Ezekiyele 2

Leta la Ezekiyete

1Ndi akamvutela ati: Onʼa untu, emala lʼekulu aye keli ntekete la ye. 2Kamʼakandateketaka la mi, Nyuma ka Unyashungu akambahema, akamemadia. Ku dimi lakuki aui wa one lakateketaka la mi. 3Ndi akamvutela ati: Onʼa untu, dimi luyanga nkutuma le asi Isariyele, le wudja wʼakanga wʼuhedia wakantombokwela; vo la washewo watumpediaka edja ndu elo kene. 4Antu ako weli atenganyi, ndu akanga wʼetema a wulu. Dimi luyanga nkutuma le wo; kutuwateli wati: Okone mbata Khumadiondjo Latuyalaka. 5Kuyanga vo wayulunga kana hawulunga (ne dia khumbu kʼakanga wʼuhedia kewo), vo wayeya vati: Umvutshi aki lʼatei awo. 6We onʼa untu, tuwaukaki woma, tukaki aui awo woma, kuyanga adungu la atende weko lasuki la ye, kuyanga lʼatei a kutu kudjashiye. Tukaki aui awo woma, tusakaki lukumba, ne dia waendelu awo, ne dia khumbu kʼatomboki kewo. 7Kutuwateli aui ami, kuyanga vo hawulunga kana wayulunga, ne dia atomboki a wulu mbewo.

8Keli we onʼa untu, ulungi aui wakutelami, tontombokwelaki uku atutshaka khumbu kene kʼakanga wʼuhedia. Ase unyo, uli kene kalangami nkusha. 9Lamʼakamendaka, menyi ku lunya lone layasimbo uya le mi, lukimedi wombo wa buku. 10Ndi akawombola la ntundu kami; ku vo wakafundama wedi la wedi;#2:10 Eny. 5:1. alelu, tukuku, la mananu wakafundama loko.

Currently Selected:

Ezekiyele 2: TLL

Highlight

Copy

Compare