Ovun Apostol 26
26
1Im Akripa yemenūwi pugi Pol memokū, Kĭk anūwi marima magkū ugi kĭk. Im Pol yemaven, me mesepen are iran,
2Memokū, Akripa Natemonok ranūsian, ya umnavos popōwo ya osepen arē irag ūnimtug ire ugin siame sū ōveteme Isrēel dūmūvievri. 3Popōwo ya umagkili ma kĭk emagkili siame sū ugi netēvarūsū ĭm ra oveteme Isrēel: popōwo imo sugkū ya kum nesenug kĭk orĭgi yaū ugi nemolesep. 4Oveteme Isrēel omwisū umagkili ugi yaū marugi nempugon yaū virok, nagku irora wonumpūvsok ugi, mori yemati potni ra lō sorūg ĭm ra Yerūsalem, 5ma yaū mamūrep sī Faresi mirora ra semsimak mori dūmūfinte sū ōvun nam alam omwisū. 6Im marima yakum mantūrū muni nūrian irag popōwo ugi fan ra nievūos nam mori Nōbū yemovunora ritemendeme soret: 7Im popōwo ugi imo ōvun savūta twelv soret ūmintprugat iran Nōbū nempugon dan ĭm pūmrok umantemetugi worevi; Im popōwo ugi nemetemetugi mori ōveteme Isrēel dūmūvievri. 8Kūmūtū mun tavnirĭgi ma Nōbū umen torisah ōvun nemas kū? 9Yaū mesepen mokū nowag aremī ya ampīese sat ugi siame sikat nin isen Iesū neteme Nasaret. 10Mori yaū mumpi ra Yerūsalem ĭm yaū mesumpat ūnisog nimo nugkugko sikat ra irora ōvun tumpora mempi nempasewugi sugkū morokonda ōvun potni sokowar, ĭm pol sugkū dūmūtalokonda yaū menūwi memokū aremī sugkū. 11Im yaū metipe nelileki iranda nempugon sikat ūnisog ōvun nimo tavsogi, yaū mumpi irora woresendoekia iran nin isen, ĭm popōwo yaū memlū ugi naraki iranda, yaū ĭmpīesesat irora mafeli ōvun sĭti isenda ōvun domo. 12Mugi imosū yaū ĭmpe ra Damaskus ugi nempasewugi, ĭm netiyi morokonda ōvun potni sokowar, 13Ra nempugon poakas poakas, Ah Natemonok, yaū mokesi ūse-lat sī nilara mori yemne unpokop, mōmū horog ra nilara nĭpminin, yemiliegisgi nagkaūwokoyaū miranda mori dūmavan dal yaū. 14Kam sū ĭomol ra nemap, ĭm yaū morigi navian yemenūwi po yaū memokū, ra nam Hibrū, Sol, Sol, kĭk emampĭese sat yaū irasie? nugkugko iram worowĭ ōvun novlipmi (saū.) 15Im yaū ĭmtagkeli memokū, Kĭk e me Novsūromon? Miyi yemenūwi memokū, Yaū Iesū mori kĭk emampīesesat yaū. 16Kō etūok, metūrū ra nowom; popōwo ugi imo yaū otūratumpeni punok, worumpi kĭk sī neteme torugat ĭm numpūvsok ugi sū mori kĭk okesi, mugi siame sū mori yaū onatūratumpeni pug kĭk ugi; mosemsempare iram marokonda netevokontū, 17ĭm lōsū nĭlebokevat, mori yakumentamūlok pun ora marima. 18Woretīpelah niminda, worevoli marugi nĭlebokevat ra nilara, marugi horog eni Sētan ra Nōbū, mampi nefielentugi sat sū, ĭm nūrū dal irora mori dūmnumpi irora tumpora ugi tavniri ra yaū. 19Popōwo sugkū Ah Akripa Natemonok ra nūsian yaū metū mentaseviowi nilasivrevora marugi ūnpokop; 20Kō mesesi mampūm pun ora ra Damaskus, ĭm Yerūsalem ĭm ra nūrū sū Yūdia, ĭm lōsū ōvun nĭlebokevat, yaū ĭm torenūwi sah pun ora memokū wampīeves nowanda mōmentorileki pugi Nōbū, memumpi ov numpūrak ugi nowanda ĭtevaū. 21Popōwo ugi imo teme Isrēel dokesi yaū ūnisog nimo tumpora mūmokū woretalugi yaū. 22Kō Nōbū yemesitū irag, ĭm ya kum mante mefeli imo dan, umnumpūvsok iranda punora ōveteme horogesah mirora virok, memenūwi imosū wokon mori irora ōvun profet ĭs Moses dūp mūnūwi mūmokū umampelum. 23Ma Krĭstō amas miyi mampūm ontūok marugi nemas montorenūwr sah magkū ugi nilara pun ora netevokontū ĭm lōsū ĭlebokevat.
24Iyi yemenūwi imosū woresepen arē iran ĭm Festus yemenūwi ugi navian e sah, memokū, Pol kĭk emnumpaviag: numpūn nelekon tamas numpi kĭk nempaviag. 25Kō iyi yemenūwi memokū, Festus numposeti ya otum numpaviag; kō ya kum mentesūī nam ĭtnesog ĭm nelekon: 26Iyi Natemonok ra nūsian umagkili ugi imo sū, ĭm ya kum mentesūī nam ūnĭpmi isen: ĭt ya kum magkili ma tawi sī ra imo sū wampeni ūnĭpmi eni; 27popōwo yetū umpi imō mantiumpeni. Natemonok ra nūsian Akripa kĭk emantavnirigi ōvun profet kū? ya kum magkili ma kĭk ementavnirĭgi. 28Im Akripa yemenūwi pugi Pol memokū, Kĭk kemesendavotni yaū woreti neteme isen Krĭstō. 29Im Pol yemenūwi memokū, Ya kum nesenigi Nōbū ma kĭk mirora sū mori umandigi yaū ire, tawi ugi virok ugin siame sū sugkū yaū, kō tawi ugi imo nēeti (irag).
30Iyi yemenūwi imo sū, ĭm Natemonok yemtūok, ĭm kuvnur, ĭm Bernĭmse, mirora mori dūmūtesep dal irora. 31Mirora dūmūve pelah sī, mūmūsepen enūwi nam pun ora mūmokū, noteme mori yetū umpi sī ma sugkū ontalugi, kū leti. 32Im Akripa yemenūwi pugi Festus memokū, Pesūli neteme mori nagkū iyi petū mesenigi Sisar.
Currently Selected:
Ovun Apostol 26: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
