Ovun Apostol 28
28
1Im nempugon vemumkorēyōwara irora dūmūkili iland nin Melita. 2Mōveteme domo yūi dūmūrūn umpelevis iramam, ĭt irora dūtovni nom mo muvi kam omwisū, 3popōwo ugi nebib ĭm neteponta. Im pol sugkū Pol yemarōkĭ mō metipe ra nom, sī neskil, iteobuki yimne ra nom me mamplet ra nokoven isen. 4Movun domo yūi dūmokesi nūrah mamplet ra nokoven, mūmūsepen enūwi pun ora mūmokū, itnesog iyi mori neteme talugi, vetūmas ran tok, kō umetampenigi iran ugi tanepo woretō omūrep. 5Miyi yemugkeri nurah ra nom, metūvī nesorū ugi. 6Kō irora dūmūtevetūwi mūmokū iyi onalam, kū amol itnum mamas; dūmūtevetūwi nempugon tantop, mōtokesi sī yivelum iran dūmovoli tarū isenda mūmūnūwi mūmokū iyi sī nōbū.
7Im potipot yūi esenwi ĭm nūrū isen neteme isenda nin eni Puplius; miyi yemtoro kam mamafinte aremī dan desel. 8Itemen Puplius yemale yamarat ugi mamri mūnisog ugi de ĭm Pol yive ūnisog nimo pugi, memufwaki memetipe nokoven isen iran, memumpi horigeves; 9Penūri yemumpi imo, mōmū sugkū mori dūvī ōvun namarat iranda ra iland, dūvelum mū mōvī horigeves; 10Mirora dūmūvīkaves nempugon sikat mūmō sesi e ves ugi kam; ĭm pol sugkū kam live, dūmūvugkam siame sū aremī nisekomam.
11Penūri itīs en desel kam live ra sī lō ra Aleksandria mori yemete ra ĭland ra nakas, safi lō mori, Dios-kūre. 12Im kam lisah ikeri Sīrakūsa mū morokote dan desel. 13Im kam lowi nūrū yūi ĭm lenagkaū ra Rekium; ĭm penūri sī dan natūga yemelimse ĭm kam live dūrūgi ra Potiolĭs. 14Im kam lokesi ravinsīeme yūi mori dūmūtantokam worete dal irora dan seven: Im kam live ra Rōm. 15Ravinsīeme yūi dūmūrĭgi ugi kam dūmne yūi mūmūvelum (worevtit iramam) mefeli nūrū Apii Kotum, ĭm Tres Taberūa; ĭm pol sugkū Pol yemokesora yemumpalugi iran Nōbū memtorugat ugi naviat eni. 16Im nempugon kam live Rōm sentūrion yemovugi Natemonok ōvun telienlō, ōveteme nēeti; kō yemenūwi magkū, Pol antindowi wokon, kō sī ūndū neteme ūbrami mori yemaveles iran.
17Im penūri dan desel Pol yemovrokonda ov natemonok isenda ōveteme Isrēel, ĭm nempugon irora dūmūsemsimokonda, iyi yemenūwi pun ora memokū, Oveteme ravūgsīeme, yaū metū umpi sī se sī iranda ovnetevokontū, kū ov netevarū isenda ritemendemi soret, mūmūtipe yaū nēeti ra nokovenda ōveteme Rom ra Jerūsalem. 18Im nempugon dūmūrian irag dūmakiugi woresuli yaū, popōwo yaū metū worepatevi tovuni nemas; 19Kō popōwo ōveteme Isrēel dūmūtīepe nam, dūmūmpi yaū woresenigi Sisar; kō tawi sugkū nagkū yaū mevrievri lō sorūg ugi sī se sī. 20Popōwo ugi imo ya kovrug kūm, worokos kūm, manūwi pug kūm, popōwo ugi netemetemeugi ves isenda ōveteme Isrēel nēeti ugi imo ĭtyēn. 21Mirora dūmūnūwi pugi memokū, kam letūvī ōvun netiyi marugi Yūdia ugi kĭk, ĭm ravinsīeme mori dūmūvelum dūtūnūwi sī sat iram, kū sī nam ugi kĭk. 22Kō ka kĭm lagkū aremi wororug kĭk, ĭm lagkili tarū sorum ugi semsimak mori; popōwo ka kĭm lagkili ōveteme ra nūrū sū ūtūmanūwi aremi ugi. 23Mirora dūmūnūwi mūmokū ugi sī dan, worevelum pugi, mimora dūmūvelum pugi ĭm mōmū dal ra nimo isen, Miyi yemenūasūmperi nampunoramōĭmtesūĭ sū ugi lō eni Nōbū, momentavsokonda ugi siame isen Iesu, ra mumpon nam alam eni Mōses, movun profet marugi prūbrokom mafeli poarap. 24Im nugkon dūmūtavnirigi nam iyi yemenūwi, kō nugkon dūtū tavnirigi. 25Im pol sugkū dūtū mokū ugi tarū siteven, dūmūve pelah, ĭm Pol yemenūwi aveni memokū, Naviat Tumpora yemenūwi ves ugi Iseya profet pun ora retemindeme, 26Me mokū, Eve pun ora imo lō menūwi mokū,
Kĭmi kwandigi ugi telegomi mūtūwagkili; kĭmi kwagesi ugi nimetemi kūmūtū onelavenūri; 27It nowanda imo netevokontū oti nugkugko, mugi telegonda dūmūmgol, mirora dūmūsumpat niminda, ma sugkū ūtū wagisi ugi niminda, mūtū mandigi ugi telegonda, magkili ūnōwanda, mū mūvoli irora, ĭm ya am kororigives.
28Popōwo imō sugkū ūkili manēyōwaraeni Nōbū umen tamūli pun ora lō sū nĭlebokevat mirora wandigi. 29Iyi yemenūwi imo sū mōveteme Isrēel dūmūve, mū mūsepen enūwi nam tamas pun ora. 30Im Pol yemetĭndōwi nevi en dūrū ra nimo isen mori iyi yivasi lap nisekon, mo mūvĭ irora sū mori dūmūvelum pugi. 31Memenūwi sah memokū ugi lō eni Nōbū, mō imtavsokonda ugi horog siamesū ugi (Iesū Krĭstō) Novsūromon, ĭm tawi sī yemenūali pugi.
Currently Selected:
Ovun Apostol 28: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
