I. Korint 4
4
1Aremī wontarū iramam sugkū iranda ōvun lĭvsaū eni Krĭstō ĭm sugkū iranda mori umafinte siame antiumpene eni Nōbū. 2Im wonesorugi netevarū isenda ōvun nefĭnte memagkū irora tanepo. 3Kō ya otum magkū wororigi sat ugi nesorugi enugkimi irag, kū ugi nesorugi eni sī neteme irag: ĭtnesog ya otū esorugi yaū pe yaū irag. Im ya otū magkili sū nagkaū irag; kō imo otū wonumpi yaū tanepo: kō iyi mori umnesorugi irag Narisah. 5Popōwo pe ūtū ratevetūwi woresorugi sī isen neteme, afeli Narisah ampelum, mori anūatumpene siame umūseni ra nelebokevat, mōĭm sūli ves tarūsū ūnōwanda ōveteme, ĭm Nōbū anūwi ugi tanepo nilasilaswi en ōveteme. 6Ravūgsĭme yakum manūwi imo siame ugi nam nagkaūĭntan irag ĭm Apollos, popōwo ugi kĭmi; memagkū kwagesi iramam ma sugkū ūtū woselewugi kĭmi siame dūmūtīyi; ma tawi sī irami umagkū iyi sī horog mōmokesĭndi iran sī. 7Popōwo mē yemumpi; kĭk pe sī? ĭm sie enugkĭk kĭmetū vī? ĭm nagku ko vī irasie kim manūwi narigi enugkĭk sugkū kip et vī? 8Otĭn talekūm kūmūte ōveteme noete, kĭmi kum are pe kĭmi metūm magkū ugi kam: kō ĭtnesog yakum nakiugi ma kwon are kĭmi ma ka kwonari dal kĭmi sugkū. 9Ya magkū nigoi, Nōbū yemetipe kam ōvun apostol, sugkū ōveteme wokon, ĭm nimsin nemas: popōwo ĭt kam sugkū sebet nam ra nemap, ĭm pun ora ōvun nagelo ĭm ōveteme. 10Kam ōvun numgĭ popōwo ugi Krĭsto, kō kūmūte ōvun nelekon kĭmi ra Krĭsto; kam ōvun netromoro, kō kĭmi ōvun torugat; kūmūvī nilasilaswi morokonda ka kim livī narumprum. 11Ndan sū ka kĭm lentemas mampiumnūk, mavan wokon, ūmūtakakam, ĭm tawi sī nimote sorumamwi; 12ĭm ka kim agelaū, ĭm torugat ugi nokupmam: ōmentavūtan sat iramam, kō ka kĭm lanūwi nevīēves; umtelesokam, ka, kĭm latepū; 13ūmampĭĭndi iramam, ka kĭm nesenug iranda: ūmnumpi kam nĭlĭlūo ra nemap, ĭm sugkū nĭmpilior sat ra siame sū, mafeli nempugon marima.
14Ya otū umetiyi imo siame ma sugkū kwon narumprum kĭmi, kō woreyevekūm sugkū ovunyan paū sorug. 15Popōwo nagkū ūmantĭndowi dal kĭmi ten taūsan ōveteme tavsogi ra Krĭsto, kō tawi sikat etemen ekūm: ĭt yaū meti kĭmi ra Krĭsto ugi nam navosavos. 16Popōwo pe sugkū, ūri nampon nowon enyaū kĭmi. 17It popōwo ugi imo ya otamūli Timote pugkūm, ĭt iyi netūg paū ĭm tanepo ra Narisah, miyi onesūli ves pugkūm ugi ōvun netevarū enyaū ra Krĭsto, sugkū ya umentavsokonda nelepon sī lō tumpora ra nūrū sū nuru sū. 18Kō nugkon ōveteme ūmavos ūnōwanda nugkugko, umagkū ya otū ampelum pugkūm. 19Kō ya ampelum pugkūm marima, nagku aremī iran Narisah; ĭm ya agkili, tavioape nam enirora mori umanuwi ugi nowanda nugkugko, kō pe horog. 20Popōwo lō eni Nōbū tawi ugi nam wokon, kō ugi horog. 21Kĭmi kūm akiugi sie? Ya ampelum pugkūm ugi netevane, kū ugi nelintugi, ĭm ra nowag nemolsep?
Currently Selected:
I. Korint 4: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
