Ovun Apostol 27
27
1Im nempugon dūmokū ka ke lampe Italia ra lō, dūmūvugi hĭliark, nin isen Yūleus, ra telien lō isen Okustus. 2Pol mōveteme nēeti mōmū. Im kam lisūki lō mori yimne ra Adramitum, ĭm lokū lenavan go ra nokoren Esia; ĭm Aristarkus, neteme ra Masedonia Tesealonĭka, dal kam. 3Im dan penūri kam livelum ra Sīdon. Im Yūleus yemumpeleves iran Pol yemokū ampelah pun ora ravineme isen woretapmet ves. 4Im kam lawi nūrū yūi, ĭm live potipot Sĭprus, popōwo lise nipmi nimetagi. 5Lavan ran tan tok ra Silisia ĭm Pamfilia ĭm livelum ra Mīra ra Lisia. 6Hĭliark yemokesi yūi sī lō ra Aleksandria yive woreve ra Italia; memetipe kam ra mumpon. 7Im pol sugkū kam lavan ilepalam ūremis sikat en dan, ĭm yetuvelum potipot Nīdus, popōwo nimetagi ūr, kam lavan ra nokoren Krit ampiete Salmone. 8Im kam liseleūwigi ugi nugkugko ĭm livelum ra sī nūrū nin, Novasap Aremī potipot sĭti Lasīa. 9Penūri nempugon tantop ĭm isūma nemorinū (ĭm popōwo nempugon netevokom isūma), Pol yemenūavsokonda, 10memokū, Ovragi, ya kum magkū navan soret anti ugi nesorū ĭm nokimi tamas ra lo, ĭm nōeti ra mumpon, mirant naviat sū soret. 11Kō hĭliark yemtavnirigi nam eni kapen, ĭm neteme isen lō, mōmū ra nam mori Pol yemenūwi. 12Im popōwo Novasap vilik woretĭndowi ūnisog ra nakas, nugkoneme mōmū tamas dūmūnūwi mūmokū wawi nūrū yūi, monagalaū mampe mafeli ra Fenīke worete yūi ra nakas sī novasap ra nūrū Krit, mori devse empak ĭm natūga. 13Natūga yemelimsi ūremis miroran dūmokū ovĭ nakiugi isenda, mumamsi agkur mumavan potipotūgo Krit. 14Kō nempugon lap yivelum noroetū nūsian, yemelekavi lō, 15mori tawi faneteme waravango ĭm se nimetagi, kam lintenĭmpe. 16Im lenalō ĭm livelum ra nokorin sī īland vilik nin Kloda; ĭm kam lenatekisah agalaū worefinte bōt, mori dūmūriuki sah ra mumpon lō, 17mumūvī ōvun rōp mū mūiti lō nagkaū ugi ratilat; dūmamtetugi wamol ra ekeri ūr, dūmūvīsep sel ĭmīlūo mūmalo Bugkū. 18Im dan penūri tok yem tōkintan tamas iramam mirora dūmumpi lō narevareve mōmū. 19Im dan desel kam lintafugi ugi nokobmam ov nūrah ra lō. 20Nipminin kū mosi yetūratumpeni dan mōmū, ĭm tamas simpesimpe, dūmokū ka kelamas. 21Penūri netevokom nempugon tantop Pol yemtūok ileboteven irora memenūwi memokū, Ovragi, aremī kipū sendiuki yaū, ĭm kūtūwi Krit, petūtepū irami imō nesorū ĭm nōēti ugi netivavtiti. 22Marima, ya umamavsog kūm memagkū wavosūwi, popōwo tawi sī ra kĭmi ampiugki nomūrep isen, kō lō wokon.
23Popōwo yemetūrū ra nakorig pūmrok sī nagelo isen Nōbū mori yaū isen ĭm ya kum mintorugat iran, 24memenūwi po yaū memokū Etumtetugi Pol; wontori ūnĭpmi isen Sisar; morigi, Nōbū ovunok irora sū ra lō dal kĭk. 25Popōwo imo sugkū, ovragi, wavosūwi; popōwo ya kum mintavnirĭgi Nōbū ma anti sugkū onūwi po yaū. 26Kō lintorimpiugkos ra sī iland. 27Im pūmrok fortin, letin telesokam movolagkaū ran tan tok Adria sugkū, ratūnemis ōvun lĭvsaū ra lō dūmokū dūmpotipot ra sī nūrū; 28mirora dū mategap mū mokili twenti fadom; dūmūve virok mōmū, dūmategap mū mokili fĭftin fadom. 29Mirora dūmtetugi wororkūve numpun nētokū, mū mūvkisep agkur devat kitanlō, mū makīugi dan. 30Ovun lĭvsaū dūmokū wonalo mawi lō mū mūtesep bōt ran tok, sugkū nagkū dūmokū worovkisep ōvun agkur ra nete lale; 31Pol yemenūwi pugi hĭliark, ĭm pun ora ōvun telienlō memokū, ūtūamkūm mēyōwara nagkū iroramo mawi lō. 32Movun telien lō dūtantevi rōp ra bōt, ĭm bōt yemorokī. 33Im nempugon dan yetuvelum Pol yemesenigora memokū woneni nevag, memunūwi memokū, Ire dan sū fortin kūmante wumkūmetovokorn, kūm ūtū oni. 34Popōwo imo sugkū ya kum manūwi pug kūm memagkū, kwoneni; popōwo aremī nisekomi; otū amol sī novli numpūmi ra kĭmi.
35Im pol sugkū iyi yemenūwi imo,, iyi yivi yoūp, memupalug iran Nōbū ūniminda sū, memorūsevi, me mati potni woreni. 36Im omwisū dūmavos mirora sū dūmūvĭ nevag sugkū: 37Im kam omwisū tū hunder ĭm sevente-siks ra lō (mori). 38Im pol sugkū yemtalira dūmumpi lō narevareve mū mūtafugi whit rantok. 39Im prubokom, dūmūtūkili nūrū, kō dūmokesi novasap vilik, mirora dūmūnūwi mūmokū, nagkū irora faneteme wantipe ikeri lō. 40Mirora dūmūtantevi ōvun rōp ra agkur, dōtenimpe ran tok mūmūsūli rōp worēeti nivūwo worevi lō, mō mūreveni sah mēn-sēl ra nimetagi mūsenti ikeri. 41Im lō yive ra nūrū ra token tan yemavitit mirora dūtipe lō ra ikeri, numpūn nugon ra nete nale metū mēeliel, mō metindowi ūnam, kō lō kitan yetin neravlugi ugi nimpiaū horog. 42Ovun telienlō dūmūnūwi mūmokū wontalokonda ōveteme nēeti, kū nugkon ra irora wandokī, mō menalō. 43Kō hĭliark yemakiugi woreviēyōwara Pol, yemenūamwūs pun ora; mempasiwo konda mori dūmūkili nōrōkī, workepe ran tok wampūm mosah ikeri: 44mirora mōmū, nugkon ra ovlugkon bōrd, ĭm nugon ra nivlugkon lō. Mirora sū dūmūtavtūrū ikeri sugkū, mō momūrip omwisū.
Currently Selected:
Ovun Apostol 27: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
