Ezekiyele 24

Wela wa Puki Kadodo

1Lʼeleku ka divwa, lu lushi la dikumi la ngondo ka dikumi, diui dia Latuyalaka diakayi le mi ati: 2Onʼa untu, ufundi lu dikambu dia lushi lʼelo lone wati: Khumʼekanga ka Babilona ambudinga Jerusalema#24:2 2 Khum. 25:1; Jer. 52:4. elo. 3Uki khumbu kʼatomboki kene wela wati: Khumadiondjo Latuyalaka kata ati:

Nyahe puki ka wuki, nyukiahe, nyudji

ndu ashi loko.

4Nyudji funda loko, funda tshe yʼololo,

Elemba ka lukulu la ka lunya,

Nyukiludia la weka wʼololo.

5Nyosonole okoko wuleki dimena,

Nyudji kunyi efula lʼesi a puki,

Nyukati wulu, weka wahilo ololo.

6Khumadiondjo Latuyalaka kata okone ati: Mananu kayali le usumba one wa dikila, mananu kayali le puki keli la matadi, kako kakamo matadi! Utundja funda la funda, aha ndjisonola, 7ne dia dikila diakawatshulula dieko lʼatei awo, wakaditshulula ladiku diʼave, vo ludi-tshulula la kete dia difu ditshu. 8Dimi lakakitsha dikila diakawatshulula ladiku dia dive diaha dio nkumkama la ditshu, dia nfudia kele kami, dia dimi mbasomboya. 9Diako mbata Khumadiondjo Latuyalaka ati: Mananu kayali lʼusumba wa dikila! Dimi layete diwenga wuki. 10Nyufudia kunyi, nyohetsha dja wulu, nyesha emunyi ololo, nyukukiushi, nyu-lunguya weka. 11Lʼokongo diku, nyahe puki kako hwe, dia to mpeta wulu, dia ohotela ato mpetaheta wulu, dia diango dia mindu ndelo lʼatei, ndu dia matadi ato nungula. 12To kakahetaka wulu, keli matadi kumumo uma loko la dja. 13Matadi ako mbeli mindu ka kolo kaye. Dimi lakalangi nkiedia, keli we kombediama uma lu mindu ka kolo yaye. We hediama ntu uma lu mindu kaye edja ndu lamʼayumunduya ududu ami le ye. 14Dimi Latuyalaka lambuta diui, dio diayushidiyama. Dimi layuditsha; dimi haka-dimo, halukuka ketshi, halembe utema. Vo wayukulumbuya uku aki lokewo laye, ndu ditshelu diaye, mbata Khumadiondjo Latuyalaka.

Nyoi ka Wadi a Ezekiyele

15Diui dia Latuyalaka diakayi le mi ati: 16Onʼa untu, enda, dimi lutsha mbosa one lulekiye nanga shashimuya, keli tukhumaki akhumu, tulelaki kuyanga nkedia asoi. 17Ukhumi akhumu, uleli, tutshelaki one lambuvo utanda. Udji lufule lʼote, olote sabata lʼekulu aye, tukambaki ulimu aye, tolekaki ma diʼutanda. 18Okone dimi lakasawula lʼantu la pi-ndju, ku la dikolo wademi akavu. La wedi a pindju, dimi lakatshi uku aka-mvutela Latuyalaka.

19Ku antu wakamumbula vati: We hutumanya akambu watshaye lu dikambu diasufundu? 20Ku dimi lakawatela nti: Diui dia Latuyalaka diakayi le mi ati: 21Uteli khumbu ka Isariyele wati: Khumadiondjo Latuyalaka kata ati: Nyendi, dimi lutsha nanya etemwelo kami, utaku a wulu anyu, kene kulekinyu nanga, la kene kukanyu ketshi. Anʼanyu wʼapami la anʼanyu wʼamantu wakanyatshiki lʼokongo, wayudiakema la yombo. 22Kanyutshi uku akamatshi, kanyukambaki elimu; tanyoleki ma diʼutanda. 23Nyudji fule lʼete, nyolote sabata lʼekulu, tanyutundoki lʼalelu kuyanga ndela. Keli kanyukhumaki akhumu okoke lu kolo yanyu, kanyukhumanelaki akhumu one le unyandi, one le unyandi. 24Ukuku mbayuyala Ezekiyele djimbitelu le nvu uku akandatshi lu akambu tshe, mbayunyutsha ndu nyu. Lamʼayuyala akambu ane, nyu nyayeya nyati: Dimi keli Khumadiondjo Latuyalaka.

25Onʼa untu, lushi layuyala, lamʼayumunya wulu awo, ongenongeno wa lutumbu lawo, engo kulekiwo nanga, engo kukawo ketshi, ndu anʼawo wʼapami la anʼawo wʼamantu. 26Lushi lako, one layuhanda, ayuya le ye dia ndjukusanyia akambu aso tshe. 27Lʼetena kako, unyo aye ayudiho le one lakahandi. Ku we ayoteketa, aha ndjala kanga lumi ntu. Osoku mbayuyuyala ndjimbitelu, ku vo wayeya vati: Dimi keli Latuyalaka.

Currently Selected:

Ezekiyele 24: TLL

Highlight

Copy

Compare