Ezekiyele 1

Enelo ka Lutumbu la Unyashungu

1Lʼeleku kʼakumi asatu, lu lushi la tanu la ngondo ka nei lamʼakimi lʼatei a fumbi lʼumamu wʼokedi wa Kebara, ulungu akadiho,#1:1 Eny. 19:11. ku dimi lakenyi waenelo wa Unyashungu. 2Lu lushi la tanu la ngondo kako (oso aki lu eleku ka tanu ka esekwelo ka khumʼekanga Jehoyakina),#1:2 2 Khum. 24:10-16; 2 Ek. 36:9-10. 3diui dia Latuyalaka diakayi le olombedi Ezekiyele, onʼa Buzi, lʼumamu wʼokedi wa Kebara, lu kete ya Kaladiya. Lunya la Latuyalaka lakawahema leko.

4Lamʼakamendaka, menyi ku lopepe la wulu lone layapepe, dingi dia wuki la angadimu wa ndjadi wayangadimo uma loko, uma lu leke la ngelʼa kushi, ku utshimba tshe wakayala usasi utu, ndu dja yakatumbaka uma lʼatei uku ohotela wayahete wulu. 5Uma lʼatei a dingi kakatumbi difanelu dia nyama nyei,#1:5 Eny. 4:6. yakafani lʼuntu. 6Dio tshe otoi la otoi aki la dundji nei, la dio tshe diaki la ahafu anei anei. 7Ekulu adio wakasimbo too; lʼesi akaka adio aki uku lʼesi akaka wa ana wa ngombe, ku akaka ako waki ngaingai uku ohotela wa pudipudi. 8Dio diaki la anya wufanyi la anya wʼuntu la tshina dia ahafu adio lu wedi ako enei. Dundji la ahafu wa difanelu diako nei waki okone: 9ahafu adio wakasamana. Difanelu diako tshe diakatatshokaka usimbwi utsha la ntundu; dio kunkadimo lamʼakadiatatshokaka. 10Difanelu dia dundji diawo diako okone: dio tshe otoi lʼotoi aki la elundji kufanyi la elundji kʼuntu, dio nei otoi lʼotoi aki la elundji kufanyi la elundji ka tambwe lu lunya la pami; dio nei otoi la otoi aki la elundji kufanyi la elundji ka ngombe lu lunya la lomoso; dio nei otoi lʼotoi aki ndu la elundji kufanyi la elundji ka pungu.#1:10 Ezek. 10:14; Eny. 4:7. 11Osoku mbaki dundji diadio. Ahafu adio wakasimbemadi ladiku diadio tshe; otoi lʼotoi aki la ahafu ahendi wakasamanyi la ahafu wa anyadio; ahafu ahendi ahendi wakakumbi alimba adio. 12Dio tshe otoi lʼotoi akatakendakendaka usimbwi utsha la ntundu. Dio diakatatshokaka lene akatatshokaka nyuma; dio kunkadimo lamʼakadiatatshokaka. 13Lʼatei a difanelu diako nei kaki engo kemotshi kufanyi la akalanga wa dja, kakahetaka uku tufuki ta dja#1:13 Eny. 4:5. lʼatei a difanelu diako. Dja yakahetaka wulu, yakafumbofumboka sasi. 14Difanelu diako diakalawoka, diakakalulaka uku dingadimo dia ndjadi.

15Lamʼakamendaka difanelu dia nyama diako, dimi lakenyi etshimbi lu kete lasuki la dio, utshimbi otoi lu dikambu dia efanelu la efanelu. 16Etshimbi ako la elimu wakatshama loko, wakafani lʼave wʼendondo wa ngaingai. Etshimbi ako enei waki pupu; vo wakatshama uku utshimbi lʼatei wʼutshimbi ukina. 17Lamʼakawunela, vo wakeyi ntsho utsha lu beke nei, vo konsekoseko lamʼakawunelaka. 18Etshimbedi kʼetshimbi kaki wuki wa mamba. Etshimbedi kʼetshimbi ako enei waki la ashu lʼutshimba tshe.#1:18 Eny. 4:8. 19Lamʼakunela difanelu diako, etshimbi wakunelaka kame la dio. Lamʼakambelaka difanelu uma la kete ndu etshimbi wakambelaka. 20Dio diakatatshokaka lene akatatshokaka nyuma, etshimbi wakediama lasuki la dio, ne dia nyuma kaki lʼetshimbi. 21Lamʼakakendakendaka difanelu, etshimbi wakakendakendaka; la-mʼakemalaka difanelu, etshimbi wakemalaka; lamʼakambelaka difanelu uma lu kete, etshimbi wakambelaka kame la dio, ne dia nyuma aki lʼetshimbi.#1:21 Ezek. 10:9-13.

22Ladiku diʼete adio kaki efanelu kʼulungu, ngaingai ka mamba#1:22 Eny. 4:6. kakakumbami ladiku dia ete adio. 23Lʼesi efanelu kʼulungu, ahafu adio wakasimbemadi: dimotshi utsha le unyandi, dimotshi utsha le unyandi; la efanelu la efanelu kaki la ahafu ahendi wakakikumbi. 24Lamʼakadiatatshokaka, dimi lakuki luhelu lʼahafu adio uku luhelu lʼashi a waki,#1:24 Eny. 1:4-15; 19:6. uku diui dia Kanga-Wulu-Tshe. Luhelu lako laki uku lufungusu lʼului wʼalimbi. Lamʼakadiemala, dio diakakitshakitsha ahafu adio. 25Diui diakayi uma lʼefanelu kʼulungu kaki ladiku diʼete adio. Lamʼa-kadiemalaka, dio diakakitshakitsha ahafu adio.

26Enelo ka kiti ka diulelu kaki ladiku dia efanelu ka lʼulungu, kaki ladiku diʼete adio. Kiti kako kakafanyi la dive diʼudima. Ndu ladiku dia efanelu ka kiti ka diulelu kaki efanelu kʼuntu.#1:26 Ezek. 10:1; Eny. 4:2-3. 27Dimi lakenyi ohotela wangadimo uku efanelu ka dja lʼutshimba tshe, uma lu lukindi lʼuntu ako utsha ladiku. Uma lu lukindi landi utsha lʼesi, dimi lakenyi efanelu ka dja, ku yo yakahetaka lʼutshimba andi tshe.#1:27 Ezek. 8:2. 28Usasi wa lʼutshimba andi wakafanyi la usasi wa ngulu katenamaka lu wangi lu nshi ya mvula. Osoku mbaki efanelu ka lutumbu la Latuyalaka. Lamʼakamenyi enelo kene, dimi lakako ekhukhumadi la kete, ku lakuki diui dia one lakateketaka.

Currently Selected:

Ezekiyele 1: TLL

Highlight

Copy

Compare