I. Korint 1
1
1Yaū Pol, dūmovrokoyaū woreti sī apostol eni Iesu Krĭsto ugi nakiugi eni, 2Nōbū ĭm Sosetens avĭt sī, pun ora nilpon sī lō tumpora eni Nōbū ra Korint, iroromo ōveteme aremī ra Iesū Krĭstō, dūmūtampolora ōvun tanepo, dal irora sū ra nūrū sū mori umprugi nin eni Iesū Krĭstō Novsūromon enugkos, Novsūromon enirora menugkos: 3Itemas paū pugkūm im ninparata marugi Nōbū Itementĭm Iesū Krĭsto Novsūromon.
4Ya ampalugi iran Nōbū enyau indowi nisekomi, ugi ĭtemas paū eni Nōbū dūmūvugkūnt ra Iesū Kristo; 5Popōwo ugi iyi kūmūvī siame sū aremī omwisū, ugi nesūli ves nam omwisū, 6mugi nelekon omwisū; sugkū dūmumpi ūnam nam eni Krĭsto irami: 7Popōwo ĭt kĭmi tawi ra nisah ugi sī itemas wokon; ĭm kĭmi kūmūtūvetūwi nenūatumpene eni Iesū Kristo Novsūromon enugkos; 8mori onumpi kĭmi ūnam ran dan sū, ma otū anti sĭentie sī worūrian irami ran dan eni Iesū Kristo Novsūromon enugkos. 9It iyi Nōbū ĭtnesog, ugi iyi dūmovrugkūm worete dal Netni isen, Iesū Krĭsto Novsūromon enugkos.
10Yakum nesenugkūm, ravūgsĭme, ugi nin eni Iesū Krĭsto Novsūromon enugkos, ma kwanūwi kĭmi omwisū nam siteven, ūtū wakan pugkūm kĭmi; kō ūte ūnūwami siteven ĭm ugi tarū siteven. 11Popōwo ravūgsieme, dūmūnūwi poyaū, ōveteme ūntemna isen Kloyi, memagkū kūmante ugi nesesaū pugkūm kĭmi. 12Yakum manūwi memagkū, sī irami umagkū, yaū neteme isen Pol ĭm sī umagkū, yaū neteme eni Apollos; ĭm sī umagkū, yaū neteme eni Sifas; ĭm sī umagkū, yaū netemeoeni Krĭsto. 13Tarū tarū eni Krĭsto kū? dūmūtalugi Pol ra nē ūmparum nisekomi kū? 14kū dūm umbaptiso irami ra nin eni Pol? Yakum umpalugi ra Nōbū ma yaū metū baptiso iran sī irami, kō Krispus ĭm Keus wokon; kū entawi sī penūwi ma dūmū baptiso irami ra nin enyaū. 15Im yaū ĭm baptiso iran Stefanas ĭm iranda ra mumpon nimo isen: 16kō nigoi isūma, kū pe sī mōmū, kō ya otum nenteme sī. 17Popōwo Kristo yetū tamūli yaū worumbaptiso, kō woretorenūwi nam navosavos: ko tawi ugi nam nelekon kū entawi onumpi sugkū nam wokon nē ūmparum eni Krĭstō.
18Popōwo nam ugi nē ūmparum sugkū sebetnam pon ora wontafugi irora; kō horog eni Nōbū pugkos umumkosēyōwara ugi. 19Popōwo dūmūtīyi,
Ya ontavtiti nointanwi isenda ōvun nelekon,
Im ya otū ampi nurapūn nelekon enirora ōvun nelekon.
20Neteme nelekon iya? neteme tavsogi iya? neteme horog ra imo nemap woramtugi nam iya? ĭt Nōbū yemumpi sebet nam nelekon ra nemap kū? 21Im popōwo ugi nelekon eni Nōbū ōveteme ra nemap dūtūkili Nōbū ugi nelekon enirora, kō yeti aremī ugi Nōbū woresemsempari iranda mori umentavniri ugi torenūwi nam, mori ūmagkū ugi memokū nĭndewavū. 22Itnesog ōveteme Yūdia ūmesenigi ōvun safi, ĭm ōveteme Krik ūmnesorugi nelekon; 23ko ya kem lentorenūwi Krĭsto dūmūtalugi ra ne umparum pun ora ōveteme Yūdia netakeli, ĭm pun ora ōveteme lō pelah sī sebetnam; 24kō pun ora dūmovrokonda, pun ora lō Yūdia ĭm lō Krik, Krĭsto horog eni Nōbū, ĭm nelekon Nōbū. 25Popōwo numgĭ eni Nōbū mōmū nelekon ra ōvun nelekon eni neteme, ĭm netromoro eni Nōbū umentantevakepe ra horog eni neteme.
26Im okesi netevarū umentorugkūm ugi, ravūgsĭeme, ma tawi sikat ōvun nointanwi sugkū ugi netevarū ra nemap, tawi sikat ōvun horog, tawi sikat ra ōvun fan lō, dūmūtampolokūm: 27kō Nōbū yemtampolora ōvun numgĭ ra nemap, ma iyi onumpi narumprum iranda ōvun horog; 28ĭm Nōbū yemtampoli ōvun netromoro ra nemap, ma iyi onumpi narumprum iranda ōvun torugat; yemtampol ora ōvun nurumkora ra nemap, ĭm irora mori umagesi sat iranda, Nōbū yemtampol ora, ĭm ĭtnesog siame mori nĭndewavū, ma iyi onumpi nĭndewavū siame horogsah; 29ma tawi sī anūwi narigi neteme ūnĭpmi eni Nōbū. 30It kĭmi kūmante ra Iesu Krĭstō ugi Nōbū, yemete nisekont nointanwi marugi Nōbū, ĭm tanepoves, ĭm nelugelugeves, ĭm nēyōwareves; 31ma, sugkū dūmūtīyi, Iyi mori anūwi nam horog, aremī iyi anūwi ugi ra Novsūromon.
Currently Selected:
I. Korint 1: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
