Ezekiyele 22

Kolo ya Jerusalema

1Diui dia Latuyalaka diakayi le mi ati: 2We onʼa untu, we ayulumbuya, ayulumbuya usumba one wa dikila? Ulimbitshiya akambu awo tshe wa wononyi. 3Kuti wati: Khumadiondjo Latuyalaka kata ati: Etena ka numbuya usumba watutshululaka dikila kambukuka! Etena ka numbuya usumba watuyatshelaka dikishi dia ndjasanya kambukuka! 4Nyu asi usumba nyambuyala la unungu lu dikila diakanyatshulula, nyumbusana la dikishi diakanyaselela. Nyu nyambusukanya nshi yanyu, nyambukuma lʼekumelu ka deku dianyu. Diako mbamumunyete engo ka dionyo lʼatei a wedja, engo ka losoko lʼatei wa beke tshe. 5Waku weli lasuki, ndu waku weli etali uma le nyu, wayunyosoka, nyu wane wuleki kolo ndu wuludi too la lundju.

6Nyuki nyu ewandji tshe wa Isariyele, untu lʼuntu, uku wulu andi, akakikitsha utema dia ntshulula dikila; 7watonyolaka washewo la anyengewo,#22:7 Etum. 20:12; Euh. 5:16. watusuyaka angendangenda, watutshelaka ana wa ditshiki la wadi waki edu kolo lʼatei anyu.#22:7 Etum. 22:21-22; Euh. 24:17. 8Nyu nyatonyolaka diango diami diʼekila, nyatulanyaka nshi yami ya mumuya.#22:8 Lew. 19:30; 26:2. 9Antu amotshi weko lʼatei anyu watumanyiaka akina dia ntshulula dikila, watolekaka mbu ya nde lʼete wʼekungu, watutshaka akambu wa sonyi lʼatei anyu. 10Vo wakenyi etakataka a washewo, wakasuwula umuntu lʼetena kenandi dikila. 11Omotshi akatshi dikambu dia wononyi la wadi a unyandi; ukina la olokai andi; ukina akasuwula kadiyandi, lakuto la ndi shewo otoi.#22:11 Lew. 18:7-20. 12Vo watulungulaka weedi#22:12 Etum. 23:8; Euh. 16:19. dia ntshulula dikila lʼatei anyu. Nyu nya-tulungulaka osombelo#22:12 Etum. 22:25; Lew. 25:36-37; Euh. 23:19. la waho. Nyu nyatongonaka lu diango diatunyohotolaka anyanyu la wulu, nyu nyatumbuhelaka, mbata Khumadiondjo Latuyalaka.

13Okone dimi lakahumi shole dikambu dia ongonyi wambunyuyala la wo uma lu diango diakanyahotola lohotola, ndu lu dikambu dia dikila diakanyutshulula lʼatei anyu. 14Undi, etemʼanyu wayeya ntshikala la dihunga, la anya anyu ntshikala la wulu lʼetena kayumunyulumbuya? Dimi Latuyalaka lambuta, dimi layutsha. 15Dimi layunyuhandjula lʼatei a wedja tshe, layunyudianganya lʼatei a waulelu; dimi layutundja kolo yanyu lʼatei anyu. 16Nyu nyame nyayuyasanya lʼatei anyu, ndu lu ashu wa wedja. Ku nyayeya nyati: Dimi keli Latuyalaka.

17Diui dia Latuyalaka diakayi le mi ati: 18Onʼa untu, khumbu ka Isariyele kambuyala uku akedi lu ashu ami. Vo tshe weli fesa, ohotela, dinyandja, luwulu, udjulu lu khuka ka dja; vo weli akedi wa fesa. 19Diako mbata Khumadiondjo Latuyalaka ati: Ne dia nyu tshe nyambuyala uku akedi, dimi layunyusanganya lʼatei a Jerusalema. 20Uku atuwudjaka fesa, ohotela luwulu, udjulu, la dinyandja lʼatei a khuka ka dja, ndu uku atuwufufaka dja dia dileloia, osoku mbayumunyusanganya lu kele kami ndu lu ududu ami, ku layunyudja loko dia nyolela. 21Dimi layunyusanganya, layunyufufa dja ya ududu ami, ku nyu nyayolelo lʼatei wa Jerusalema. 22Uku atoleloka fesa lʼatei a khuka ka dja, osoku mbayu-nyolelo lʼatei aye Ku nyu nyayeya nyati: Dimi Latuyalaka kambunyutshu-lwela ududu ami.

23Diui dia Latuyalaka diakayi le mi ati: 24Onʼa untu, uteli Jerusalema wati: Nyu nyeli kete yaha pudipudi, yahatolokaka mvula lu lushi lʼududu ami. 25Amvutshi awo weli uku tambwe kadikita, kahatula nyama kundjito. Vo wakali nyumu yawo, wakose ukundji la diango diʼushinga a wulu, wakete amantu efula lʼatei awo wadi waki edu. 26Elo-mbedi wakalanya elembe ami, wakasanya diango diami diʼekila vo kuntshikitanya eneo kʼekila la engo kʼanyanya, kuyanga mbetsha antu dia ntshikitanya engo ka mindu la engo ka pudipudi.#22:26 Lew. 10:10. Vo wakanya ashu awo uma lu nshi yami ya mumuya; dimi lakonywama lʼatei awo. 27Ewandji awo weli uku ndjaundu mbahatula nyama yundjiyo. Vo watutshululaka dikila, watulanyaka nyumu yʼantu dia nkundja ukundji la lukesu. 28Amvutshi awo watumbaka eheli kʼusumba la kete ya wodu. Vo watenaka alo wa kashi, watusakaka awulu wʼanyanya, wata vati: Khumadiondjo Latuyalaka kakati, lamʼakimi, dimi Latuyalaka, kumbatela. 29Antu wa wudja wakasuya antu usuyasuya, wakahotola diango lohotola. Vo wakahenyahenya omenyi fono la uhumbi, wakatshela ongendangenda kolo. 30Dimi lakayangi untu lʼatei awo lukuki mpika eheli la memala lu ushu wʼeheli la ntundu kami lu dikambu dia wudja, ne dia dimi ntukulanya, keli dimi kuntana nduku untu. 31Diako mbayumatshulwela ududu ami. Dimi layashila ushiki la dja ya kele kami. Dimi layukaluya kolo yawo lu ete awo, mbata Khumadiondjo Latuyalaka.

Currently Selected:

Ezekiyele 22: TLL

Highlight

Copy

Compare