Rom 6
6
1Ko kel anūwi sie? Ko kel antindowi ra sat, ma ante nusian nelintugi? Eyitawi sugkū. 2Nagkū sat yimas ūndū kos, kos kel antĭndowi mōmū iran nokowo? 3Kū kūmūtū kili kĭmi ma nugkon ra kos mori dūmūbaptiso iranda ra Iesū Krĭstō dūmubaptiso iranda ra nemas isen? 4Dūmūteneme kos ra baptisma irant ra nemas: ma sugkū yemevsorasah marugi nemas ugi nilasewi eni Itemen, kos sugkū ko kel avan ra nomūrep ĭtevaū. 5Im nagkū kos siteven ūndū iyi ugi safi nemas isen, 6ko kel ante sugkū ugi safi nevsorasah isen; kos kem lagkili imo, ma nōwant nugkugko etūwi yimas ūndū iyi ra ne ūmparum, ma ampia nowan sat, ma kos keletū onelivsaū mōmū ra sat; 7popōwo iyi mori yimas otin sūli marugi sat. 8Im nagkū kos kĭm lamas ūndū Krĭstō, kos kĭm lentavnirĭgi ma kos kel amūrep ūndū iyi sugkū; 9ĭm kos kĭm lagkili ma Krĭsto yevsorasah marugi nemas ĭm popōwo iyi otū amas mōmū; nemas otū ontantevakepe mōmū iran. 10Nemas mori yemumpi, yemumpi nempugon siteven ugi sat: kō nomūrep mori iyi umnumpi, iyi umnumpi pugi Nōbū. 11Popōwo pe sugkū ūtokū kĭmi kwante mōmū ra sat, kō wamūrep pugi Nōbū ra Iesū Krĭstō. 12Popōwo pe otū antindowi sat ra nokolisirami, ma kwanalekoleki kĭmi ōvun nilassĭvian isen: 13ūtū tĭnepe ōvun nugkon nokolisirami pugi sat woreti nūrah nimsin netūtanepo; kō ūtĭnepe kĭmi pugi Nōbū, sugkū nomūrep marugi nemas, ĭm ōvun nivlugkon nokolisirami woreti nūrah nĭsin ra tanepo pugi Nōbū. 14Im sat otū onarisah irami: popōwo kĭmi tawi ra mumpon nam alam, kō ra mumpon itemas isen Nōbū.
15Kūmagkū sie? kos kel umpi sat, popōwo kos tawi ra mumpon nam alam, kō ra mumpon ĭtemas eni Nōbū? Eyi, tawi sugkū. 16Kūmūtūkili kĭmi ma mē mori kimi kūmūtinepe kĭmi pugi woreti ōvun lĭvsaū isen ugi nalekoleki, kūmūte kĭmi ōvun lĭvsaū isen mori kĭmi kūmalekoleki; nagkū ra sat pugi nemas, kū pe ugi Malekoleki pugi tanepoves? Kō kompalugi ra Nōbū, ma popōwo pol 17sugkū kūmūte ōvun lĭvsaū ra sat, kūmūvī umnalekoleki ūnōwami netevarū nam tavsogi mori dūmūtipe kĭmi ugi; ĭm polekū dūmūfiorekūm marugi sat, 18kūmūte ōvun livsaū ra tanepoves. 19Yakum manūwi sugkū netevarū neteme popōwo ugi netromoro ra nokolisirami popōwo pe kĭmi kūtĭnepe ōvun nivlugkon nokolisirami wotrelĭvsaū ra nililūo ĭm ra sendoikie pugi sendoikie, sugkū marima aremi ūtĭnepe ōvun nĭvlugkon enugkimi omwisū worelĭvsaū ra tanepoves ma wanti aremī ugi. 20Pol sugkū kūmūte (ugi nakīugi enugkimi) ōvun lĭvsaū ra sat, kĭmi kūmūtūte ra mumpon tanepoves (popōwo tawi nakīugi enugkimi). 21Sie novwan kūmūvī ra nempugon mori ra siame mori marima kĭmi kūm narumprum ugi? popōwo itnesog nipmi imo siame oti nemas ra sokomulep indowi. 22Kō marima popōwo dūmū tĭnepe kĭmi marugi sat, ĭm kūmūte ōvun lĭvsau eni Nōbū, kūmūvī novwan mori umnumpi aremī ugi, ĭm ra nisah nomūrep ūbrūni. 23Popōwo nipmi sat oti nemas; kō ĭtemas paū eni Nōbū oti nomūrep ūbrūni ra Iesū Krĭsto Novsūromon enugkos.
Currently Selected:
Rom 6: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
