I. Korint 2
2
1Im yaū, ravugsieme, pol sugkū yo okevelum pugkūm, yaūmetū velum ugi nam nenūwiveskū nelekon woretorenūwisah pugkūm nam numpūvsok atiumpene eni Nōbū. 2Popōwo ya onūwi unōwag ugi naviat sorūg omwisū ma ya otūm nakiugi worekili sī entie sī dal kĭmi, Iesū Krĭsto wokon, ĭm nemas isen ra neumparum. 3Im yaū mete dal kĭmi ugi netromoro, ĭm nemetet, ĭm nevikūrekūr tamas. 4Im ōvun nam enyaū, ĭm torenūwi enyaū tawi irora ugi ōvun nam nesūlives ugi nelekon, kō ugi pe nenūatumpene eni Naviat, 5ĭm horog: ma tavniri enugkimi otū ante ra nelekon enirora ōveteme, kō ra horog eni Nōbū.
6Ka kem lanūwi nelekon pun ora ōveteme talam ōvun nelekon; kō taviōa nelekon ra imo nemap, kū enirora ōvun talalam ōvun horog ra imo nemap, mori wamampia; 7kō ka kem lanūwi nelekon eni Nōbū ra nam nesenĭgi, nelekon pe mori yetĭn senĭgi, mori Nōbū yepmenūwi sū ugi pol sugkū tawi nemap ugi nilaslaswi nisekont; 8ĭm tawi ōvun fan lō ra nemap dūmūkili imo siame; popōwo nagku irora pūkili ugi, irora pūtū talugi Narisah nilaswi; 9kō sugkū yetin netīyi,
Siame dūtokesi ugi nĭmĭnda, ĭm telegunda dūtūrīgi, Im yetūtorĭmpe ūnōwan neteme,
Ovun siame sū Nōbū yemsiman nisekonda mori umnelintugi iyi.
10Kō Nōbū yemenūatumpene irora pugkos ugi Naviat Tumpora: popōwo iyi Naviat ūmnesorugi tiame sū, monokowo, siame atiumpene eni Nōbū. 11Popōwo mē umagkili siame eni neteme, kō naviat isen wokon umespun okili mori umante ūnisog iyi? ĭm sugkū siame eni Nōbū tawi sī umagkili, kō iyi wokon Naviat eni Nōbū. 12Kō kos kel etū vī ūnōwant, tarū ra nemap, kō pe tarū mori umamne ra Nōbū; ma kos kel agkili siame itemas wokon mori Nōbū yemevugkos. 13Im kos kel letum lanūwi imo siame ugi tavsogi eni neteme, kō ugi tavsogi eni Naviat Tumpora; woresūli siame tawi ugi nowan neteme ra tarū netūtavniri; kō pun ora ra nowan ĭtevaū. 14Neteme ugi nowan isen ĭt sugkū tawi faneteme worevi siame mori isen Naviat eni Nōbū: popōwo irora sebet nam nisekon; miyi tawi faneteme worokili ugi irora, popōwi umneserokonda ugi naviat wokon. 15Umagkili siame sū omwisū neteme mori Naviat Tumpora ūnisog iyi kō tawi sī neteme umentarū tarū iran iyi. 16Neteme mē mori yemokili naviateni Iēhōva, ma iyi ontavsogi iyi kō umante iramam navaviat eni Krĭstō.
Currently Selected:
I. Korint 2: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
