Rom 16
16
1Yakum manūwi aremai iran Fibi vevent pumkūm, 2ĭt iyi lĭvsaū ra nilepon sai lō mori ra Senkria: ma kĭmi kwampai iyi ra Novsūromon, sugkū aremai ugi irora ōvun tanepo, ĭm ma kwonesitū iran kĭmi ra siame omwisū mori umagkū kwon esitū iran ugi: popōwo iyi pe iyi yemesitū iranda oveteme sikat, ĭm yemesitū irag yaū pe sugkū.
3Unūwi kĭmi nam paū nempasewugi pugi Prĭsilla ĭm Akwila ōvun torugat dal yaū ra Iesū Krĭstō, 4popōwo ugi nomūrep enyaū dūmokū woretasevivoa nomūrep enirora yakum umpalug iranda ĭm ōvun nilepon sai lō tumpora Ityentail sugkū ūmumpalug nisekonda: 5im irora paū nilepon sai lō tumpora mori ran temne enirora. Iyi paū Epinetus avūg sai paū, mori novwan ĭtmampūm ra Esia isen Krĭstō. 6Iyi paū Mēre: mori yemtorugat tamas nisekomi. 7Iyi paū Andronaikus imo Jūnya, ōvun numpūnarig yaū, mori dūmūte ūndū yaū ra mumpon nimo naugkugko, irora ōvun horog, dal ōvun apostol, ĭm irora dūmūte ūndū Krĭstō ugi tavnirigi opmovūm irag. 8Iyi pau Ampliētus, mori umesitū iramam ra Krĭstō, 9ĭm Stēkis avug sai paū sorūg. 10Iyi paū Apelles, umagkū iyi aremai ra Krĭstō. Irora paū mori ran temne eni Aristobulus. 11Iyi paū Herodion numpūnarig. Irora paū ran temne eni Narsissus, irora ūmante ra Novsūromon. 12Iyi paū Traifina ĭm Traifosa, mori dūmūtorugat ra Novsūromon. Iyi paū Persis, mori vevenūg aremai, mori yemtorugat tamas ra Novsūromon dan sū. 13Iyi paū Rūfus, ĭt iyi tampoli eni Novsūromon, ĭm dineme isen ĭm enyaū sugkū. 14Iyi paū Arsinkritus, ĭm Flikon, ĭm Hermas, ĭm Patrobes, ĭm Hermas, ĭm ravitsaieme ūmante dal irora. 15Iyi paū Filolokus, ĭm Jūlia, ĭm Nereus, ĭm veven eni, ĭm Olimpas, ĭm irora sū omwisū ōvun tanepo ūmante dal irora. 16Ufielintugkūm kĭmi ugi sūgū tanepo. Ovun nilepon Sai lō eni Krĭstō omwisū ūmagkū kĭmi paū.
17Im, ravūgsaieme, yakum nesenugkūm, ufinte netevarū enirora mori ūmnupi sendūekia ĭm tarū sikat ĭm nitakeli, ĭm tawi sugkū nam mori kum urigi mūvai: ĭm torileki morokonda kĭmi. 18Popōwo irora mori umnumpi sugkū ūtūm torugat iran Krĭstō Novsūromon enugkos, kō irora ūmuntorugat ra netnint enirora, wokon: ĭm popōwo nam nemolsep nimpiri enirora ūmumpiriwokona nowanda ōvun nemlū.
19Popōwo tavnirigi enugkimi umevsor ūniminda ōveteme omwisū. Im popōwo ugi imo yakum avos tamas ugi kĭmi: kō yakum nakaiugi ma kwante nointanwi kĭmi ugi ima mori tiame aremai, kō ōvun nemlū netūkili pugi siame ūr. 20Im Nōbū ninparata ontasoso Sētan marima ra mumpon nowomi kĭmi.
Itemas paū eni Iesū Krĭstō Novsūromon ante mante dal kĭmi.
21Timote mori umentorugat ūndū yaū, emagkū, kĭmi paū; ĭm Lūsyus, ĭm Jēson, ĭm Sosipater ōvun numpūnarig.
22Yaū Tertius, yaū mori yakum netaiyi imo netaiyi, ya magkū kĭmi paū ra Novsūromon. 23Kēus mori umafinte yaū ugi nevag ĭm umfinte sugkū ugi nevag nilepon sai lō tumpora omwisū, emagkū, kĭmi paū. Erastus, mori tresurer ra Sĭti, emagkū, kĭmi paū, ĭm Kwartus avitsai sugkū.
24Wante mante dal kĭmi omwisū ĭtemas paū eni Iesū Krĭstō Novsūromon enugkos. Amen.
25Im pugi iyi mori faneteme worumpi kĭmi ūnam sugkū nam navosavos enyaū ĭm nam umumtorenū-wisah eni Iesū Krĭstō, sugkū ugi nenuatumpeni ra atiumpeni mori yetin afinte ugi neseni natepū ugi ra ōvun nempugon indowi, 26kō ra nempugon marima umantūratumpeni, ĭm ugi netaiyi tumpora enirora ōvun profet, sugkū ugi nam alam isen Nōbū ūnam indowi, ĭm otin sūli pun ora ōvun lō sū omwisū, pugi nalekoleki ra tavnirigi; pugi iyi Nōbū nelekon saiteven wokon, marugi Iesū Krĭstō, pugi iyi ante mante nilasilasewi ūvūm nevisū. Amen.
Currently Selected:
Rom 16: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
