Rom 4
4
1Tie mōmū ko kelanūwi ugi, ma Ebraham itement, ra netevarū ugi nokolisiran, yivi? 2Pot nagkū Ebraham yeti tanepo ugi nalekoleki nam alam, umante tovuni narigi eni ugi; kō tawi ūnipmi eni Nōbū. 3Umagkū sie netiyi yemetiyi ugi imo? Im Ebraham yemtavniri iran Nōbū, dūmokū iyi yeti tanepo ugi imo. 4Kō otū magkō nipmi itemas nisekon iyi mori umnalekoleki nam alam, kō sugkū yetū tampenĭgi. 5Kō iyi mori otū umpi sugkū nam alam, kō umentavnirigi iran iyi mori umnumpi tanepo ōvun narekisat ūmagkū tavniri isen umnumpi iyi tanepo ugi. 6Sugkū Dēvid yemenūwi ōvun nevieves iran iyi mori, Nōbū yemokū ugi tanepo, 7ĭm tawi ugi nesitū nam alam, yemokū,
Nevieves irora mori otū menūrian satindi enirora,
Im irora ūm eyekoieki sat sū enirora.
8Nevīēves iyi mori Iēhōva otū anūwi iran, ugi satindi isen.
9Umanūwi imo nevieves iranda wokon dūmūmpi namon iranda, kū umanūwi iranda sugkū mori dūtū vī namon iranda? popōwo ka kĭm lanūwi ĭm lagkū, Dūmokū ugi tavniri eni Ebraham memagkū tanepo nisekon. 10Im nokowo im nigĭ dūmokū iyi tanepo ugi? pol sugkū yivi namon iran, kū nimpugon pol sugkū yetū vī namon iran? Tawi pol sugkū yeti ugi namon iran, kō pol sugkū tawi namon iran: ĭm yivi numpi namon iran sugkū safi, 11worumpi ūnam tanepoves ugi tavniri isen ra nimpugon yetū vī surkumsisen: ma iyi ante itemenda omwisū dūtū vī surkumsisen, kō dūmū tavnirĭgi; 12ma wanūwi memagkū nogko netevarū enirora, ĭm itemenda surkumsisen pun Ora mori ōvun surkumsisen, kō ūmnavan ra nampon ra tavniri mori isen Ebraham itement yemete isen pol sugkū tawi surkumsisen iran. 13Popōwo dūtūnūwi pugi Ebraham, kū pun ora ōvun novsen isen, ma imo ante isen popōwo ugi nam alam, kō ugi tanepoves eni tavniri. 14Popōwo nagkū isenda mori ūmentasūwĭ ra nam alam, umnumpi tavniri nam wokon, ĭm otū nekompelĭgi nam ūpmūnūwi. 15Popōwo nam alam umnumpi nūrian; kō yei tawi nam alam, tawi nareki nam alam. 16Popōwo pe ĭt enirora ugi tavniri, ma ante sugkū, ĭtemas; ma sugkū nievūwos ante unam pun ora ōvun novsen omwisū; tawi pun ora wokon ūmentesūwi ra nam alam, kō pun ora sugkū mori dūmūvī tavniri sugkū tavniri isen Ebraham, 17mori ĭtemen enugkos omwisū (sugkū dūmūtĭyi, Ya kumpi kĭk ĭtemenda ōvun lō sikat) ūnĭpmi eni mori yetūnūwi iran, iyi Nōbū, mori umnumpi nomurep ōvun nemas, mō menūwi nam ugi siame umanteumpeni sugkū nagkū dūrnūvī ateumpeni. 18Iyi mori yematekisah mimtavnirĭgi isūtitūgo ugi nakiugi isen, ma iyi ante ĭtemenda ōvun lō sikat, sugkū dūmūtīyi ugi memokū, Ante sugkū novsen sorum. 19Iyi yemo kili ma nokolisiran tawi torugat kō imo yeti faneteme worumpi netromoro tavniri eni (yeti nevisū iran sugkū wan hunder) kū ugi Sēra, ma iyi yetū umlat kō yemtavetūwi nam nievūwoe eni Nōbū, 20yeti tavrivri ugi netū tavnirigi, kō popōwo ugi tavniri yematekisah ugi horog, 21memumpi nilasilaswi iran Nōbū, memokili ves ma iyi faneteme worumpi siame mori yemyeviwos ugi. 22Popōwo pe dūmokū nugko netevani isen popōwo ugi tavniri eni. 23Im dūtūnūwī imo nam nisekon iyi wokon, memokū yeti nugko netevarū isen iyi; 24kō nisekont sugkū, wanūwi magkū nugko netevarū enugkos mori ūmintavniri iran iyi mori yemtori Iesū Novsūromon enugkos marugi nemas, 25iyi mori dūmū tinimpe sokomulep tīwi ugi sat sū enugkos, ĭm dūmūtori marugi nemas ma kos kel et tanepoyes ugi.
Currently Selected:
Rom 4: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
