Rom 13
13
1Aremī oveteme omwisū wosendiokives ōveteme umnare iranda: popōwo ūmante ovatemonok ugi Nōbū wokon; 2ĭm Nōbū yemetipe ōvun horog mōvun lō. Iyi mori umsendoeki ōvun natemonok, umsendoeki nam alam eni Nōbū: ĭm irora mori ūmsendoeki wampī nurian iranda. 3Popōwo ōvun natemonok nurian ūmnūrian ra siame sat, tawi ra siame aremi. Im nagkū kem nakiugi woretūūmtetokonda ōvun natemonok? 4umpi aremī, ĭm kampi narĭgives ugi pe: po pōwo imo sugkū lĭvsaū eni Nōbū worumpi aremī nisekom. Kō nagkū kumpi siame ūr, emtetugi; popōwo ĭt iyi lĭvsaū eni Nōbū, ĭm worumpi nampon ra naraki iran iyi umnumpi ūr. 5Im popōwo pe aremī kwanteteven momandegora kĭmi, tawi popōwo ugi naraki mori, kō popōwo ugi tarūves ūnōwami sugkū. 6Popōwo pe sugkū kwampun ora woresitu; popōwo irora ōvun lĭvsaū eni Nōbū, mirora umentorugat ra imo siame ĭndowi. 7Uvun ora ōveteme sū enirora ugi tanepo: nesitū punora ĭt isenda ugi itnesog nesitū, nugkon ra siame punora sugkū ĭt enirora ugi netevarū; emtetugi iranda ūmagkū kwamtetokonda; sesie pun ora ūmagkū kwoses eves iranda.
8Utū vī wokon lap sie eni sī neteme kō okompeli, kō ūfielĭntugkūm kĭmi: iyi mori umnelintugi neteme sī umenekompeli aremī nam alam eni Nōbū. 9Popōwo pe ugi imo, Kotū omĭntampalaū, Kotū omĭntalugi, Kōtū omĭnumprok, Kotū akīugi ugi norĭgisat sie, ĭm nagkū umante sī kū sī mōmū nam alam, fan ugi sīteven botibot sugkū imo, memagkū, Konelintugi numpūnaram sugkū kĭk pe kĭk. 10Imo nelintugi otū onumpi ūr iran numpūnaram: popōwo pe worelintugi oti nekompelĭgi nam alam.
11Im sī imo, kĭmi kūmagkili otanepugon sū marima ma kwontūok kĭmi marugi nalēpo: popōwo nēyōwara mo mū botibot ra nĭmpūgon kos kĭmumproko tavnirigi. 12Yivia sū pūmrok, umrokorag marima: popōwo pe sugkū aremī kos kelen tafugi ōvun numpūrak nilevokevat, ĭm lĭvakosugi siame tavesves ra nilara. 13Aremī kos kelenavan ra tanepo, sugkū ra navan pūakas; tawi ugi neyompele ĭm namoneki, tawi ugi nilasĭvian ĭm tampalaū, ĭm tawi ra nesesaū ĭm nakiugi norĭgisat. 14Kō ūvakūmugi ra Iesū Krĭstō Novsūromon, ĭm kotū mĭntarūgi siame ūnōwami ūr etūwi.
Currently Selected:
Rom 13: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
