Rom 5
5
1Im popōwo umagkū kos ōvun tanepo ugi tavniri, aremī ko kel umpi irant nĭnparta eni Nōbū ugi Iesū Kristo Novsūromon enugkos; 2mugi iyi ko kel lentorĭmpe ugi tavniri ra itemas mori ko kel evī, memavos memtavetūwi ugi nilasilaswi eni Nōbū. 3Im tawi imo wokon, kō aremi ko kel lenavos ūg norĭgumpūnū enugkos, popōwo ko kem lagkili ma norĭgumpūnū umnumpi nemolsep: 4ĭm nemolsep nokili; ĭm nokili tevetūwi nakiugi: 5ĭm tawi otū ampī narumprum ugi tevetūwi; popōwo nowant ūmovwarugi naviat eni Nōbū ugi Naviat Tumpora dūmūvugkos. 6Popōwo pol sugkū kos kem leti ōvun netromoro itnesog Krĭstō yimas, ra nempugon dūmūnūwi ugi, nisekonda ōvun narekisat. 7Tawi sī umagkū iyi amas woretampenum iran neteme mori tanepo netevani isen: kō nĭgī nisekon neteme aremī nugkon sī ontapmi woreti nemas woresitū iran. 8Kō Nōbū yemsesi nilentugi isen iyi pugkos, memagkū (ugi imo), pol sugkū kos kem leti ōvun narekisat, Krĭstō yimas nisekont. 9Im ĭtnesog sugkū, nagku marima kos ōvun tanepo popōwo ugi de isen, anti semsempari irant marugi naraki eni Nōbū ugi iyi. 10Im nagku, pol sugkū kos kem leti novsin nakan, yetin toro kos pugi Nōbū ugi nemas eni Netni isen, mōmūgo sugkū, nagkū yemtoro kos, wumkosēyōwara ugi nomurep isen; 11ĭm tawi imo wokon, kō kos kem linavos ra Nōbū ugi Iesū Krĭstō Novsūromon soret, mori kos kem levī marugi iyi mori imo nemolsep (tovūne Nōbū).
12Im popōwo pe sugkū, nemas yivelum ra nemap ugi neteme siteven, ĭm nemas popōwo ugi sat; ĭm sugkū, nemas yemekopelĭgi ōveteme omwisū, popōwo omwisū dūmumpi sat:—popōwo mafeli nam alam sat yemeti ra nemap: 13kō otū asepi sat nagkū tawi nam alam. 14Kō nemas yimne mafeli ra Adam mafeli ra Moses, miranda mori sugkū dūtū umpi sat sugkū sendoi ye eni Adam, mori sī safi eni iyi dūmokū ampelum. 15Kō tawi sugkū sat mori, sugkū Itemas paū. Pot nagku ugi sat eni neteme siteven dūmas ōveteme sikat, mōmūgo tamas ĭtemas paū eni Nōbū ĭm nelintugi ugi ĭtemas paū eni neteme siteven, Iesū Krĭstō, okampelĭgi iranda ōveteme sikat. 16Im tawi sugkū ugi neteme sīteven yemumpi sat, sugkū yivelum ĭtemas paū: popōwo nūrian yivelum ugi neteme sīteven pugi noworepatevi, kō itemas paū yivelum ugi sat sū sikat ma otū onūrian. 17Pot nagku, ugi sat eni sī, yemyetĭndowi nemas popōwo ugi sī; mōmūgo nisekonda umampi ĭtemas paū horog ĭm ĭtemas paū tanepo ugi wamūrep aremi ugi sī, mori Iesū Krĭstō. 18Popōwo pe sugkū ugi sat siteven nūrian yivelum iranda ōveteme omwisū tcvūne nowarepatevi; ĭm sugkū ugi numpūrak sĭteven tanepoves ĭtemas paū yivelum pun ora oveteme omwisū tovūne tanepoves ra nomurep. 19Im popōwo ugi sendoeke eni neteme sīteven satĭndi yemekopelĭgi oveteme sikat, ĭm sugkū ugi nalekoleki eni neteme sīteven wanti tanepo ōveteme sikat. 20Im nam alam yivelum, ma sat ante sikat; kō yei sat yemtandamsah, ĭtemas pau mōmū tamas nusian: 21ma sugkū sat yemtantevakepe ra nemas sugkū ontantevakepe itemas paū ugi tanepoves nomurep ūbrūni ra Iesū Krĭsto Novsuromon enugkos.
Currently Selected:
Rom 5: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
