimbi andi. 20Dimi lambuwusha kete ya Edjibitu uku difutu diʼulimu wakandatshi dia ndosha Tura, ne dia vo wakankambela ulimu, mbata Khumadiondjo Latuyalaka.

21Lu lushi loso, dimi layusha khumbu ka Isariyele wulu, layukudihula unyo lʼatei awo; ku vo wayeya vati: Dimi keli Latuyalaka.

Currently Selected:

Ezekiyele 29: TLL

Highlight

Copy

Compare