I. Korint 5
5
1Irora sū omwisū ūmagkū umante tumpugon dal kĭmi, ĭm tumpugon sugkū sie ūtū manūwi ugi ōvun nelebokevat, ma sī ampi retepon eni ĭtemen isen. 2Im kūm mante ugi nugkugko, ĭm kĭmi kūm etūrĭgi sat ugi, ma umpīpelah iyi mori yemumpi imo numpūrak. 3Tawi yaū dal kĭmi ugi nokolisirag, kō ugi naviat wokon, kō ĭtnesog ya umnūrian, sugkū nagkū yaū dal kĭmi, iran iyi mori yemumpi imo numpūrak, 4ra nin eni Iesū Krĭstō Novsūromon enugkos, pol sugkū kwosemsimugkūm siteven, ĭm naviat sorug, 5ugi horog eni Iesū Kristo Novsūromon enugkos, woretafugi sī sugkū sū pugi Sētan worokini nokolisiran, ma antin semsempari naviat ran dan eni Iesu Krĭstō. 6Nam enugkimi horogesah tawi aremī. Kūmūtū kili ma leven vilik umnumpi omwisū sugkū leven kū? 7Sendumsi leven etūwī ma kĭmi kwante nilpon sī ĭtevaū, popōwo tawi leven enugkimi. Itnesog dūmūtalūgi Krĭstō nisekont, paska enugkos: 8Popōwo pe aremī kos kel afinte narigari tawi ugi leven etūwi, tawi ugi nakan, ĭm satindi sugkū leven etūwi, kō ugi netevarū aremī, ĭm netevarū tanepo sugkū yōūp tawi leven iran.
9Ya otīyi pugkūm ra netiyi enyaū ma ūtūte kĭmi dal ōvun tumpugon, tawi indowi; 10tawi ugi irora ōvun tumpugon lō ra nemap, ĭm ōvun norĭgisat noete mōvun neforugi, ĭm ōvun sokowar; kū entawi pūwi nemap kĭmi worelan ora: 11kō ya otīyi sugkū imo pugkūm ma ūtūve kĭmi dal sī nagkū iyi neteme tavniri miyi sī tumpugon, kū norĭgisat noete, kū sokowar, kū tavūntan sat, kū nomoneki, kū neforugi; dal sī neteme sugkū, tawi, ūtūte, ūtū oni nevag ūn dū. 12Ya amsugi worūrian iranda ōveteme ilat? tawi yaū nĭmsĭn. Kĭmi kūmūrianda ōveteme ūnisog kū, kō irora mori ilat Nōbū umnūrian iranda? 13ūsatevugi neteme numpĭndi mori marukgūm kĭmi.
Currently Selected:
I. Korint 5: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
