I. Korint 3
3
1Im ravūgsīeme, yeti nugkugko irag worenūwi pugkūm sugkū ugi pun ora ūnōwanda ĭtevaū, kō sugkū pun ora ūnōwand ĭtūwī, sugkū pun ora ovelalaū ra Krĭstō. 2Yaū mavunekūm ugi milk, tawi ugi nevag ĭm sugkū marima, kĭmi tawi faneteme worevi; 3ĭm sugkū marima, kĭmi tawi faneteme worevi; popōwo kūmante ugi nōwami nugkugko kĭmi, popōwo pe pol sugkū ĭtnesog umante dal kĭmi narakara ĭm nesesaū, kūmante kĭmi kū entawi ugi nugkugko, ĭm kūm avan sugkū ra netevarū en ōveteme kū? 4Pol sugkū sī umagkū, yaū neteme eni Pol; ĭm sī umagkū, yaū neteme eni Apollos; kĭmi ōveteme wokon. 5Mē mori Apollos? ĭm mē mori Pol? Kam ōvun lĭvsaū wokon ĭm kĭmi kūmūtavnirĭgi ugi tavsogi enugkam; sugkū Narisah yemevugkam sī ĭm sī. 6Yaū mowi, Apollos yemavwi; kō yemteli ugi Nōbū. 7Im popōwo pe iyi mori yemowi tawi faneteme, ĭm iyi mori yemavwi sugkū; kō Nōbū mori yemumpi woreteli. 8Iyi mori yemowi miyi mori yemavwi irora siteven: kō irora wampi nipmi sī ĭm sī sugkū torugat enirora. 9Kam ōvun torugat dal Nōbū: kĭmi denūok eni Nōbū, ĭm nimo eni Nōbū.
10Sugkū nelintugi eni Nōbū yemovoyaū, sugkū; ĭm sī mōmū neteme um numpi nimo yaū mokolugi. Kō aremī ōveteme wontarū ves nokowo irora wonumpi nimo mori okolugi sū. 11Popōwo tawi sī neteme faneteme worokolugi sīmōmū nimo, pe sī mori okolugi sū, mori Iesu Krĭstō. 12Pot nagkū sī ku sī neteme umpi mōmūgo ra nimo mori ugi kold, kū sĭlver ōvūn nevat tamas aremī, nē, nelimindi, potni, deniug; 13ōvun tapmi ōvun numpūrak isenda ōveteme sī ĭm sī: popōwo antin nenūatumpene ran dan mori, popōwo anūatumpene ugi nom; ĭm woresuli ugi numpūrak enirora ōveteme sī ĭm sī worokili sugkū sie numpūrak mori yemumpi. 14Nagku ante unam numpūrak eni sī neteme mori iyi onumpi ra nimo mori, iyi ampi nĭmpi. 15Nagkū numpūrak eni fū neteme, iyi, otū ampī nipmi: kō ampēyōwara iyi pe iyi; kō sugkū neteme nagkū ampūwara iran ugi nom.
16Kūmūtū kili ma kĭmi sū nimo tumpora eni Nōbū, ĭm iyi Naviat eni Nōbū umantindowi ūnisog kĭmi? 17Nagkū sī ontavtiti nimo tumpora eni Nōbū, Nōbū ontavtiti iyi; popōwo oti tumpora nimo tumpora eni Nōbū, ĭt kĭmi sugkū tumpora.
18Sī neteme otū nemperĭgi iran iyi pe iyi. Nagkū sī kū sī neteme umagkū iyi sī nelekon dal kĭmi ra imo nempūgon, aremī iyi ante sī numgī ma sugkū dan sī iyi ampi nelekon. 19Popōwo nelekon ra nemap oti sebet nam ūnĭpmi eni Nōbū. Popōwo yemetiyi, Iyi mori onelekavi ōvun nelekon ra nimpiri enirora: 20ĭm sīmōmū, Iyi Narisah umagkili ōvun naūar enirora ōvun nelekon, ma irora sebet nam wokon. 21Popōwo pe sugkū otū onavosavos sī popōwo ugi neteme. 22Popōwo it enugkimi siame sū, nagkū pe Pol, kū Apollos, kū Sifas, kū nemap, kū nomurep, kū nemas, kū siame marima, kū siame ampelum; omwisū enugkimi; 23ĭm kĭmi isen Kristo; ĭm iyi Kristo isen Nōbū.
Currently Selected:
I. Korint 3: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
