Popular Bible Verses from Rom 12

Share

Utūte kĭmi ra netevarū sugkū lō ra nemap: kō ūte kĭmi sī ugi nōwami ĭtevaū, ma kĭmi wagkili tarū eni Nōbū, mori siame aremī ĭm nugko ĭm tanepoves ūnĭpmi eni.

Im popōwo pe ya umneserugkūm, ravūgsīeme, ugi ōvun nelĭntugi eni Nōbū, memagkū utenimpe nokolisirami, sokowara amūrepwi tumpora, aremī ugi nisekon Nōbū, mori ĭtnesog umante irami worumpi.

ūratevetūwi ugi navosavos; ūte ugi nemolsep ra nesorū norĭgumpūnū; wofwaki ĭndowi

Utū wantantevakepe sat, kō ūtantevakepe kĭmi ra sat ugi ōvun numpi aremī enugkimi.

Ufielintugkūm kĭmi sū sugkū ravūgsĭeme

Utū elintugi ugi nimpiri. Ukesi sat siame ūr kĭmi, Ute unam ra siame aremī.

Nagkū kĭmi faneteme ugi, ūte ugi ninparata dal oveteme omwisū.

Ravūgsīeme, ūtū umpi nampon ra sat irami, kō ūtaseveōa narakī: popōwo Iehōva yemenūwi memokū, Enyaū naraki; Yaū, ya onūrian.

mū sesieves irami: ūtūte netromoro ra numpūrak; watekisah ugi ūnowami; mōimtorugat iran Novsuromon

Im ya amagkū pugkūm kĭmi sū, ugi ĭtemas paū yemovoyaū, woretū tarugi iran iyi ma iyi sī horog momūgo; kō woretarū sugkū tarū nemolsep, sugkū Nōbū yemovunora oveteme sītevengo tavniri.

Utū umpi nampon ra sat eni sī neteme pugi. Wumpi mūtarūgi siame aremi ūnemĭnda ōveteme omwisū.

Ute ugi tarū siteven pugkūm kĭmi. Utūte neyompeli ugi siame horogsah, kō ūtarū kĭmi ugi siame nemolsep. Utoko kĭmi memagkū kĭmi ōvun nelekon.

Kō nagkū mentemas novsin nakan enugkĭk, avūguni; nagkū umampiumnū, avugi nū woromoneki: popōwo nagkū kwonumpi sugkū kĭmi kwumpi nelintugi tamas aremī iran.

Uvīeves iranda mori umnumpi nugkugko irami; ūvīeves, ūtūvīĭndi. Wavos dal irora ūmnavosē wageri dal irora ūmnageri.

ūvun ora ōvun tavniri norumkora; ūte horog kĭmi ugi navūgonora oveteme dan sū.

Popōwo ĭt sikat nĭvlugkon nokolisiran ra sī irant ĭm irora tawi ugi numpūrak siteven: ĭm sugkū kos, kos sikat mori kos sugkū nokolisirant siteven ra Krĭstō, ĭm kos sikat, kō sugkū siteven nisekont kos.