Salmo 98
98
Salmo 98 (97)
Chikiqninkunata vencinqanpita Dios Yayata alabanqan
1a (1a) Salmu.
1 1 (1b) Mushuq cantuwan Dios Yayata alabayay.
Paymi mantsakaypaq imaykakunata rurashqa.
Poderösu karmi llapan contrankunata vencishqa.
2Contrankunata vencinqantam Dios Yaya willakushqa.
Chikiqninkunata castiganqantam llapan nacionchö täkuq runakunata musyatsishqa.
3Israel runakunata kuyar prometinqantam cumplin.
Kay entëru munduchömi pïmaypis musyan Diosnintsik salvakuq kanqanta.#Isa. 52.10.
4Kay munduchö täkuqkuna, kushikur Dios Yayata alabayay.
Llapan shonquykikunawan alabanzakunata cantayay.#Sal. 100.1.
5Arpata töcar Dios Yayata alabayay.
Cuerdayuq instrumentukunata töcar alabayay.
6 Dios Yayam mandamaqnintsik rey.
Cornëtakunata y waqrakunata töcar alabayay.
7Lamarchö y tsaychö kaqkunapis kushishqa qayaykachäyätsun.
Kay munduchö y kay patsachö täkuqkunapis alläpa kushikuyätsun.
8Mayukunapis kushikuypita aplaudiyätsun.
Jirkakunapis kushishqa cantayätsun.#Isa. 44.23.
9 Dios Yayapa puntanchö alabayätsun.
Paymi llapan runakunata juzgananpaq shamuykan.
Paymi kay patsachö täkuqkunata mana jananpar juzganqa.
Currently Selected:
Salmo 98: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
