Rom 12
12
1Im popōwo pe ya umneserugkūm, ravūgsīeme, ugi ōvun nelĭntugi eni Nōbū, memagkū utenimpe nokolisirami, sokowara amūrepwi tumpora, aremī ugi nisekon Nōbū, mori ĭtnesog umante irami worumpi. 2Utūte kĭmi ra netevarū sugkū lō ra nemap: kō ūte kĭmi sī ugi nōwami ĭtevaū, ma kĭmi wagkili tarū eni Nōbū, mori siame aremī ĭm nugko ĭm tanepoves ūnĭpmi eni. 3Im ya amagkū pugkūm kĭmi sū, ugi ĭtemas paū yemovoyaū, woretū tarugi iran iyi ma iyi sī horog momūgo; kō woretarū sugkū tarū nemolsep, sugkū Nōbū yemovunora oveteme sītevengo tavniri. 4Popōwo ĭt sikat nĭvlugkon nokolisiran ra sī irant ĭm irora tawi ugi numpūrak siteven: 5ĭm sugkū kos, kos sikat mori kos sugkū nokolisirant siteven ra Krĭstō, ĭm kos sikat, kō sugkū siteven nisekont kos. 6Im kos kel evī sī ĭm sī sugkū horog ĭm ĭtemas dūmōvugkos, nagkū anūatumpene nam, aremī kos kel anūatumpeni sugkū tavniri enugkos; 7kū torugat torenūwi aremī kos kel enelekavi torugat enugkos ugi natekisah ĭtnesog; kū mē mori tavsogi aremī iyi onatekisah woretavsogi, imo numpūrak isen; 8iyi mori umesuki ves pun ora woreti nowanda, aremi iyi ante mafinte aremī imo numpūrak isen: iyi umnumpi ĭtemas, aremī iyi unumpi ugi nowan ūnisog itnesog; iyi mori umafinte ōveteme sugkū numpūnda, aremī iyi onumpi imo ugi natekisah dan sū; iyi mori umentogesovolora, aremī iyi onumpi imo ugi nowan navosavos. 9Utū elintugi ugi nimpiri. Ukesi sat siame ūr kĭmi, Ute unam ra siame aremī. 10Ufielintugkūm kĭmi sū sugkū ravūgsĭeme; 11mū sesieves irami: ūtūte netromoro ra numpūrak; watekisah ugi ūnowami; mōimtorugat iran Novsuromon; 12ūratevetūwi ugi navosavos; ūte ugi nemolsep ra nesorū norĭgumpūnū; wofwaki ĭndowi; 13ūvun ora ōvun tavniri norumkora; ūte horog kĭmi ugi navūgonora oveteme dan sū. 14Uvīeves iranda mori umnumpi nugkugko irami; ūvīeves, ūtūvīĭndi. 15Wavos dal irora ūmnavosē wageri dal irora ūmnageri. 16Ute ugi tarū siteven pugkūm kĭmi. Utūte neyompeli ugi siame horogsah, kō ūtarū kĭmi ugi siame nemolsep. Utoko kĭmi memagkū kĭmi ōvun nelekon. 17Utū umpi nampon ra sat eni sī neteme pugi. Wumpi mūtarūgi siame aremi ūnemĭnda ōveteme omwisū. 18Nagkū kĭmi faneteme ugi, ūte ugi ninparata dal oveteme omwisū. 19Ravūgsīeme, ūtū umpi nampon ra sat irami, kō ūtaseveōa narakī: popōwo Iehōva yemenūwi memokū, Enyaū naraki; Yaū, ya onūrian. 20Kō nagkū mentemas novsin nakan enugkĭk, avūguni; nagkū umampiumnū, avugi nū woromoneki: popōwo nagkū kwonumpi sugkū kĭmi kwumpi nelintugi tamas aremī iran. 21Utū wantantevakepe sat, kō ūtantevakepe kĭmi ra sat ugi ōvun numpi aremī enugkimi.
Currently Selected:
Rom 12: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
